[frame="7 10"][/frame]
المقادير:
2.5 كوب دقيق
1 بيضة
فانيليا- غطا خل ( لانه بيعمل عمل محسن الخبز وبيعطى المخبوزات طراوة تجنن)
2.5 ملعقة كبيرة زبدة مذابة
0.75 كوب حليب دافئ
2.5 ملعقة صغيرة خميرة
2 ملعقة كبيرة سكر
2 ملعقة كبيرة حليب بودرة
0.5 كوب بطاطس مسلوقة ومهروسة كويس جدا جدا
ذرة ملح
الطريقة:
**نسلق بطاطساية ونهرسها كويس اوي (لازم تتهرس تمام جدا عشان متكلعكش في العجين)
ومانرميش ماء السلق عشان بيساعد علي تخمير العجين هناخد شوية صغيرة منه نحطها على الخميرة وندوبها
**نحط البطاطس المهروسة و نضيف عليها البيضة المخفوقة مع الفانيليا والخل
**نضيف عليهم الزبدة المذابة واللبن الدافئ
**نضيف عليهم الخميرة المذابة في قليل من ماء سلق البطاطس الدافئ وعليها معلقة سكر
**نضيف الدقيق المضاف اليه معلقتين السكر وذرة الملح والحليب البودرة
**نعجن فترة كويس... العجين في الاول هيبقي بيلزق شوية نفضل نعجن فيه لحد مايلم وممكن نضيف شوية دقيق لو لقيناها بتلزق اوي بس منزودش دقيق زيادة عن اللزوم عشان العجينة متنشفش منا
**نغلف العجين ونتركه ليخمر
**نرش دقيق كتيييير ونفرد العجينة بسمك 1.5-2 سم ونقطع الدونات
**نجهز صينية كبيرة عليها ورق زبدة ونرش عليه دقيق كتييير عشان العجين ميلزقش في الصينية ونرص فيها الدونات
**نسيبه يخمر نص ساعة في مكان دافئ
**نجهز زيت القلي ويكون غزير وسخن
**نجيب مقصوصة او حاجة عريضة نرفع بيها الدونات بالراحة ونحاول ننفض الدقيق كويس
مش بياخد وقت خالص على النار اول ماياخد لون ذهبي نقلبه عالوش التاني وبرضه اول ماياخد لون ذهبي نطلعه من الزيت
مواقع النشر