اقدم لكم كيكتي
موضوعها النظافه من الايمان ماراح اقول بسيطه لانها طلعت عيوني
مناسبتها يوم النظافه في مدرسة امي
مضمونها نظافة الطالبات من رفع الشعر ولبس الشي المعقووول من الاكسسوار
وسوالف مالكم فيها خخخخخخخخخخخخ ..
منها تسريح الشعر وسويت له جديله وحطيت له فيونكه >> ترتيب الشعر
وسويت ربطة شعر وا من يسميها طووق << على الموضه بعد
واساور بسيطه مثلتها با الكور الصغيره يعني شغلات بنوتيه والالون ابيض زهري ووردي وبنفسجي
سوالف بنوتيه تلفت نظرهم ويتنعون با الفكره وفرض الشروط بطريقه حديثه ,,
والكيكه سويت الكيكه المخمليه او (( القطيفه الحمراء )) حسيت انها نعومه وتناسب الفكره
ولونها يساعد الموضوع
http://www.hawahome.com/vb/t131100.html
الايسنج
للزينه وتغليف الكيكه
ملعقة جيلاتين
ثلث كاس ماء
4 كاسات سكر بودره
نص كاس نشاء
ناخذ الجيلاتين ونذوبه في ثلث كاس ماء ونحطها شوي في المكرويف بس ندفيها
ونخلط النشاء والسكر ونعمل حفره في النص ونحط الجيلاتين المذوب
ونبدى ناخذ من السكر ونخلط وشوي شوي نبدا نعجنها لمن تتماسك ونغلفها با نايلون مع رش القليل من النشاء
وهنا راح يقوم النشاء بدور الطحين في العجينه يمنع الالتصاق ويساعد على التشكيل
صار عندنا خام ايسنج جاهز نقدر نضيف له أي نكهه او لون نبيه ..
نجي للكيكه
طبعا نحشيها من الداخل با دريم ويب او أي كريمه تحبينها
نجهز التغطيه با الاتـــي
الادوات عجلة تقطيع + فرشاه + نشابه
نذوب ملعقتين مربى في ملعقة ماء ساخن وهذي هي الماده اللاصقه
اللي راح نلزق فيها الايسنج با الكيك
ونشاء وسطح املس للفرد انا حطيت سفره ,,
اول خطوه ندهن الكيكه با المربى السطح والجوانب ونستخدم فرشاه ناعمه ما تفتت الكيك
نفرد الايسنج بعد ما نرش السطح والنشابه با النشاء ونراعي تساوي سطح الكيكه
وسمك الايسنج ونحطها بسرعه على الكيكه بس بحذر لانه يجف بسرعه
ويبدى يتقطع ونعيد نفس الطريقه اذا كانت عندنا طبقات ثانيه من الكيك
وبكذا نكون جهزنا الكيك للزينه ..
تزين سطح الكيكه
التزيين انا استخدمت نفس الايسنج للتغليف والزينه وحاولي تسوين كميه وحده
لكل شغله مو تسوين كميه كبيره لانها راح تجف وماراح تعرفين تتعاملين معها وتروح عليتس
لونت العجينه با نقط بسيطه من التلوين السائل للطعام وسويت با البنفسجي الجديله
والفيونكات با الابيض الخام و الزهر
الاساور فوشي
وربطة الشعر بيضاء وزهر مو احترافيه بس حاولت قد مااقدر ارتبها
وكا مرافق بسيط للكيكه سويت بسكوت با الزبده
مقاديره
كاس زبده
كاس سكر
بيضه
روح الفانيلا
وملعقة عصير برتقال
2 ونص كاس طحين
ملعقه وسط bb
الطريقه
نخلي الزبده لينه بدرجة حرارة الغرفه ونخلطها مع السكر حبيبات ناعمه مو مهم مطحون
لمن يصيثر عندنا ميج كريمي ونزيد روح الفانيلا والبرتقال
ونبداء نزيد الطحين الممزوج با الــ bb ومنخول لمن تتكون عجينه ملساء ما تلزق بس مو ماسكه مره
نقسمها ونغلها با النايلون وندخلها الثلاجه تتماسك تمام
اذا تماسكت نفردها ونقطعها با أي شكل نحبه ونشتغل فيها بسرعه والزبده متماسكه
انا حطيت كل 4 فوق بعض ولفيتها مثل الهديه
![]()
مواقع النشر