"حسبي الله ونعم الوكيل"
"اللهم اجرني في مصيبتي واخلف لي خيرا منها"
"رب اشرح لي صدري ويسر لي امري واحلل عقده من لساني يفقه قولي"
انا يااخواتي متزوجه من 7 سنين وعمري 25 سنه وعندي طفلين ولله الحمد
صدمني زوجي باول اسبوع من زواجي يعني واحنا بشهر العسل واعترف لي انه كان يغازل ويمارس الجنس قبل الزواج
انا انهبلت وقمت ابكي وما صدقت وقام هو يتاسف ويعتذر ويقول والله اني تبت الحين وماابي الا انتي
وانا كنت صغيره عمري 19 لما تزوجت قلت الله يسامحك ونسيت الموضوع او تناسيت بس مع مرور الا يام صرت احسه
يسوي حركات غريبه مثل انه دايم يدخل بجواله الحمام الله يكرمكم ويتاخر وبديت اشك وبعد سنتين تقريبا لقيت عنده فياجرا وسنافي بالسياره وسالته وش هذي (كاني مااعرفها ) قال ماادري هذي مولي لاخوي !!! ولا فتحت فمي
وانا الحين ندمانه لاني ماعرفت اواجهه بحكم قله الخبره ماكنت احب الهواش والزعل وهالشئ خلاه يتمادى
مع انه كان يحسسني انه يموت فيني ومايقصر معاي ولو اطلب اي شئ مايردني فقلت اكيد ان ربي هداه الحمد لله
وصرت اموت فيه ونسيت كل شئ بس الي صار في الصيف الي راح خرب كل حياتي
في الصيفيه الي راحت كنت عند اهلي في الرياض وزوجي كان في جده
وكنت ارسل له رسايل حب وغزل واكلمه بالجوال عشان احسسه اني معاه بس حسيت ان فيه شي
مو طبيعي ولما يكلمني يبغى ينهي المكالمه بسرعه ومن لقافتي قمت احوس الين عرفت الرقم السري للايميل تبعه
وياليتني مافتحته لقيت فيه صوره وحده والله يابنات اني حسيت اني اتنافض وباموت من البرد مع اننا في عز الحر
وصارت معدتي تقلب ولوني اصفر وجاتني حاله ما يعلم فيها الا الله وزوجي كان بيجي في العصر من جده وانا حالتي حاله
حتى امي واخواتي يسالوني وش فيك اقول لا ولا شئ والله اني توقعت انه تجيني جلطه هذاك اليوم وصبرت الين جاء
مع اني كنت ادعي ان ربي ياخذه ويفكني منه ولما شافني وسالني وش فيك ؟
قلت له انا وش فيني؟ وش ناقصني ؟وش قصرت عليك فيه ؟؟؟
قام يضحك بكل برود ويقول والله ان مافيك شئ وانك احسن وحده بنظري ومن هالكلام
وانا ماقدرت امسك نفسي وجلست ابكي وقال وش السالفه
طبعا حكيت له الي صار
وقال بكل بروود بسسسسسسسس !!!!!!!
اصلا هذي ماتخصني هذي لصديقي !!!!!!!
المهم مدري وشلون ضحك علي وخلاني اصدق يمكن عشاني طيبه بزياده ومااحب المشاكل وقام يحلف وقلت له هذي اخر مره افتش وراك واذا بتسوي شئ بينك وبين ربك الله لا يحللك ولا يسامحك
والله ربي راحمني وكاتب لي اني استمر بحياتي معاه يمكن عشان اطفالي الي مااطيق فراقهم الله يعوضني بخير
مع اني وربي كل من يشوفني يقول ملكه جمال ولله الحمد ومو ناقصني شي
والبس احسن لبس له واتزين وفي الفراش الحمد لله مااقصر بس مدري وش فيه احس ان الخيانه تمشي بدمه...
يحب يتفرج عالصور والافلام الاباحيه وكل ما اشوفه انصحه واذكره ان عنده زوجه وبنت واخوات بس لاحياة لمن تنادي
احس قلبه ميت وايمانه ضعيف حتى الصلاه موحريص عليها الله المستعان
وكل مااجلس معاه واقوله اذاشفت مني تقصير علمني لا تسكت يقول لا والله انك اجمل وحده ومو ناقصك شئ!!!
والحين مشكلتي ان ثقتي فيه انعدمت وبالاسواق احس عيونه زايغه وصرت اشك فيه داايما والله حتى راسي دايم صداع من التفكير والهم وانا توني بعز شبابي
حتى اهلي كل ما رحت ازورهم يقعد بالي مشغول فيه ولا اتهنى حسبي الله ونعم الوكيل واتعوذ من الشيطان وادعي له بالهدايه وان الله يطهر قلبه ويحصن فرجه ويكفيه شر بنات الحرام
بس صار عندي زي الوسواس من هالموضوع وابغى افاتحه واجلس معاه بهدوء واتاكد من انه ابتعد عن هذا الطريق وخايفه ما يتجاوب معي ويزعل وش تنصحوني فيه؟؟؟
وانا ترددت كثير قبل مااكتب بس ماعاد اقدر اتحمل صرت عصبيه بالمره حتى على عيالي والله اني اكتب وانا عيوني تدمعوابغى مشورتكم الله لايوريكم مكروه ويسخر لي ولكم ازواجنا وذرياتنا
اللهم امين
مواقع النشر