ملخص كـامل لموضوع فيافي والتداوي بالاعشاب << اسئله واجوبه مهمه للغايه ,,

[زوجة الرحااااال]

تا بعي واحنا معاك والله يعينك ويعننا على القرائه
اتابع القرائه لاحقآ ولي عوده ان شاء الله
وجزاك الله خيرآ على المجهود

[sallyM]

الله يجزيكي كل خير
ويبشرك بالجنة على هالمعلومات والفائدة
مشكووووووورة أختي

[حبيبة ابوها]

سؤال: اختي فيافي صديقتي لها شهرين والده وجتها الدوره في نهاية الاربعين وبعد ماطهرت صار ينزل عليهابعد المعاشره دم خفيف وانتي بكرامه وشوية نجاسه والم ومغص في ارحامها وهي في غربه وضايق صدرها ولا تدري وش تسوي وامها تقول لها انك ماتنفستي زين وتبيها تنزل للسعوديه علشان تنفسها عدل. وانا صراحه ماقد سمعنا بهاالشي ابد ولله الحمد فياليت القى عندك الحل لانها مره تعبانه نفسيا ومبين عليها

اذا الوحدة ما طهرت بعد الاربعين يكون بالغالب انها ما اعتنت بنفسها انصحيها ولا تكون نفسيتها عدم ولا شيء مجرد نظام وتمشي عليه والحمدلله هذي امراض نقدر نعالجها بس تبي منا العزم, واذا كانت والده بعمليه فطبيعي ماتطهر بسرعه.

سؤال: حبيت اسئلك عن شرب الماء اثناء الدوره وهل يمكن ان نلهمه مع اللهوم فى ناس يقولون لازم تلهمون باالكمون او شى اعشاب ولازم مانشرب الماء نهائى باالدوره وانا مااستغنى عنه سؤاء بارد او دافئ

الضرر في شرب الماء هو احتباس السوائل وغير كذا اذا كان بارد لذلك مافيه مشكله من شرب الماء بس لاتكثرين يعني مو كل دقيقه اما اللهوم الافضل تلهمينه بمغلي اعشاب او كمون.

سؤال: ((سؤالي الاول ...الاشياء اللي قلتي عليها ما تسبب امساك (اعزك الله)
واذا كانت تسبب ممكن افطر على برتقاله على فكة الريق؟
سؤالي الثاني...اختي فيافي كاتبه في مقادير شاهي الاعشاب نص كيلو ميرميه ..وباقي المقادير كلها على نص كوب نص كوب ...هي فعلا تقصد نص كيلو ميرميه ولا كتبت كيلو بالغلط..يعني انا اخاف قصدها نص كوب ميرميه نفس الشي؟
سؤال آخر خلطه اول ثلاث ايام قلتي سفي مقدار 2 ملعقه من كل نوع مع كوب ماء ولا حليب
يعني شنو سفي ,سامحيني مافهمت الخلطه مطحونه احطها في كوب الحليب واشربها ولا اغليها مع كوب حليب وبعدين اشخله واشربه؟

بالنسبه للامساك عشان كذا قلت منقوعة العنزروت كل يوم نعم كيلو ميرميه لانها تساعد على طرد السوائل المحبوسه اما السفوف هو نفسه اللهوم تخلطين المقادير وتطحنيها وتاخذين ملعقه او ملعقتين وتبلعينهم ناشفات وعشان يروحون تشربين عليهم كوب الحليب ان شاء الله وضحت.

سؤال: استخدمت نظام الاعشاب من أول ايام الدوره ولكن حبيت اسألك عن عشبه وهي ( حبه حلوه) سألت عطار خبرته أكثر من 20 سنه وقال هي نفسها الينسون فأرجو منك ان تصفي لي شكل الحبه الحلوه حتى اعرف شكلها عند العطار؟؟؟
وبالنسبه للغسول هل هو من أول ايام الدوره وحتى في الايام العاديه يستخدم ؟؟؟؟ ويااختي فيافي كبو الهوا يستخدم في آخر ايام الدوره ؟؟

الحبه الحلو تأكدت انها الشمر مو اليانسون والغسول من اول يوم لاخر يوم وكبو الهواء بس في الايام الاخيرة.

سؤال: انا قمت بجمع كل الخلطات بس عندي مشكلة وهي اني حطيت الحبة حلوة قهوة عربية زي ماقلتي في بداية موضوعك وبالاخير قلتي انه شمر و الله توهقت عشان انا خلطتهم و قضيت هل لازم اعيد الخلطة ولا خلاص ايش رايك انقذيني

انا قلت القياس (فنجان قهوه حبة حلوه) مو معناه انك تضيفين قهوة عربيه وانا عرفت من البنات وبعدين تاكدت انه حبة الحلوة هي الشمر ياليت تكونين فهمتيني وياليت تحاولين تقرين الموضوع مع الردود يمكن يوضحلك اكثر.
اذا القهوه مو محموسه (خضراء ) كبي كل الادويه اللي خلطتيها معاها اما اذا كانت محموسه ماراح يضر بس لاتعيدينه مرة ثانية.

