بســـــــــــــــــــم الله الرحمن الرحيم
السلام عليكم ورحمة الله وبركاته
-لاأدري من أين ابدأ كلامي فصدمتي اكبر مماتتوقعون
من البدايه سوف ادع الكتابه باللغه العربيه الفصحى مع انني أفضل الكتابه والتحدث بها لكن شجون تقولي
لااسدحي اللي عندك باالعاميه أحسن ......عاد أنا على طول عاالريحه
قلت سمعاً وطاعه ياشجون ...طبعاً اللي مايعرف شجون تراها اختي اللي لقبها شجون الموج اللي منسدحه
اربع وعشرين ساعه بالاستراحه<<<<<اخلصي علينا
ههههههههههههههه
خلاص ببدا بالجد <<<<تراني ماانعطى وجه
-هذه السالفه صارت معي بدايه العام الدراسي ومافضيت اكتبها انشغلت الله لا يشغلنا إلا بطاعته
وقلت الحين مادام اني فاضيه خليني اسردها لكم ومن الحين اقولكم انها غيييييييير منقوووووووووول
ولااحد يقول مش معقوووووووووول وبصراحه ماعمري سجلت قووووووول<<<<<اموت عاالسجع خخخخخ
قصتي مع امل وماأدراك ماأمل
أمل طالبه في الصف الخامس الابتدائي فهي طالبه غير كل الطالبات تتميز عن باقي الطالبات بسلوكها العدواني مع بعض الطالبات وعليها حركات احياناًامسك نفسي عشان مااضحك قدامها ودائماًتغلط في نطق الحروف مثلاً
يوم كنت اعطيهم درس في العلوم عن الثدييات قالت ياأبلى في حيوان في البحر اسمه بقبق تقصد قبقب واحسن
مافيها انها دائماًتحاول حتى لو الكلمه غلط والمرآهالمقعره دائماًتسميها مقرعه ودائماًكنت اقول قدام الطالبات ليس عيباًان نخطىء ولكن العيب ان نستمر في الخطأوكانت تتشجع وتحاول دائماًا الموهم احياناً
ترفع ضغطي بحركاتها تجيها حالات ماتسمع الكلام كان اللي يتكلم عندها جدار
والمعلمات كلهم يشتكون منها وتقريباً ثالث حصه دخلت عليهم من درستهم كتبت الأجوبه عالسبوره وقلت للطالبات انقلوها من السبوره وبعدين عطوني الكتب أصححها المووووووهم البنات كلهم يكتبون الا امل معطيتني أشكل ومطلعه التوحيد صرخت عليها وقلت لها (أمل كتبتي اللي عالسبوره)قالت لا بذاكر توحيد عندنا أختبار الحصه الخامسه قلتلها بصوت عالي الحين حصة توحيد ولا علوم قالت حصة علوم قلتلعا طيب سكري التوحيد ودخليه واكتبي اللي كتبته قامت تقول أووووووووووووووووف طالعتها بعين حاره ارتفع ضغطي الفصل كله هدؤء الا صوتي وصوتها الموهم دخلت للتوحيد وماأمداها تكتب كلمتين من السبوره الا وهي جايبه لي كتابها كاتبه الأجوبه باللون الأصفر الفاقع أنا على طول أخذت كتابها ونزلت عند الأداره وأنا اقول في خاطري ياربي وشلون أمها مربيتها على هالأسلوب مادري وشلون متحملتها بجد فيها عناد غير طبيعي دخلت الأداره وأنا باين علي اني معصبه قلت للوكيله انا صراحه ماأتحمل قالت خير انشاء الله قلتلها شوفي كتاب أمل قالت لي لاتعبين عمرك ادا دخلتي الفصل تجاهليها كأنها مو موجوده والله يهديها قلت لها ابلى مريم (أقصد الوكيله)وشلون كذا انا ماأتحمل قالت انتي اكيد عارفه انها......................
نعم انها لقيطه
أمل طفله لقيطه طلعت عالدنيا كأي طفل لقيط بلا أب وأم يرعونه ويغدغون عليه من فيض الحنان نشأت في دار الحضانه فقدت حنان الأم والأب فظهر منها السلوك العدواني
انا وقتها انصدمت قلتلها لاوالله ماأدري قالت انا على بالي ان المدرسات قالولك قلت لها دايم نسولف بتصرفاتها
وحركاتها بس يمكن يفكرون اني داريه
رجعت البيت وقلت لأمي وشجون السالفه والله انهم تأثروا وماقدرت انام بس قاعده افكر فيها وكلماااااات ابلى مريم تتردد في اذني وهي تقول ماتدرين انها......................
من بعدها وأنا انظرلها نظرة شفقه والمدرسات قالولي احمدي ربك الحين عقلت مو مثل العام
مره من المرات مرت أمل من من عند غرفة المعلمات ونادتها وحده من المعلمات وقالتلها حبيبتي جيبيلي ليبتون من غرفة المراقبه راحت وجابت لها غلايه قالت لها المعلمه أمل انتي تستهبلين قالت لا والله ياأبلى ايش هذا اللي تقولين عنه قالت لها المعلمه هذا اللي نحطه في الشاي وتأشرلها قالت اي والله ياأبلى انا ماأعرف اسمه بس أعرف شكله وربي انها عورت قلبي الموووووووهم بداية الترم الثاني البنت تغيرت 70 درجه تقريبا واللي انصدمت منه اكثر ان امها اللي تربيها في دار الحضانه يغيرونها كل سنه او سنتين عشان مايتعلقون فيها(آه ماأصعبها من حياة حمدا لك يارب على نعمة الوالدين حمدا يليق بجلالك )
والله يابنات ان مافي شي دفعني اكتب هالموضوع الا عشان نعرف النعمه الكبيره اللي احنا فيها ونعرف فضل الوالدين وحنانهم وايش يسوي فينا والكلام عنها وعن سلوكها ومواقفي معها كثيره لكن انا تعبت من الكتابه بس حبيت أقولكم بالصوت العالي إذا كان والديك على قيد الحياة اذهبي وقبلي رأسهما وأكثري من برهما أسأل الله أن يقر عينهما بك
أعتذر عالأطاله
رد مع اقتباس
مواقع النشر