وحيد حار الدرب في وجهتـك حـار
غريب و صروف الليالـي غرايـب
ياليل مالي فـي دجـا ظلمتـك نـار
اضوي بهـا دربِ مشتـه الركايـب
سافرت و دموعي على الخد مـدرار
و القلب من حـر التناهيـت ذايـب
ودعت ربـعِ كنهـم بيـض الاقمـار
فارقتهم مـن دون ذنـب و سبايـب
ماخنتهم بـس الزمـن كـان غـدار
وش للزمن يرمي علـي المصايـب
دارت رحا الفرقا و دار الزمـن دار
و سوت بي احداث الزمان العجايـب
في كل ارضِ دجـت دقيـت مسمـار
و يعود مسماري عن الارض نايـب
يارحلة الغربه غدى العمـر مشـوار
استسمحك يادرب لو عـدت خايـب
مليت من ضوضا المدينـه والانـوار
وفوضى الشوارع والسفر والحقايـب
زرعت في صدري من همومي اشجار
واسقيتها بدمـوع عينـي صبايـب
وتعبت ادور لي عذر مالـي اعـذار
ماكنت انا مخطي ولا كنـت صايـب
اسامـر نجـوم الليالـي بالاسحـار
وحيـد حتـى البـدر ياليـل غايـب
ماينشرح صدري على شبـة النـار
في خبتِ اجـرد كـل مافيـه هايـب
وانا الـذي داري تمـاري بالانظـار
فـوق الجبـال النايفـات الذرايـب
هناك لي صحـب وحبايـب وسمـار
وهنـاك ربعـي والاهـل والقرايـب
وهنـاك عشـقِ لليالـي والاشعـار
ما اتوب عنه لو غدى الراس شايب
واغصان تترنح تقـل فيهـم اسكـار
مثل الذهب لون الغصـون الذهايـب
تذكـار ياذيـك السواليـف تـذكـار
لا من ذكرتـك عـوّد القلـب ذايـب
في ذمتك ياقلب مـا اشتقـت للـدار
وياعين ما اشتقتي لشوف الحبايـب
ياسعد في داخلـي سـور ينهـار
ان مرّت الذكـرى مـرور الهبايـب
ياهيبة الذكرى علـى قلـب مغـوار
لا تشعلينـي خـوف مانـي بهايـب
ادري همومي جـم وذنوبـي اكثـار
وادري على مثلي تنـوب النوايـب
وادري بعد ربـي عزيـز و غفّـار
عوّدت لـك يـا رب يـا رب تايـب
~~ درب الأسفار ~~
رد مع اقتباس
مواقع النشر