سؤال: جاراتي يقولون انهم وقت الاربعين يتنقعون في الدباغ.. هل سمعتي عنه وهل هو كويس اولا
وبعد يقولون انه يستخدمون خلطه يحطونها مع المرقوق والمعكرونه يسمونها الحوايج انا مررررررررررره ذقتها معهم طعمها حلو ولونها اخضر هل اتعرفين مكونات خلطه زي كذا نحطها مع الاكل ولا يكفي السفوف وشاهي الاعشاب؟

الدباغ حلو وهويغني عن الارطاء بس انا ماذكرته لاني افضل الارطاء والدباغ يسمى (العرن)وهونبات ينبت في الجبال.
اما الحوايج اللي تقولين فيه لون اخضر هذا (ماش) النبات اللي سبق وتكلمت عنه وفيه بعض النساء تخلطه مع الاكل وهذي مقاديره(ماش ,حلبه,حبة سمراء حبة حلوة,كمون,لوبياء حمراء صغيرة).

سؤال: بغيت اسالك هل العشبة هى نفسها المسيكة؟؟؟ لان عندى بخلطة امى حقة النفاس عشبة ولما سالت العطار قال ما عندى وما اعرفهاواللى اعرفه ان المسيكة تنشرب مع الحليب. شرايك اخلط المسيكة مع الادوية بدل العشبة. ناطرة اجابتك وعندى سؤال بعد وين احصل الارطا بالكويت او بالسعودية خصوصا الرياض والمنطقة الشرقية

والله مدري وش تقصدين بـ(المسيكه) المهم النبته اللي تحطها لكم امكم اذا متعودين عليها لاتغيرونها
اما الارطاء اكيد بتحصلينه بحفر الباطن اذا تقدرون تمرونها لانها هي اقرب شيء للشرقيه والكويت واهلها بدو وبيعرفونه على طول وهو ينبت بالنفود عندهم وانصحك تروحين لسوقهم الشعبي وتسألين عنه عن اكثر من عطار لحد ماتتأكدين من انه نفس النوع المعروض لك يعني مايختلفون اذا عرضوه لك


سؤال: ممكن اذكرلش اشكال الاعشاب اللي عندي عشان اتأكد منهم
شيح :اوراق صغيرة جدالونها باهت وفيها اعواد صغيرة وزنه خفيف
نونخة : حبوب تشبه الينسون على اصغر شوي
ارطا :اعواد ناشفة بدون اوراق لونها يميل للبني المحمر
قيصوم : اوراق صغيرة وحبوب متوسطة واعواد واللون بني فاتح ولما تنطحن تسير مثل لون الرمل
حزاة: اعواد فاتحة اللون (ابيض مخضر قليلا )وفي شوية اوراق صغيرة
حب الرشاد : حبوب صغيرةاكبر من السمسم شوي ولكن حمراء واثقل من السمسم
وابي اعرف كيف شكل الحلتيته هل هي كتله متماسكه لونها بني غامق محمر
والصبره ايضا هل هي قطع صغيرة لونها بين الاصفر والبرتقالي
والحبه الحلوة كيف شكلها هل هي نفسها الينسون
والمره سألت عنه وقال لي العطار ان هناك انواعواسمها مر سوقطري (من اليمن ) ومر عادي ولكن السوقطري اغلى بكثير عن الثاني وهو شكله كقطع الحجارة المتكسرة الصغيرة كاللتي تستخدم في البناء والنوعين متشابهين جدا
اتمنى ان لا تنسي اي واحد يا عزيزتي فقد بقي المره والصبرة لم اشتريهما والدورة بعد يومين تقريبا موعدهاواود التجهيز بسرعة

كل اللي ذكرتي وصفهم صحيح ماعدا القيصوم اما الحلتيته هي الكتلة البني لونها والصبره هي اللي تجي قطع كبيرة وبعضها مسحوق لونها بني وطعمها مر لها ريحة غريبه. اما المرة تكون زي الحجر الضغير ولونها بني فيه لمعه شفافه

سؤال: المسيكة عشبة لونها اخضر اسمع انها تنشرب مع الحليب والحريم يلقطونها من البر بس اللى امى تستخدمها عشبة.اسمها شذى بس متى ما رحت لها اباسالها عنها لانى ابسوى روحى ظفرة وبجيب ادويتى بنفسى هالمرة بس توهقت بالعشبة.مالى غناة عن الوالدة مع انى ما ابى اتعبها واعنيها واخليها تجيب ادويتى وتلقطها ووووو انت عارفة الباقى. بس صج فيافى انت تغسلين الاعشاب بعد ما تنظفينها والا بس تلقطينها؟؟؟

