السلام عليكم ورحمة الله وبركاته
انا عضوه جديده في منتداكم وماسمحتلي الظروف اني اعرفكم بنفسي او حتى تحسوا بوجودي
وانا عارفه اني مقصره معاكم وماقدرت افيدكم بأي مشاركه حتى لو كانت بسيطه لكن اقولها بصراحه اني دخلت منتداكم وجالسه بأتفصح فيه ومو قادره الحق ولسه ماخلصت والحق يقال اني استفدت كثير من المعلومات المتنوعه اللي لقيتها فيه ولقيت نفسي مااملك ولاشئ حتى اضيفه لكم فجزا الله القائمين به من مشرفين ومراقبين وعضوات خير الجزاء وربي يعطيكم الف عافيه ...
وعندي طلب لوتكرمتوا
ابغى منكم المساعده السريعه في موضوعي اللي حأعرضه عليكم ....
انا جوالي اباتشي ومن فتره جاني فايروس بالبلوتوث وبسببه صار يرسل رسايل وسايط من حاله لأي رقم يجيني موجود
بمعنى اني مشتركه في خدمة موجود العاديه ولما يكون الجهاز مقفل واي شخص يتصل علي وأجي اشغل الجهاز الاقي رسالة وسايط مرسله لهذا الرقم
ولو سألتوني ايش تكون الرساله فلله الحمد مهي صور ولاشي انما فيروس
يعني لما تفتح رسالة الوسايط وتدخل عالكائنات تلاقيه عباره عن جزئين
الأول صفحه بيضاء مكتوب فيها photo
والثاني عباره عن كلمه غريبه وتحتاج لتثبيت
وعشان ارتاح صرت اوقف تفعيل الوسايط
وماخلصت القصه لكده وبس حتى انه يترسل لوحده عن طريق البلوتوث اذا كنت مشغله البلوتوث
طولت عليكم صح بس والله بأحاول اشرحلكم اللي صاير معايا بالتفصيل عشان تفهموا الموضوع مضبوط
فطولوا بالكم معايا
المهم عملت فورمات للجهاز واعادة تهيئه للميموري بعد مانقلت محتوياته من صور واسماء ومقاطع صوت لميموري ثاني قديم محتفظه بيه ومافاد لأنه لسه الفايروس موجود
واشتريت ميموري ثاني وكانت الأمور ماشيه تمام وكنت مفعله الوسايط وماصار شي الا لما بدأت آخذ اشيائي من الميموري اللي قلتلكم عليه (مو الميموري اللي فيه الفايروس لأنه عندي 3)
واكتشفت انه الفايروس رجع بس هذه المره مايروح للأرقام اللي تظهر في موجود انما تروح لأي شخص يرسل رساله
فإيش الحل أنقذوني والله تعبت ومااقدر اخذ الجوال لمحلات الجوالات لإحتوائه على اشياء خاصه وبصراحه مااثق فيهم
ارجوكم ساعدوني واللي مرت عليها حالتي هذه ياليت تحاول تفيدني وجزاها الله ألف خير...
مواقع النشر