اللي لها خبرة في طبخ الذبايح تدخل بليز..

**محبة الكلية** · 06-12-2008, 08:37 PM

السلام عليكم ورحمة الله وبركاته..

كل عام وانتن بخير مقدماً وقبل الزحمة أخواتي الغاليات

..

احنا إن شاء الله بنذبح الأضحية حقتنا أول ايام العيد بعد الصلاة..واحتمال نطبخها في البيت إذا مالقينا مكان في المطاعم لطبخها..
بس مو هنا المشكلة

..
المشكلة كيف نطبخها وايش هي الطريقة وكل شيء ابغاه عن طبخ الذبايح وتزيينها..وايش من الممكن نحط معها على السفرة..
فالي لها خبرة ومعرفة تسدي لي النصح والتوجيه في الطبخ..وجزاكن الله خير مقدماً

..

**bandstar** · 06-12-2008, 09:41 PM

اول شي عيدك مبااااااااااااااااااااااااركــ.................... ...

سهل يااابنت الحلااااااااااااااااااااال تقطعين بصل كثير نوعا ما وبعدين تحمسينه مع زيت بالقدر وتحطين بهااارات وملح

مقااااس الذبيحه يعني كثير وقرفه وهيل وعووود
.......وحطي الطمااااااااااط المقطع اقل من البصل وحطيه عليه لين مايذووب بعدين حطي

فلفل روومي مقطع صغير (((طبعا البصل والطماااط تقطيع صغير))....وخليهم مع بعض شوووي لين ينحمس بعدين

حطي مويه حاره كثييييييييييييييييييييير للحم وحطي اللحم أترركيه لين يجهز على نااااااااااااار عااااااااااااليه...

أما الرز نقعيه أفضل شي رز ابو كأس وجيبي بصل مقطع صغاااااااااااار وطمااااااااااط وفلفل روووومي نفس

ما سوينا قبل نحمسه مع بهاااراته.......بعدين بعد ماااينضج اللحم طلعيه وأشخلي مرق اللحمه من اللي به بعدين حطي

البصل وخوياااته وحطي الرز وخليه لين يطبخ بعدين قصري عليه لين يستوي لحااااااااااله وبالعااااااافيه

ولا تنسين حطي المصفر...............

بعد ذوووقيه كل شوووي لأنه أكيد راااح يحتااااااااج ملح وسلامتس,,,,,,,,,,,,,,,,,,,,

إذا تحبين تحطين خضره فوووقه وإلا مكرووونه للتزيين ...

*************************

حطي على السفره سلطه وحلا وممكن إيدااااااااااام وسلاااااااااامتس

***خلود*** · 07-12-2008, 01:43 AM

وعليكم السلام ورحمة الله وبركاته

حياك الله أختي وكل عام وانت بخير

الأخت bandstar حطت لك طريقتها الله يجزاها خير

وممكن تجربي طريقتي ...

طبعا الأضحية تكون قطع كبيرة من المفاصل لأنها لا يكسر لها عظم ..
غسلي اللحم ونظفيه من الأوساخ والدم ...اغلي ماء
في قدر كبير ضعي الماء المغلي ثم اللحم المغسول ...الماء يغطي اللحم فقط
اتركيه حتى يفور و شيلي الرغوة أو الزفرة اللي تظهر فوق سطح الماء حتى ينتهي وما يظهر منها شيء لأنها تسود بالمرق ويكون في مرارة
غطي القدر واتركيه يغلي على مهل ...طبعا الفترة حسب نوعية اللحم كل ما كان كبير يحتاج وقت أطول في الطهي تقريبا ساعتين وأكثر..والصغير يحتاج من ساعة ونصفإلى ساعتين...
في الساعة الثانية من الطهي ضعي الملح وحبات من الفلفل الأسود الصحيح وحبتين بصل مقطعة أنصاف..
اغسلي الرز جيدا كم غسله ونقعيه نصف ساعة ..يكون المرق جاهز ...
نقعي كمية من الزعفران في كأس من المرق الساخن ..

بعد ما يستوي اللحم نشيله بالملقط ويوضع في صينية الفرن وندهنه بالخلطة التالية ...
قليل من الزعفران المنقوع مع كم ملعقة زيت وكمون وكركم كلها مخلوطة مع كأس من المرق الساخن أو أكثر حسب الكمية
ادهني فيه اللحم ثم ضعيه في الفرن من الأعلى فقط للتحمير..

الرز ..يصفى من الماء ويوضع في القدر ثم نضيف المرق عليه بكمية مناسبة وبارتفاع اصبعين تقريبا
نتأكد من الملح وكمية الدهن فيه ونتركه حتى يغلي ويفور فورة وحدة ثم نكتمه بقصدير ونتركه على نار هادئة ولا يقلب أو يحرك أبدا حتى ما تتكسر حباته ..يترك ربع ساعة تقريبا ثم يضاف منقوع الزعفران ..لو كان الرز يحتاج مرق ممكن نضيف القليل فقط
ونطفي النار عليه ويترك فترة كافية قبل الغرف حتى يستوي أكثر بالبخار ..

للزينة ...ابشري 4 جزرات وحمريها في زيت قليل حتى تستوي
حمري لوز شرايح وزبيب ...
وعند غرف الزر يوضع اللحم في وسطه ويزين بالجرز المبشور واللوز والزبيب

أو ممكن تزينيه بشرائح الليمون مع الطماطم والخيار ...

يقدم مع سلطة طماطم مطحونة ...سلطة خضراء ..صينية خضار مشكلة ..كريم كراميل أو اي حلى سفرة مناسب

هذه طريقتي البسيطة والسريعة لكن لو كنتي حابه تعمليه بخاري يكون له خطوات ثانية بعد سلق اللحم ..

وكل عام وانت بخير وكل الأخوات هنا ...