بالنسبه للاعشاب استخدمي اللي تعودتي عليه مع الوالدة الله يخليها لكم وانصحك اذا رحتي تجنين معاها الاعشاب تصورينه وتحتفضين بالصورة للحاجه وان شاء الله انا بسوي كذا هذي السنه اذا جاء موسم الربيع.اما انا اذا جنيت النباتات اغسلهم وايبسهم في الهواء على صحن بس اغطيه بقماش (شيلة العجايز) لانها اقرب شي للشاش وتسمح بدخول الهواء وبعدين عند الاستخدام اغسلهم مرة ثانيه.


تابع ياحبايب

[حبيبة ابوها]

تخيل نفسك تتبول واثناء التبول اردت فجأه ان توقف تيار البول( دون ان تستعمل يديك) انك تعصر العضله تقبضها هذه العضله تتحكم بخروج البول . هذه العضلات التى اعطيت لها الامر بالانقباض هى المقصوده بهذا التمرين : هناك عدة طرق لاداء ذلك سنختار اثنان منها الطريقه الاولى: الضغط(كأنك توقف البول) والارتخاء بسرعه من 10-20 مره متتاليه ثم راحه لمدة دقيقتين ثم ادائها مره ثانيه ثم راحه نفس المده السابقه ثم ادائها مره ثالثه ثم اداء كل ذلك 3 مرات فى اليوم لمدة 3 اسابيع على الاقل, الطريقه الثانيه: افضل وذلك بالضغط(كأنك توقف البول) وتستمر فى ذلك وانت تعد حتى 10 ثم الارتخاء نفس المده ثم الضغط نفس المده وتكرار ذلك 3 مرات وتكرار كل ذلك 3 مرات باليوم لمدة 3 اسابيع على الاقل وينتظر ظهور نتائج ايجابيه خلال اسبوعين من بداية التمرينات


سؤال: لقد طبقت الادويه في فترة الدورة والحمد لله والشكر له ثم لكي .. لكن سؤالي .. هل تظهر رائحة الادويه عند الجـ....!!!!
لقد سمعت ان هناك حديث عن عائشة تحث امراة عند الانتهاء من الدورة بان تتتبع اثر الدم بالطيب ... كيف ذلك ..؟

ريحة الادويه ماتطلع اذا كانت المدة طويله بس التحميلات اذا قبل بليله تبين بس انتي وشطارتك عشان تروح وعلى كل حال هي ريحه موقويه يمكن انتي بس تلاحظينها
اما الحديث السابق ياليت نسأل عنه رووما وتشرحه لنا لاني حتى انا مو عارفه شرحه.

سؤال: حبيت أسأل عن تساقط الشعر. أنا حامل بالشهر الثالث وشعري يتساقط بكثثثثره. قلت يمكن عندي فقر دم كالعاده . رحت للطبيبه وقالتلي انه ماعندي والحمدلله لاني اخذ حبوب حديد.وودي الله يعافيك أسال عن الادويه اللي تكلمتي عنها وش اللي يصلح منها للحامل؟وش رايك بالحبه السوداء لان معدتي دايم تغثني.

والله ما اقدر اوصف لك اي دواء شعبي وانتي حامل لان هذه الفترة متعبه واخاف انه بعض الادويه تسبب لك شيء مو زين

سؤال: ابي اسالك عن ولدي الصغير عمره 3شهور ونص واحس انه داخله بردلانه اذا سواها الله يكرمك يكون شبه سائل ولونه اخضر سامحيني بس والله مضيق صدري واذكر امي تقول هذا علامة انه داخله برد ومعه كحه خفيفه واحس ان عنده بلغم واحيانا اذا صاح اسمع له صوت زي الشخير من خشمه ومعه بعد زكام ماادري وش اسوي ليه هل المره تنفع والا الرشاد والا امرخه بزيت دافي والا وش الحل ؟؟؟

بنتك شكلها فعلا متعرضه للبرد ولكن هل مع التخريج زي الصمغ ولزوجات اذا كذا فهذا برد داخلها عن طريق رضعه بارده لانه تخريجها لونه اخضر مو ابيض العلاج اعطيها شوي عنزروت .م.ص. وخففيها في الصباح والمساء ورضعيها كمون مع سكر نبات وخلي الرضعه دافيه وادهني بطنها بزيت زيتون دافي مرتين في اليوم صبح ومساء وكتري عليها الملابس اذا انتم في مكان بارد او تنامون عند مكيف
اما الكحه فخذي كوب علك مر +لتر ماء وحطيهم في الثلاجه واعطيها ملعقة كبيرة مرتين بس بعد ماتدفينه شوي وخليه عندك في الثلاجه لك ولبنتك ولزوجك كلكم اذا تعبتو من غير شر عليكم اشربو منه

