أبي ..أفضفض ..أبي أشكي..

[Deemah]

السلام عليكم ورحمة الله وبركاته


تعبـــــــــــــآآنه ,,, بجد تعبـــــــــــآنه ..تعبت .....

صحيح اني بفترة مرآهقه واقوول هذي مرحله حساسه ومواقف صعبه ومشاكل بتمر علي ولازم اكون اقوى واذا كبرت بتذكر هالمرحله وبفتخر بقوتي..بس خلآآص أحس..مآفيني..تعاملت بصبر بحكمه ..ولافآد مدري العيب فيني أو في اللي حولي..

تحملت الــــــــــوحده ..بس مو أي وحده وحده من نوع ثآني وحده وسط أهلي ونآسي..

تحملــــــت المسؤليــه ومعآهآ اللــــــــوم ’’ يعني اتعب وأتأكد انوو مآرآح أستفيد وماراح احد يجازيني مهما سويت لازم أكون انا الملومه الاولى في كل شي..

تحملــــــت الظـــرب..لأسبآب تآفهه اي واحده ماعنده ثقه بنفسه او يبي يحس بقوته يجي لعندي صغيره وضعيفه ويلا هنا المتنفس,,

ليش..لآزم تكون البنت مهآنه ,,ليش لآزم انظرب لأني رفعت صوت التلفزيون من غير قصد ..ليش يقولون لي اني اهنته يوم رفت الصوت ليش يسمونه عيييييييييييييييييييييييييييييييييييييييييييييب..

ليش بعد ماأبكي وأطالع آثآر الكدمات بجسمي اسمع اللوم والأاهانه والسب اسمع اني انا الغلطانه ليش لها الدرجه البنت حقيره عندهم واي شي تسويه غلط ..

والله تعبت وادري انه المفروض مااكتب بس مليت ابي اجرب الشكوى ..اول مره يصيرلي موقف وابكي واجي اكتب هناآ...والحمد لله احس برآحه ... مو لازم القى اجابات على أسئلتي اهم شي اني سئلت وارتحت..

[الجنــــان]

[align=center]

عزيزتي ديمه

أسأل الله العظم ان ييسر امرج ويشرح صدرج

والله لمست الالم بكلامج وحسيت بمدى المعاناة اللي تمرين فيها

لكن من طريقة كلامج اكتشفت انو كلامج ما يقوله الا انسان عاقل وكبير مو مراهق

يعني كلامج كان اكبر من سنج ويدل على عقليتج الرزينه لانج ما حاولتي تعترضين

او تسوين اضراب نفس ما يسوون بعض المراهقين

غاليتي فترة المراهقه هي فترة نقدرين تسمينها على المحك يعني بين الطفوله والبلوغ

في هاذي الفتره المراهق دايما يحس ان كلامه مو مقبول عند الكل او تصرفاته ماتعجب

احد ويحاول يسوي اي شيء بس عشان يبين للي حواليه انه موجود يعني ( نحن هنا )

وهاذي مرحله صعبة جدا كلنا مرينا فيها والاغلبيه حسوا بنفس احساسج لدرجة ان المراهق

يظن انه ما كو احد فاهمه ( صح ولا لا ؟ )

وانا ما اقول ان انتي غلطانه بالعكس كلامج صحيح وعدم ردج على سوء المعامله ما يسمى

ضعف بل سميه قوة لان الانسان القوي هو اللي يقدر يتحكم باعصابه ولا ابلغ من قول الحبيب

صلوات ربي وسلامه عليه (( ليس الشديد بالصرعة انما الشديد الذي يملك نفسه عند الغضب ))

ولا تقولين تكلمت وماكو فايده لا حاولي تبينين وجهة نظرج بطريقه ثانيه حتى يفهمونج واصبري

وتقربي الى الله عزوجل اكثر واسأليه ان يعينج وييسر امرج , اقرئي كلام الله , فوالله بعدها راح

تشعرين برضا كبير وراحه اكبر ,, حبيبتي (( من وجد الله فماذا فقد ومن فقد الله فماذا وجد ))


وبقولج انو اللي كتبتيه لا تسمينه شكوى بل من باب الاخبار لا غير واشكي الى الحي القيوم

فانه يعلم السر واخفى

[align=center]وبعدين انتي مو وحيده كلنا في المنتدى اخوات لج في الله[/align]

حبيت اشاركج وتقبلي مروري




الراجيــه عفــو ربهــا

جنـــــان[/align]

[ملكةالشوكولاته]

حبيبتي الله يعينك ويصبرك لأن هالدنيايبغالهاصبروعالعموم
انتي اذاسويتي شي لاتنتظرين الجزاءمنالغيرلكن تأكدي إن عندالله جزاك مايضيع

[اشراقة الغد]

الصراحة ماازيد على كلام اخواتي شيء

حبيبتي اصبري واحتسبي الامر عند الله عز وجل

وضعي في نصب عينيك الجنة يهون عندك كل شيء

من عرف حلاوة الاجر هان عليه مر الصبر

تذكري يوم تحسي بالوخدة بالظلم قولي هناك الراحة والسعادةالابدية باذن الله

لازمي قراءة القران

واكثري من الدعاء

واذا اكثرت الطرق على باب الله سيفتح لك

الله كريم رحيم بعباده

تذكري الرسول صلى الله عليه وسلم

وكيف عذب وطرد وشتم لكن مع ذلك يصبر ويعفو


حبيبتي اذا احتجتي اي شيء فنحن كلنا موجودات