أهلا وسهلا بكل البنات
أحب أقولكم إنو إحنا راح نكمل إللي بدأنا هنا .. لـــيـــش ؟!
لأن الموضوع الأول وهو "" يللا نبدأ تحدي عشره كيلو بالشهر هيا لاتفوتي الفرصه ""
زادت مشاركاته فيه ووصلتنا رساله من أختنا الحلوه نشمية بو ظبي .. تخبر بأن :يغلق الموضوع لكثرة عدد الصفحات
ويفتح موضوع جديد.
وهنا إن شاء الله راح نكمل o.k
وأذكر بالشروط المتبعه في التخفيف والرياضه .. وهي :
المهم إليكم النقاط إللي راح نمشي عليها طوووووووووول حياتنا إن شاء الله
بلا رجيم بلا خرابيط
المهم .. النقاط كالتالي..
• أولا : راح ناكل كل إللي نبغاه ولكن بكميات أقل من المررررررررات العاديه
• ثانيا : الإبتعاد عن الأكل لمداواة الملل والطفش والزعل والتسليه
• ثالثا : عدد الوجبات سيكون على حسب يعني ممكن ثلاث وجبات رئيسيه في اليوم أو خمسة وجبات في اليوم وجبه رئيسيه في الفطور (والغدا والعشا نقسمهم وجبتين خفيفتين).
• رابعا : يجب تخصيص جزء من كل الوجبات يحتوي على الخضروات ( سلطه – خضار مسلوقه – بانيه - مطبوخه ) وغيرها..
• خامسا : الأكثار من شرب الماء .. وعلى فكره أحيانا إحساس الجوع يكون من نقص المويه . وأنا أنصح إنو نقسم اللترين في اليوم كامل يعني : مثال .... نخلي كاستين على الريق وكاستين فبل الغدا وكاستين قبل العشا وكاسه مثلا وإنتي على الحاسب وكذا يعني نخلي في وقت محدد يذكرنا بالماء لأنو لو خلينا عشوائي راح ننسى .. ونهمل الماء.
• سادسا : الأفضل ننتهي من وجبة العشا الساعه 6-7 مساء . عشان الحرق يقل من الساعه 8-9 مساء فلازم ناكل بدري عشان يكون في وقت يتهضم الأكل.
• سابعا : أما إذا كان في خرجه أو عزيمه أو مناسبه ..فكلي إللي تبغي بس على مبدأ التخفيف إللي متعودين عليه. ولو تقدري كثري من السلطه عشان تشبعي.
• ثامنا : لا تنسي الرياضه أو أي مجهود ممكن يزيد التنفس و يحرك الدوره الدمويه و ينشطها.
• تاسعا : الأكل في صحون أصغر عشان تشبعي نظرك بإمتلاء الصحن. لأنو أحيانا نحن ما نقدر حجم الكميه المناسبه للمعده ليش . لأننا نطلع لجحم الصحن مناسب للكميه ولا لأ!؟ مع إنو المفروض نطالع للكميه بالنسبه للمعدة.
• عاشرا الأكل ببطء .. وبمجرد الإنتهاء القيام من المائده والإبتعاد عن الطعام .عشان لا نجلس ننقنق<< (ناكل لقمه في لقمه).
ملاحظات وإقتراحات :إذا تقدري تاكلي بعيد عن التلفزيون أو أي شي للمشاهده والتسليه .. أبتعدي قدر الإمكان ..ليش؟!
لأنو ومن تجربه شخصيه إنو الواحد لما ياكل ويتفرج على أي شيء ماراح يركز في إللي ياكلوا وعلى الكميه إللي أكلها وممكن توزك نفسك على زيادة الكميه .. صدقوني ومن تجربه.
وبقدر الإمكان التوقف عن الأكل الساعة 7 مساء عشان سمعت إنو هذه الطريقه تنزل الوزن
وأما إذا كانت في مناسبه فمافي مشكله أخريه ولكن بالتخفيف زي ماأتفقنا.
وكمان عندي إقتراح لوجبة العشا : وهو إنو نخليه خفيف يعني ( زبادي – سلطه – عصير – فواكه حليب .... إلخ) لزياده نزول الوزن ..ولكن إذا ماتقدري ونفسك تاكلي ..> كلي وبرضوا بالتخفيف.
لازم نحافظ على عدد الوجبات زي ماهو موضح في الأعلى >> يعني لا أشوف وحده تاكل وجبتين في اليوم ولا وجبه وحده ..
وعلى قدر الإستطاعه نخلي الوجبات في وقت محدد.
ومسموح بشرب الشاي والقهوه وكل مشروب طبيعي ومفيد وممكن سكر وسط أو خفيف.
ولا تنسوا الماء والحركة والتنظيم
وقياس الوزن كل أسبوع وكتابة المقاسات زي ماقلتوا وهي:
الطول:
الوزن:
العمر:
قياس محيط الخصر بـ (السم):
قياس محيط الفخذ بـ (السم):
قياس محيط الذراع العلوي بـ (السم):
قياس محيط الأرداف بـ (السم):
إن شاء الله يكون النظام سهل ويعجبكم وتقدروا تستمروا عليه
وإذا في أي رأي أو إقتراح قولوا
وبالتوفيق
مواقع النشر