بسم الله الرحمن الرحيم
السلام عليكم ورحمة الله وبركاته
كيف حالكم حبايبي ,,,
اسفا اني فتحت موضوع جديد عشان اقولكم كيف تنحفو بالقهوة التركيه ,,, شفت موضوع لكن فكرت
اني لو رديت فيه وكتبت الطريقه ,, محد حيشووفها ,, قليلين ايلي حيشوفوها ,,,
شوفو ياحبايب ,,
انا مو تخينه ولا وسط انا نحيفه ,, بس ازا ما انتبهت ع حالي ازيد ,,, انا كنت ساكنا في الشرقيه ,,
و تعرفو الشرقيه بردها برد صااااارخ ,,,
ايامها كنت عشرمية لبس شتوي فوق بعض ,, و عشان انا نحيفه وما احب المكيف لأني ابرد بسرعه احب
الجو الطبيعي تبع البيت ,,, ع طول اطرافي تسير زرقا ,, فا ما اتعودت ع برد الشرقيه ,, كنت طووول وقتي
مسدووحه ,, يروح زوجي الدوام خلاص قدامي الدفّـايه و ع الكنبه مسدووحه ومتلحفه باللحاف ,, ماااا اقدر
اوقف في المطبخ عشان اسوي اكل ,, بس اشياء دافيا ,, اكلنا سار كلو من برا ,, و أنا ع اني نحيفه لكن
طبخي لزيز ماشاء الله ومااافيه ولا نقطة دسم وصحي ,,, فا اتخيلو اكل المطاعم كيف كلو زيت ,, انا ايامها طلعتلي
كرووشه خلااااص زعلت ,, رحت سويت دي الطريقه والله يابنات لا اله الا الله 3 ايام خصري اترسم من جديد ,,
طبعا" دا بعد ايام البرد ماراحت والا مين يقدر يوووقف في داك البرد ,,
سرت اشرب شاي اخضر مع زنجبيل طازج بعد الغدا لأن تقريبا" هيا الوحيده ايلي تكون طبق رئيسي ومع انو
مافيه دسم رغم انها اكله رئيسيه ,, لكن كنت برضو اشرب شاي اخضر ومو الورق ايلي زي النعناع ,, لااا ,,
حق ليبتون ,, ومع الاستحمام مرا وحدا تسوي دي الطريقه كل يووووم :
3 ملاعق قهوة تركي
2 ملعقة خل تفاح
1 ملعقه عصير ليمون
من راسي زياده 1 ملعقة زيت زيتون
وزي السنفرة افركيها ف جسمك ,, حيسير جسمك اسسسسسسود منها بعدين بليفة الصابون المغربي
مع شور الجل تبعك ,, ادعكيه ايلين يروح اللون من جسمك ,, وعيدي تاني ادعكي جسمك بالشور جل للتأكد
من زوال الرائحه واللون ,, بجد ماتمسك في جسمك الريحه ,,
ويبيض ويشيل السوليلايت والدهون ,, يبغالو استمرار ,, طبعا" مع ريجيمكم زيادة الخير خيرين ,,
زي ماقلتلكم انا مجربتو وفاد معايا ,,
وأنا نظامي كااان في بيتي عشان زوجي دوامو شفتات ,,
مثلا" لما يروح من 6 الصبح ل 2 الضهر ,, غدا عادي والمغرب شي مع القهوة او الشاي والعشا خفيييف سندوتشات
او نواشف مع الشاي طبعا" اتفنن في انواع واشكال الساندوتشات والله يخلي النت ,, وكل اجباني قليلة الدسم ,,, وانا عيش اسمر حب وزوجي عيش عادي ,,,
ولما يكون دوامو من 2 الضهر ل 10 الليل ,, نواشف او معجنات انا اسويها من غير نقطة زيت ,, او بيتزا ,,
او اي اكله في الصينيه مكرونه باشميل,,خضار بالقشطه ,,عيش باللحم ,, اكلات الصواني ويا ما اكترها
وكلها بزيت زيتون وقليل وماجي بدون ملح ,, طبعا" ما اخليه
يروح جيعان << حرمه شاطره اسويلو كورن فليكس والا اندوومي قبل مايروح الدوام بي ساعا ,,,
لأنهم يشربو شاي في العمل وياكلو اشياء خفيفه تصبّـر ,, وأحيانا" اريح دماغي وأدق عليه اخليه يتعشا مع اصحابو
في الشغل وآكل انا اي شي ,, لو صحن شووربه ,,لأن انا ضد النوم والبطن مليانا اكل ,,,
ولما يكون دوامو من 10 الليل ل 6 الصبح ينام والغدا اسوي عادي ,, و أسوي حلا بعد المغرب مع القهوة او احط
كيك مو تووورته ,, مع الشاي ,, ومكسرات وشبسات ,,
هادي طريقة اكلي عشان عارفا انكم حتسئلو كنتي تخففي لما عملتي الخلطه والا اكلك عادي ,,
وآسفا ع الموضوع الطويل وان شاء الله يفيدكم و ع فكرة بعد فترة حتلاحظو جسمك سار زي المرايا لأن الخلطه
مو بس تنحف كمان تصفي الجسم ,,,
وبالتوفيق ,, ادعووو انو ربي يرزقني بالذريه الصالحه ,,,
اللهم صل على محمد وعلى آله وصحبه أجمعين
مواقع النشر