*..رثـاء أمـي بـخـالـي..*

[أحب أخوي]

بسم الله الرحمن الرحيم
السلام عليكم ورحمة الله وبركاته
أناأخت جديده في هذا المنتدى ..والمعرف (أحب أخوي ) لأمي..وحبيت أهديكم أول مشاركه رثاء أمي بخالي



يــــا كبر هـــمي ويـا كبر جرح قـلبي *** يـوم الـخبر جانـي وقــالوا مــات
أنكرت وقلت اللي تقـولـون كذبي ***من فجعتي كني بحلـم وخـــيالات
وعجزت أصــدق تاه فكري ودربي ***مـوته حــياتي جاب للروح حسرات
والموت حق ومآخذ الروح غصبي ***لكن فراقه دنيتي لي خسارات
واستغفر اللي غافر(ن) كل ذنبي ***هو وحده الباقي رفيع الدرجات
يالله ياللي مفرجٍ(ن) كل كربي ***ياميسر أمورٍ(ن) علينا صعيبات
يامنجي (ن) يوسف من أعماق جبي***وقريت عين أبوه من بعد غيبات
ونجيت يونس يوم ناداك ربي *** ظلمت نفسي واستجبت الدعوات
ترحم حياة الروح عمري وقلبي***وتجعل مقره دنيتي وسط جنات
يسوى جميع الناس شرقه وغربي ***ويسوىجميع الحي منهم والأموات
يفداه عمري وكل شئ وربي***وتفداه روحي وكل حاضر وما فات
هو شمسي وظلي وهو نور دربي***وهو بلسم جروحي وللنفس راحات
ياابو محمد يا دوايا وطبي ***بعد الرحيم اللي لنا فيه رجوات
ياكثر دمع(ن) يالجديعي يصبي ***عليك ودموعي شكت حر دمعات
واسهرت ليلي وأطلب النوم طلبي ***أشغلت فكري دنيتي بكل الأوقات
والله ماأنساك ياكل حبي ***والله ما أنسى زمان لنا فات
والله كنه في حنانه وربي ***أم تريد عيالها دوم جمعات
ابو(ن) حنون وزوج ماهوصعبي ***وبالوالده احسان وبر(ن) ورحمات
واصل لأرحامه خلوق(ن) وذربي ***رحوم بأخوانه وكل القرابات
وكنه بفضله مزن دايم تصبي ***ويعطي حياة الروح بدون منات
دايم بشوش الوجه ولسان عذبي ***وللضيف خيراته يقدم وضحكات
خدوم وللفزعات دايم يلبي ***دايم يضحي براحته لأجل راحات
صبورو للشدات دنياي صلبي ***يخفي علينا هموم ويظهر مسرات
ويمزح مع البزران بضحك(ن) ولعبي ***ويجلس مع الناس الضعيفه بسمرات
ويساعد المحتاح ومن فيه كربي ***ما يستريح إلا بتفريج ضيقات
طبعه حياة الروح للأذهان يسبي ***فريد من نوعه لعله بجنات
وأنا أحمد اللي عوض بفقد حِبِي***لفظ الشهاده قبل موته بلحظات
يارب يارحمن ياخير حسبي ***أسألك ربي تعطي النفس سلوات
وأسألك تجمعني و جنبه بجنبي***في جنتك يا غافر للخطيات
وأقول أتعبني فراقك وربي***يشهد على ما أقول رب السماوات
يا ناس عامودي وأساسي سقط بي***وشلون أقوم خيمتي بدون عمدات
والله ما اقدر اظهر اللي بقلبي ***غلاه وقدره ماتبينه الأبيات
ياناس دنياكم غرور(ن) ولعبي*** تنبهوا من قبل يوم المنيات
تنبهوا من قبل يوم (ن)يكبي*** فيه التراب وأنتم وحيدين حفرات
وترى لكم أعداء دايم بحربي***شيطان والنفس الدنيه وشهوات
وما ينفع الانسان والله وربي ***إلا اتباعه للهدى وكل طاعات
واختامها أصلي عدد ما يلبي *** حجاج بيت الله يردون جنات
واعداد ما ريح(ن) علينا تهبي ***وعداد ما ناحت وطارت حمامات
على النبي والآل وأهله وصحبي ***واللي تبعهم يبشر بحسن ختمات

مشاعر أختكم شعوووور (اللي هي أمي)

يالله عطوني آرائكم في مشاعر أمي

[بنت امي]

يالله ياللي مفرجٍ(ن) كل كربي ***ياميسر أمورٍ(ن) علينا صعيبات
يامنجي (ن) يوسف من أعماق جبي***وقريت عين أبوه من بعد غيبات
ونجيت يونس يوم ناداك ربي *** ظلمت نفسي واستجبت الدعوات
ترحم حياة الروح عمري وقلبي***وتجعل مقره دنيتي وسط جنات

أسأل الله أن يغفر له ويرحمه وجميع موتى المسلمين


احــب اخــوي

قصيده رائعه رغم مايسكنها من ألــم..

مودتـــي

[أحب أخوي]

أشكرك يا بنت أمي على مرورك الاكثر من رائع

[أتُرُجّة !]

وعليكم السلام ورحمة الله وبركاته


يا ناس عامودي وأساسي سقط بي***وشلون أقوم خيمتي بدون عمدات
والله ما اقدر اظهر اللي بقلبي ***غلاه وقدره ماتبينه الأبيات
ياناس دنياكم غرور(ن) ولعبي*** تنبهوا من قبل يوم المنيات
تنبهوا من قبل يوم (ن)يكبي*** فيه التراب وأنتم وحيدين حفرات
وترى لكم أعداء دايم بحربي***شيطان والنفس الدنيه وشهوات

كلمات راااااائعه...ومؤثره. ....صح لسانها


الله يرحمه ويصبر أمج إن شاء الله ويلهمكم الصبر والسلوان

قريت الأبيات وماخلصت إلا وعيوني كلها دموع

محزنه جدا".....الله يجمعها فيه في الجنة إن شاء الله ((في الفردوس الأعلى))

وننتظر أن تنقلي لنا المزيد من إبداعات أمج