السلام عليكم كلكم بدون استثناء
طبعا انا جديده عليكم ومرررة جذبني المنتدى والقسم هذا بالذات .. والكل فيهم الخير والبركة
انا عمري 25 لي سنه وثلاث شهور متزوجه .. بقوللكم قصه حياتي ومعليش اعذروني على الاطاله اذا طولت شوي لاني فعلا احس اني ضايعه ومحتاجه احد ينصحني
انا تزوجت 11/فبراير يوم الاحد طبعا يوم الاربعاء جاتني الدورة وانا دورتي 9 ايام والفرق بين دورة ودورة مو منتظم مرة يعني اوقات يكون يوم او يومين زياده عن اللي قبل
طبعا انا خلصت الدورة وفي اول يوم طهارة اخذت حبة وحده منع حمل من نوع يا سمين لان زوجه خالي قالت ان يا سمين اخف شي
وتعرفون الجهل في ذا الاشياء مصيبه اخذتها من نفسي من غير ما استشير دكتورة واول يوم طهارة
المهم بعد الطهارة بيومين جاني نزيف خفيف عاد انا خفت ورحت للمستشفى قالت الدكتورة ان عندي ضعف تبويض وهذا الدوم ينفع اصلي معاه عادي مو زي الدورة واعطتني حبوب توقفه طلبت منها حبوب منع حمل و صرفت لي نوع خفيف ما اذكر اسمه بس طبعا زوجي حلف ما اخذها ابد
عاد هنا نقطة كيف تصرف حبوب منع حمل لوحده عندها ضعف هذا واحد
المهم بعد ما كملت النسه انا وزوجي ولا حملت رحت لدكتورة ثانيه سوت لي تحليل هرمون الحليب وطلع مرتفع شوي بس واخذت حبه له وان شاء الله انه تمام
سوت لي سونار من فوق لبطن وقالت ان البويضه حجمها 12 يعني عندي ضعف هذا في يوم الـ 14 قالت تعالي لي يوم الـ16 يمن تكونين انتي تبويضك يوم الـ16 ورحت ونفس الشي
وصفت لي كلوميد الشهر اللي بعده من ثاني يوم في الدورة مرتين في اليوم واخذته وقالت تعالي يوم الـ14 اشوف حجمها حصل لي ضروف ولا رحت وكلمتها وقلت اني ما جيت وكذا قالت خلاص خذيه الشهر اللي بعده وتعالي ضروري اذا ما قدرتي تجين لا تاخذينه
عاد انا اخذت كلوميد للشر اللي بعده من ثاني ايام الدورة نفس الشي وكلمتها لاني كنت مسافره قالت يوم الـ14 سوي اشعه سونار في اي مكان وكلميني
عاد سويت الاشعه في حفر الباطن لاني كنت رايحه مع زوجي (( للمعلومه انا في الرياض ))
وطلع حجمها لسى صغير على كلام الدكتورة بس يا بنات صارت 11 يعني اصغر من قبل عاد انا كلمت دكتورتي وقالت الشهر الثالث خذي كلوميد وتعالي لي عشان اعطيك ابر مع الحبوب
والله يا بنات انا خايفه ما ادري كيف الوضع .. ومرة قريت في منتدى ان الوحده مو شرط تكون في اليوم الـ 14 تبويضها ممكن في يوم غير وقالت انو احسب اول يوم من الدورة واول يوم من الدورة اللي قبلها كم واطرح منه 14
عاد انا لي 3 شهور الحمد لله منتظمة والفرق 31 يوم من اول يوم لااول يوم ... طرحت 14 صار اليوم الـ17 عاد معقوله اكون انا في اليوم اللـ17 تبويضي .. انا في ذا اليوم هذا الشهر حسيت ان حلماتي تعورني قلت ممكن هذي اثار او شي
عاد ما ادري اخذ كلوميد وابرا الشهر الجاي والا اريح واسوي سونار في اليوم الـ 17 عشان اتاكد والا ايش العمل
مرة مشتهيه يكون عندي نونو صغير حلو .. الله يرزقني وكل محرومه يااااااااااارب
واعتذر عن الاطاله
اختكم توته
رد مع اقتباس
مواقع النشر