سـلام عليكم ورحمه الله وبركاته
حبيت اشارككم ببعض طبخاتي ..وهذا اول موضوع لي بهالقسم
وبما اني اول مرة اخربها واسوي مكرونه وموب اي مكرونه ..
مكرونه اعشقهاا صراحه ومن سنة جدي وانا بسويها والعجز لاعب دوره معي ..
عاد صرت سنعة وش حليلي واخذت الطريقة من اختي وبدينا الشغل..
وماوقفت الكاميرا تدّهر (تشتغل ) وخلصت البطارية وتسلفنا جوال آخر للضرورة ..
اول شي (المقادير )
1 مكرونة الفيتوتشيني 1مكرونة اسبقيتي .. انا سويتها بنوعين بس اللي يبي يسويها بالفيتوتشيني لحاله ممكن..
1قشطة-2ملعقة مايونيز-1 ملعقة جبن - 1ماجي
3 بصل مقطع شرايح طوال - 3فلفل بارد مقطع شرايح ..
1 دجاجة مقطعة - ..
زيت ....
بهارات اي نوع انا حطيت -بزار -فلفل- ملح ..
نجي لــ (الطريقة )
نجيب قدر نعبيه للنص مويه زي كذا ..
نضيف زيت وملح زي كذا ..
نسلق المكرونة بمويه مع الملح والزيت ..بس مانخليها لينه مرة تكون وسط احسن شي ..
واذا خلصنا نصفي المكرونه من الماء بهالشكل ..
بعدين نكشن للبصل ..
واذا صار بني نحط معه الفلفل البارد ..
وبعدين نضيف الدجاج المقطع..مع اضافة الملح والبهارات ..
وبهالشكل بيصير بعد مايخلص ..
ونخلط بالخلاط القشطة مع 2ملعقة مايونيز و1 ملعقة جبن زي كذا ..
ونجيب قدر كبير ونحط المكرونه والدجاج وخلطة الجبن والمايونيز والقشطة مع بعض
ونقلبهن مع بعض لين يندمجن ..
وبعدها نحطه بصينية ونساويه ..
وللي يبي يخلط قشطة وجبن ومايونيز بنفس الكمية الاولى
وينحط فوق المكرونة بالصينية للتزيين ..
وندخله للفرن من تحت ومن فوق لحد مايتحمر الجبن من فوق بهالشكل ..
يتبع ..
رد مع اقتباس
مواقع النشر