°ˆ~*¤®§(*§§®¤*~ˆ°هل أنت فاشل ؟

ضرب البلطجى باب المقهى برجلة فوقف جميع رواد المقهى خوفا من البلطجى إلا شاب كان يجلس وهو شارد الذهن ينظر إلى كوب الشاى الذى أمامه...
فاتجه إليه البلطجى وأخذ كوب الشاى من أمام الشاب وشربه مرة واحدة ثم القى الكوب فارغا وقال للشاب إدفع انت بقية ثمن الشاى..

بكى الشاب بكاء مريرا...

البلطجى: بتعيط عشان خمسين قرش وعامل لى راجل ..

الشاب: أنا بعيط عشان ماليش بخت فى الدنيا دى كل ماروح شغلانه أفشل فيها ويطردنى صاحب الشغل
اشتغلت قهوجى وقعت الشاى والطلبات على الزباين إشتغلت مكوجى حرقت هدوم الزباين اشتغلت محاسب فى شركة طلعت شركة نصب والبوليس قفلها
سافرت السعودية طلع العقد مضروب ورجعت ترحيل
رحت العراق حصل الغزو وراحت فلوسى ورجعت ماشى
بصراحة أنا إنسان فاشل فى كل حاجة أعملها..

البلطجى : ياه دا أنت فاشل خالص

الشاب: أُمال لوعرفت اللى حصل الشهر اللى فات كنت رايح شغلانه جديدة فصحيت الصبح متأخر فنزلت بسرعه وركبت عربية جارنا اللى حاططها قدام البيت ورحت الشغل برضة متاخر
فطردنى صاحب الشغل لاستهتارى بمواعيد العمل فخرجت من الشركة فاكتشفت أن حرامى سرق العربيه
فاتهمنى جارنا بسرقة العربيه وقبضوا عليه واتسجنت6 شهور ولسه خارج النهاردة حتى الإنتحار فشلت فيه

البلطجى إزاى؟

الشاب : رحت للبقال وأشتريت منه أقوى سم قاتل وجيت القهوة وحطيت السم فى الشاى عشان أشربه أموت وأخلص من حياتى فجيت انته وشربت الشاى بتاعى اللى فيه....


>>>



<<<<

منقول

طبعن لا يجوز عمل هذا الرجل وان عظم الثواب مع عظم البلاء°ˆ~*¤®§(*§§®¤*~ˆ°