هل انتي مع او ضد ,,,,,

[حبيبة ابوها]

السلام عليكم

كيفكم حريم ,,اخش في موضوعي ,,,

لو ,,, اتقدمتي في السن ,,, واتجعّـد وجهك ,,, وشعرك شاب ,,, هل ممكن تسوي عملية تجميل ؟؟

مثلا" تشدي وجهك ورقبتك ,,,


والا ,,,


حتفضلي زي ما انتي ,,, خلاص ما حتتمكيجي ولا تلبسي غير جلابيات ,, وماتسشوري شعرك ولا تصبغيه ,,

ولاتهتمي في رشاقتك واكلك ,, يعني بالعربي يا حبايبي ’’’


ابغا اعرف راح تكوني عجووزة كووول والا عجووزة كركوووبه ؟؟؟؟

هل تعتبرو دا الشي تشبّـب ؟؟؟؟؟ يعني عيب تسوي حركات الصغار ؟؟؟؟

استنا ردووودكم يا حلوين ,,,

%%%%%%%%%%%%%%%%%%

بالنسبه لحبيبة ابوها تعرفو ايش امنيتها وطموحها؟؟؟؟

انو ان شاء الله ازا ربي خلاني احمل اهتم في نفسي حتى وانا حامل اكون شيك ومرتبه والبس حلو مو كلو

ملابس حمل جلابيات ,,, واحافظ ع رشاقتي بعد الولاده واثناء الحمل ,,يعني اروح لأخصائية تغذيه تسويلي

جدول عشان انا من النوع الخواف ,, لما اسمع عن وحده جاها سكر الحمل ومسك فيها بعد الولاده ماراح ,,

والا جاها زلال ,, يسير في نفس الوقت اكل حاجه مفيده للنونو وما تخليني اتخن يعني بس وزن البيبي ع الاقل

ومن دي الاشياء ,, وان شاء الله ازا ولدت حكون مرتبه حتى في فترة الولاده يعني مو لازم

مكيااااج كامل ع الاقل كحل خفيف وروج لحمي ,, يعني مثلا" (( معليش متحمسه وربنا عالم بالغيب ))

لما يسير عمري 30 سنه ان شاء الله ازا كان ليا عمر حأبدأ استخدم مجوعة كريمات ايلي تحافظ ع شباب البشرة

(((ياحريم دا الشي لازم منو ع فكرة لاتستهونو ))) وبرضو لا تنسو الفاكهه والخضار والمويااا ليها دور اكبر ولو ع

الاقل رياضة المشي ,, كلو بس بعقل وانتبهو ,, حلو لما الوحده فينا تكبر في السن وتكون انيقه ومهتمه بنفسها

وصحتها حلوة كمان ,, يعني تروح صالون تعمل بوديكير وفتلة وتنضيف بشرة ,, من فترة لفترة ,,حلو كده ,,,

%%%%%%%%%%%%%

والله يا اخواتي في زواج لوحده قريبتي جات وحده من طرف امها مع بناتها قامو يرقصو ماصدقت ماشاء الله انو

امهم معاهم ترقص كأنها اختهم ,, انا مرة احب كده ماشاء الله ,,,

كمان كنت في صالون في الخبر ,, وحده باين انها كبيرة يعني بس ايش الاهتمام ماشاء الله ,, احلا صبغه وايش

جسمها صااافي لا اله الا الله ونضيفه في نفسها وكانت تسوي بوديكير لرجولها وانتو بكرامه ,, وحاطه ميك اب

خفيف ,,, شكلها مرتب ,, وجسمها ماشاء الله ماكأنو جابت بزورة ماشاء الله عليها الله لايغير عليها ,,,

%%%%%%%%%%%%%

هااا انتو مع والا ضد ؟؟؟

سامحوني حاسه الموضوع غبي شويا بس ابا اعرف ايش تفكيركم ,,,

تحياتي

[حبيبة ابوها]

حبايبي اخاف تقرو الموضوع تقولو دي همها كلو في الجمال ,, انا حبيت اتكلم عن جانب من الجوانب ايلي تهمنا

كحريم يعني ,,, اما جوانب الحياة الباقيه ,,, برضو مافيها كلام اكيد يبغالها اهتمام ,,

يمكن تقولو تربية البزورة والاهتمام بالاسرة والبيت و,,,,,,,الخ اهم من دي الاشياء ,,

تحكيني اختي مشتركة في نادي ,,كانت تمشي ع السير ووحده جمبها ع السير التاني دقت جوال :

*آلو هاا حبيبي اش عامل ؟؟

*اخوانك اتعشو و نامو ؟؟

*طيب انته زاكرت ؟؟ هات الجمله اشوف اقراها ليا من الكتاب .... طيب دا نائب فاعل مرفوع لأن الفعل قبلو مبني

للمجهول ,,,

*يلا حبيبي حط راسك ونام ,,مع السلامه ,,,

,,,,,,,,,,,,,,,,,,,,,,,,,,,,,,,

تقول اختي ماشاء الله تبارك الله عليها ,, عددت اسماء اربعه اولاد تسأل عنهم غير ايلي كانت تكلمو وماشاء الله

ايش الاهتمام وايش الرشاقه ماشاء الله تقول اختي مرررررة موباين انو عندها بزورة ,, حتى مو باين انها متجوزة ,,

وفي نفس الوقت تهتم في اولادها ,,,

,,,,,,,,,,,,,,,,,,,,,,,,,

اسفه ,,,

[حوريه2000]

انا بصراحه ما اهتم في الموضه كثير احب البس البس الي يناسب سني

ما افكر في عملية التجميل انا اذا شفت وزني زايد انزله بحميه وانتبه لنفسي واهتم بمضهري وكل سن وله جماله اناالشيب ما يسبب لي قلق بس ما اخليه احط صبغه عشان شكلي ما احب اكون مشهبهمضهري يهمني احب اكون مرتبه بس بوقار اذا عندي زواج احد من اولادي اومن من اقاربي اروح لصالون اسوي تسريحه تناسب سني وشكلي افصل فستان ثمين وحشمه ولله الحمد من دون مبا لغه الكل يعجب في شخصيتي ولا قد احد استنقدني انا احس اني واثقه من نفسي انا عمري 52 سنه والله الحمدالله يعطينا وياكم طولة العمر ويحسن خا تمتنا اشكركم على هذا الموضوع وعشتي حبيبتي 0اختك حوريه 200

[ام جهاد]

بصراحه تعجبني الاشكال الي تحب التجمل سوا كانو ا حريم كبار او لسى صغيرات

فيه اشياء تقدرين انك تصلحينها مثل صبغة الشعر و المكياج والجسم بلحميه والتمارين

لكن احب اقولك حبيبتي حبيبة ابوها فيه بعض الناس مع كبر السن يصير معه بعض الامراض مثل الضغط والسكر او الرماتزوم او وجع في الارجل وصعوبه في القومه والقعده وهانوع صعبه عليه يكون همه التجمل لانه يبغى مشاوير وتعب شوي 0000000000
والبعض الاخر يكون نشيط ماشاء الله مافيه امراض يكون فاضي لتجمل

اما عن الحمل حبيبتي يجيك وقت من الالم مالك خلق حتى اولادك فما بالك عن التجمل 000000000


اسفه طولة عليكم