المشاركة الأصلية كتبت بواسطة كريمة كرميلا
عاد يابنات احمدو ربكم مواقفكم صارت مع ناس ماتعرفوها غش حالى أنا بالجامعة أنا أقلكم إش صار أول مرة أدرس بجامعة مختلطة و كنت مقررة و حاطه لنفسي مبدء يستحيل أكلم واحد من الشباب إلي بالقاعة في أى موضوع حتى لو حموت المهم في نهاية الفصل الأول كان عندنا دكتور ياكثر كلامه ولازم تطتبي وراه كل كلمة وحدة من صديقاتى عطست طارت عليها نص صفحة المهم بعد ماطلع الدكتور صديقتى تقلي كتبتيها كلها و أنا بكل ثقة وبفم مليان طبعـــــــــــــــــــــــــــــــــــــــــــــــ ـــــــــــــــــــــــــــــــــــــــاً أنا مامدانى أكمل الكلمة إلا و أسمع صوت واحد من الشباب بقلي يا بنت فلان ^-^ وعينكم ماتشوف إلا النور أنا خرجت ركظ من القاعة طبعاً بعد ماسويت تسونامى و أنا ألملم أغراضى أول ماوصلت عند الباب رجلى اتلوت و طحت من الفلحنة حقى يومها لابسة كعب و شلت نفسي كيف مش عارفة وخرجت أجرى و العباية كلها غبرة و أنا مصبة حدى أقول لصحبتى هذا إلي مايستحى ليش ينادينى و عاده بكل وقاحة يابنت فلان وصديقتى تقلي عيب إلي سويته مايصير الولد احترمك و ماناداكى باسمك ناداكى باسم العيلة و بعدين لو يبغى يقل أدب أو يسوى شي ماحيكلمك وسط القاعة وقالتلى امشي نرجع نشوف اش فيه و نعتذر و لله أحرجتيه أنا قمت أردح نعم يختى و لله ماأروح أعتذر ليش أنا غلطانة أنا ماغلط في شي المهم صديقتى راحت و اعتذرتله وقالته هى ماتبغى أحد يكلمها و الموضوع طلع إنه كان يبغى الدفتر عشان ينقله من المحاظرة طبعاً أنا مسوية فيها ما عطيتهم دفترى خليت صديقتى تكمل إلى ناقصها و هى عطتهم دفترها المهم ثانى يوم جيت لقيت الكلية كلها عارفة بالموضوع وعينكم ماتشوف نظرات البنات و الشباب جلسو إلين نص الترم الثانى فاكرين الموضوع
مواقع النشر