السلام عليكم ورحمة الله وبركاته
هلا وغلا بكل الاعضاء الطيبين الحلوين واللي بنحبكووووووووووووم...
هذي قصة تسجيلي بالمنتدى واللي صار معاي في منتدانا الرائع,,
أبطال القصة هم: وريثة الهم،بقايا تجربة،الفجر البعيد،حلا سدير،الجودي،فاقدة اخواني،al noor 2
في يوم الخميس الموافق 25-1-2007 كنت أنا وخواتي كل وحدة على لاب توب ونتجول في المواقع بشكل عام.. فكانت بقبوقة دايما تدخل هالمنتدى (بيت حواء) وتتابع المواضيع وتتكلم عنه ودايما تقول بيت حواء فيه وفيه وتعلمت من بيت حواء الشي الفلاني.. عني أنا ما كنت أهتم بالمواضيع وايد كنت بس أدخل النت أدرس من مواقع معينة وأقرا لي كم قصيدة وأطلع >>> مسوية شاعره خخخخخخ..
وبها اليوم هذا كنا يالسين بالغرفة في هدوء وسكينة الا وعيون بقبوقة تلف وتدور وتطالعنا أنا وريامة.. استغربنا منها وقعدنا نقول هذي شو بلاها استخفت الحمدلله والشكر ، وفجأة من غير سابق انذااااااااار الا وهي تقول:
سجـــــــــــــــــــــــــــــــلت في بيــــــــــــــــــــــــــــــــت حواااااااااااااااااااااااااااااااااااااء,,,
طبعا انا وريامة من هول الصدمة لا حراك ولا شي بس بعدين انا على طول وراها قلت انا بسجل وياج >> اندفعت وسجلت خخخخخخخخخخخخخخخ.. والحمدلله تم التسجيل وكنا وايد فرحانين... مع العلم انه اول منتدى نسجل فيه هو هذا...
طبعا كنت انا وبقبوقة توم وجيري هع هع يعني كل ما تروح مكان الحقها لازم نكون في نفس القسم اذا دخلت الاستراحة اطير وراها واقول لها ردي على موضوعي الفلاني ههههههههههههه ناس مب شايفة خير.. المهم أنا أول ما حسيت اني متعلقة بالمنتدى عرفت وحدة اسمها الفجر البعيد، بصراحة هذي أول وحدة عرفتها بالمنتدى وللحين اعرفها واعتبرها أختي العودة واكثر من أختي بعد ومستحيل اني استغنى عنها... أما بقبوقة كانت تلعب ويانا بس لهذاك الزود يعني شوي وتبلط.. ومع مرور الايام بقبوقة شدت حيلها وقالت ابفتح موضوع وفعلا فتحت موضوع سوالف خوات في الله وقامت تسولف مه هذي ومع هاذيج وبعد عناء ووقت كبير استطاعت ان تعثر على صديقة خخخخخخخخخخخخ وتعرفت على فاقدة اخوانيوصارت بينهم معرفة وللحين الحمدلله الوضع ماشي معاهم >> الى ان اطلقنا عليكم اسم بينكي وبرين لانهم من يدخلون لعبة يخربون الدنيا ويطلعون الى ان تطور بهم الوضع وانتقلوا الى الخاص ولله الحمد والمنة هع هع هع..
المهم انا من تعلمت عالاستراحة صرت اتريا دخول الفجر البعيد ومن اشوفها العب وياها واستمر الحال لين عرفت حلا سدير ( فرحة أمل سابقا ) وحبيتها والله من كل قلبي وللحين ما نسيتها وصرنا نتراسل عالخاص لازم كل يوم ارسل لها وترسل لي بس بعدين انقطعت عن المنتدى لظروف خاصة... >>>> وحشتيني يا فروووووووووووووحة...
وألحين تطورت وعرفت اغلب بنات الاستراحة من زود التبليط فيها ومنهم عرفت ( حبيبة أمها) الغايبة الحاضرة اللي توحشني كل وقت وما تغيب عن البال وقدرت انها تحصل على مكانه بقلبي باسلوبها وبكلامها الطيب معاي,,, والجودي و al noor 2 ووايد بنات صرت احس ان وجودهم مهم في المنتدى والاستراحة بدونهم ما تنفع....
واستمرت وروووووووووث في اللعب واهم مشاركاتها في الاستراحة والشعر والديكور ,,, لكن بعد كل هذا شو اللي صااااااااااار؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟
رجعت أيام الدراسة وبدأنا امتحاناتنا وصار كل واحد همه كتبه وجامعته ومدرسته..>> الله ياخذ الشهادة اللي تبعدنا عنكم خخخخخخخخخ..... وانقطعت اخبار البنات وصرنا ما نشوف بعض وايد وهذا الشي يضايقني لاني تعودت عليكم وعلى سوالفكم..
أنا حبيت أكتب هالقصة هذي باختصار شديد من سجلت لين الحين عشان ابين لكم شي واحد بس ألا وهو:
إنكـــــــــــــــــــــــــــــم وحشتووووووووووووووووووني يا أعضاء القصـــــــــــة ويا كل أعضاء المنتدى...
أتمنى إن الله يجمعنا على خير وإن الله يوفق كل وحدة شادة حيلها وتدرس,,, وأحب أهديكم هالقصيدة عساها توفي بحقكم....
العين ماتروى من الزيـن ياشـوق
...................كل مانظرتك زاد فينـي ضمايـه
تختـال مابيـن المعاليـق برفـوق
...................من فيض حبك ماعرفـت الكفايـه
ماشاقني غيرك من الناس مخلـوق
...................وصلك مرامـي وابتعـادك بلايـه
تطري علي مع هجعة الناس والموق
..................ويشوقني صـوتً يهيـض خفايـه
باب الغلا في داخل القلب مطـروق
...................كله سبـب نجـلً تسبـب غوايـه
الناس قالت كل مطـرود ملحـوق
...................والعمـر ينقـص ماتحقـق منايـه
يفزله قلـبً مـن البعـد محـروق
.....................واجاوبـه لبيـه يـومـه دعـايـه
واغفي على صوته إلا حل وآفـوق
...................وتسري بي النجـوى بليـا درايـه
ياقايـد الغـزلان يامنبـع الـذوق
...................ياماخذاً قلبـي علـى كيـف رايـه
ارحم محبً يوم تطري لـه يتـوق
.....................ويعـود بـه شـوقً بليـا نهـايـه
وسوالم..
أختكم: وريثة الهم
مواقع النشر