بسم الله الرحمن الرحيم
السلام عليكم.............
كلامي موجه للمتزوجات خصوص اللي عندهم من 2 الى 5 اطفال تقريبا
هذي هي تقريبا العينه المخاطبة بذا الكلام
((((ونسيت اقول طبعا العائلات تكون من اصحاب الدخل المتوسط)))) اللي نصه رايح في اقساط مضطرين لدفعها
على فكرة هذا الكلام يصلح لغيرهن بس انا حبيت احدد في كلامي
الكثيرات من هذه الفئة تظن انه حياتها عادية مستقرة رغم الضغوط الماليه
فماذا تفعل
لاشي غير انها منشغلة بمشاكل اهلها واطفالها وجاراتها والعراق ولبنان والفنانات وهلم جرا
ولكن اين الزوج من هذا كله
لا ندري
ابحثوا هنا او في المجلس نايم ................(((نعم فالاطفال محتلين غرفة النوم))
او ممكن نلقاه في غرفة النوم والعيال مولعين النور عليه ويفتشون عن الالعاب ولا عن اشياء امهم تبغاها
وككل شي يستمر في هذه الحياة
يستمر كذلك مسلسل اهمال احتياجات الزوج
وفعلا لمانشوف هذه النماذج فيه ناس تقول والله الوحده متزوجه عشان زوجها يصرف عليها وتخلف وبس
فيبدأ المسلسل صباحا
بتسريح الاطفال عالمدرسة وشوفوا اللي صلى منهم مين
لان الام مو مفكرة تحثهم عالصلاة
واذا كبروا نسمعهن يدقدقون عالمشايخ
((يا شيخ انا وش اسوي وعيالي ما يروحون المسجد وبناتي يعاقون فيني)))
المهم ويصحى الزوج للعمل من نفسه لا احد يصحيه ((((يقول الله يرحم سنة اولى زواج)))
((((((كنا
وكانت
حلو الايام تنعد)))
وطبعا بدون الفطور يروح العمل يفطر مع الزملاء اللي نفس وضعيته
والكل ((((يقول لاتشكي لي ابكيلك))))
وطبعا تعالي شوفي السوالف والضحك وما تقولين هذا فلان اللي في البيت مسوي العاقل المؤدب))
مع الاخذ في الاعتبار انه فيه رجال اعمالهم تزهق والزملاء ما ينطاقون
بعد ما يجي من العمل بدل ما يجي يرتاح
لا
اولا مافيه اطفال نظيفين مرتبين يقابلونه بابتسامه وبوسه على اليد
ولا زوجه مرتبه متزينه تحضن
مافيه غير صياح يسمعه مع البيبان والام عالتليفون
فيروح يرمي لبسه ويحط راسه عالسرير بينام مو قادر
الكل يصارخ
النور عشرين مرة يتولع ويتطفى
الزوجه ما يحتاج يا تتطنشه ولا تجي تغثه بمشاكلها ومشاكل غيرها وطلباتها اللي لو تاجلها ماراح ينقص منها شي
ويتغدى ويصرف نفسه بالليل في مشاوير ولا قهاوي الله يجيرنا من القهاوي
على امل يلقى هدوء وسلام في تالي الليل ولكن تجري الرياح بما لاتشتهي السفن كما كل ليله تجري كذلك
يرجع البيت بحلم ان يلاقي زوجه مغريه انيقه وجو هادي
ليلقى الاطفال للحين مهجهجين
والام ماتدري في اي غرفة منخشة
والاهم لايحظى بليلة سعيدة في غرفة النوم مستمتع في حلاله
فتدريجيا يصير من اللي ممارساتهم فين وفين
هذا حال الكثير ولكن الزوجات يشوفون انه وضع عاااادي جدا ولما الدهشة
انا انصح للتمتع بنهارات مريحه وليالي سعيدة بالاتي
بخصوص الاطفال لما يجون من المدرسة 1) يقيلون نص ساعه لاغير ثم تصحيهم والطفل اللي ما يصحى الايام الجايه لا تخلينه يقيل هذا كله عشان العشاء نوم وتاخذين وقتك مع زوجك بدون ازعاج
2)وانبه على اللي تفلت العيال بالشارع ع بالها انه مكان لعب انه فقط لمرور السيارات عزيزتي
الللعب في الحوش ولا الحدايق اوكي
3)احذري ترسلين واحد لحاله للبقالة لازم معه اخو او اخت ويروحوا سوا ترى المختطفين كثروا اذا ما عندك خبر
4)علميهم بعد اللعب اللي بالعصر يستحمون لو استحمام سريع وكل يوم لما ابوهم يجي من العمل لازم يسلمون على يده وبالليل تصبح ع خير بابا يا اختي خليه يحس انه عياله روعه
5)النوم العشاء ولا احد فوق هذا القانون منهم واجباري النوم ولا اعذار مسموعة والفجر صلاة
6)لما الاب يجي من العمل لازم الكل يهدأوخصوص وقت نومه
واللي يسوي رجه راح يعاقب
بالنسبة لنفسك مع زوجك..........
تحركي وانفضي عن نفسكي ارهاق الايام والملل وغيري في شكلك ولبسك وكل يوم استحمي وتعطري وابسطي زوجك بدل انشغالك بالعالم
والاهم اجعليه ينعم بالهدوء كلما اتى من العمل ولا جاء للنوم بدون ازعاج اطفال
مو بكرة النهار تبكين وتشكين فلان راح يتجوز انا نصحتك وانتي براحتك
تحيــــــــــــــــــــــــــــاتي
للأمانة منقووول من احد المنتديات وابي ردكم على الموضوع
رد مع اقتباس
مواقع النشر