حبيبيتي أمل أنا تزوجت لما كان عمري 19 سنة وكنت طالبة بالكلية ولما ولدت ولدي البكر كان عمري 20 سنة ... أنا حاسه بشعورج ومعاناتج أنتي تعتقدين إنج بهالطريقة تنتقمين من أهلج على اللي سووه فيج بس في الواقع إنج قاعده تدمرين نفسج وزواجج وما دام زوجج زين معاج وصبر عليج خمس سنين إحمدي ربج على النعمة اللي إنتي فيها ولا تظيعين ريلج من إيدج ... صلي صلاة إستخارة وربي ييسر لج أمورج وكثري من قراءة القرآن علشان الله يثبتج وحافظي على صلاتج ... صدقيني ما في أحلى من اليهال في البيت يخلون البيت مثل الجنة ... ومع كل حمل يديد بيزيد غلاج بقلب زوجج ... والله بتحسين بسعادة ما أقدر أوصفها لج ... أنا الحين حامل وزوجي طاير من الفرحه كأنه أول ياهل لنا ويقول لي كل ما حملتي أحس بحبنا يتجدد ... الحمل تجديد للحياة الزوجية ... توكلي على الله ولا تحاتين أي شي ... وبقولج شي قالت لي إياه أمي لما حملت بولدي البكر لما شافتني خايفه من الولادة ... قالت الألم مثل ألم الدورة الشهرية بس أكثر شوية وكل ما حسيتي بالطلق قولي يا الله الحين يروح الألم وأنسى كل شي وكرري هالكلام لما تروح الطلقه وقالت لي لا تصرخين إدعي أحسن لأن دعاءج في هاللحظة مستجاب والملائكة قاعده عند راسج ... والله حسيت براحة ولا قمت أخاف من الحمل أو الولادة ...
الله يسهل أمورج وإن شاء الله تترسين البيت صبيان وبنات وتفرحين قلب زوجج ... آمين ....
مواقع النشر