سؤال: انا جربت الادوية لكن السفوف على الريق والعصر فضيع طعمه وما ينبلع بسهوله وانا اخذ ملعقة واحدة متوسطه لأني اشعر بعدها بغثيان من طعمه المر وبعد منقوع العنزروت و---- مر فضيع لم استطيع شربه يمكن لأن المره ذابت فيه وطلعت طعم مر
اما التحاميل استخدمتها وانا اصلا كان عندي التهابات من اول فأحسست بحرقة رهيبه لكن ما كان في وقت اجهز التحاميل عشان تنشف رحت وخليتها في الفريزر عشان تجمد واستخدمت وحدة امس واليوم لم استخدم فشو رايش اكمل
والارطا اغتسل منه مره في اليوم والا كل ما ادخل الحمام ( الله يعزكم )
المره جابتلي واحده من السعوديه لونه احمر وفيه شفافيه شوي وقالت ان لما يكون اسود يكون قديم وله ريحه وطعم مر جدا
التمر مع الرشاد عادي لكن اي كميه مو مشكلة اذا شوي

التحاميل افضل شيء تستخدمينها دافيه يعني لاتستخدمينها مباشرة من الفريزر والا كانك ماسويتي شيء اما الارطا مرة في اليوم تكفي لاتكثرين وباقي اليوم مناديل التمر مع الرشاد كلي رغبتك اما الادويه اغصبي نفسك عليها لازم حتى لو طعمها مر تخيلي انا اذا شربتها احس ان كل شعره في جسمي توقف بس مو مهم اهم شي الصحه واسأل مجرب

سؤال: بغيت اخبرج عن اللي صار معاي بعد ما طبقت البرنامج لمدة أربعين يوم وفي نص الأربعين يوم جتني الدورة الشهريةوللعلم تره أول مرة تجيني من عقب ما ولدت (ولدي ألحين عمره سنة ونص ) بس أنا ما أنضبطت على البرنامج عدل عدل
المهم ان الأفرازات خفت بشكل ملحوظ فيه شوي بس مو كثر قبل والهوا بعد خف بشكل كبير المهم أني كنت أنتظر الدورة الشهرية تجيني مرة ثانية علشان أنظبط على البرنامج بس المشكلة أنها تأخرت ألحين أسبوعين
والحين أفكر أني أعيد البرنامج مرة ثانية لمدة أربعين يوم اشرايج

مايضر اذا بتعيدين النظام اهم شيء النتايج وانتي لاحظتي الفرق بس انتظري الدورة وطبيعي تلخبط معك الدورة اذا انتي ترضعين وماتستخدمين مانع واهم سيء تجنبي الجوع وعليك بالتمرة والرشاد

سؤال: فيه وحده من صديقاتي بتسافر لمدينه حائل وبتسكن فيها وتسال اذا كان فيه حرمه او مكان متخصص بالطب العربي تقدر تروح عنده...... او اي محافظه موجوده في حائل مثل /// جبه/// بقعاء/// الخطه/// اذا كنتي تعرفين فلا تبخلي علي

هناك الكثير من النساء المعالجات في حائل ولكن من الصعب اني اعطيك أي اسم لخوفي ان اسبب لهن ضرر وانتي عارفه الانترنت ولكن انا واثقه انها اذا سكنت في حائل فهناك كثير من نساء نفس المنطقه الشاطرت واذا سألت سوف يساعدنها ولكن سوف اعطيك بعض الاسماء التي نحسبها ثقه والله حسيبها (ام فهد) امرأة سمراء بحي السلام )ام بندر) شمريه بحي صديان الغربي (ام عمر) رشيدية بحي صديان الشرقي

سؤال: انا ماعندي عنزروت وانا في الغربه وش ممكن استخدم بداله؟ وزيت الزيتون وش رايك لو احط معه فلفل اسود او زنجبيل ؟؟؟؟؟؟
والسؤال الاخير علك المر هل هو اللبان اللي يباع بالكيلو ويجي كسر صغيره ولونه يميل للاصفر ؟؟؟؟؟؟؟

ادهنيها بزيت زيتون وزنجبيل بس لاتكثرين.. العنزروت مهمه ولا اعرف شيء يغني عنها
العلك المر مثل ماوصفتيه ولكن طعنه مر جدا ماينبلع من مرارته وهواللي يطلع البلغم

تااابع ياسكرات