مواقف ليلة الدخله
صفحة 1 من 4 1234 الأخيرةالأخيرة
النتائج 1 إلى 4 من 15

الموضوع: مواقف ليلة الدخله

  1. #1
    نجمة بيت حواء الصورة الرمزية سمرقمر
    تاريخ التسجيل
    May 2009
    المشاركات
    619
    معدل تقييم المستوى
    11

    مواقف ليلة الدخله

    بسم الله الرحمن الرحيم

    أسعد الله أوقاتكم بكل خير



    موضوعنا اليوم عن مقالب الشباب اللي يسوونها لأخوياهم في أول ليلة زواج !! وبصراحة هالشي مهيب حالة نادرة جدا .. بالعكس ظاهرة منتشرة بين الشباب .. ولكن تختلف قوة المقلب من شخص لآخر

    وفيه ناس يكتفون بعمل مقلب ليلة العرس وفيه ناس يسوون المقلب يوم الزواج قبل التوجه للقصر او في القصر ..

    لكن مسألة إن المقلب يوصل لسكن الزوجين .. وفي أول ليلة !! هذي بصراحة مصيبة .. أو خلوني أقول .. قلة حي

    فيه مجموعة مواقف بذكرها لكم .. وراح اترك لكم تقدير حجم ( المأساة ) في كل موقف !! بحجة .. يارجاااال ضحك واستهبااال

    واترك لكم التعليق





    --------------------------------------------------------------------------------



    الموقف الأول : بوكيه ورد



    هذا الله يسلمكم .. ليلة زواج العريس ,, كان مجتمع مع اخوياه بالاستراحة ... تعرفون بكره زواجه وقال آخر ليلة ابيها مع الشباب بالاستراحة ... عاد من ضمن السوالف ، قالوا هاه وش تبي نسوي لك مقلب ؟؟ قال لا هين ما تقدرون ..قالوا شف المقلب مسوينه مسوينه .. مير تبيه بالقصر والا قبل لا تروح والا بالفندق

    الرجال مسكت معه وقال أبد تحدي .. ماتقدرون تسوون فيني مقلب

    تزوج الرجال وتوجه للفندق مع عروسته .. وتوهم داخلين الفندق وجالسين أول ليلة ،، والفندق مرتب ومتكتك .. رن جرس الغرفة .. فتح واثره العامل اللي يشتغل بالفندق ومعاه سلة فواكه .. هدية من الفندق للعرسان

    اخذها وحطها عند العروس .. جلس شوي ورنّ الجرس مرة ثانية ، راح فتح الباب واثره العامل معه بوكيه ورد وفيه كرت

    أخذ البوكيه وحطه بالغرفة .. على أساس إن البوكيه هدية من الفندق لهم ، استأذن زوجته بيدخل دورة المياه - الله يعزكم - فزوجته كانت تبي تشوف الكرت اللي في البوكيه .. وش مكتوب فيه .. وكانت الصدمة :

    ألف ألف مبروك الزواج .. وأتمنى لك التوفيق في حياتك الجديدة

    ..أموله..



    انهارت الزوجة !! منهي أموله ؟؟؟ وفي ليلتي .. تبارك لزوجي وبكل وساعة وجه !! طلع زوجها من دورة المياه واثر زوجته تصيح وتشاااهق .. وش فيك يابنت الحلال ؟؟ وش صاير .. عطته الكرت اللي بالبوكيه .. الرجال انهبل .. قسم بالله ما اعرفها ولا ادري منهي .. والبنت مسيكينة الدموع اربع اربع !!! شوي ويرنّ الجرس مرة ثانية .. واثره العامل معه بوكيه ورد ثاني ومعه كرت

    مكتوب فيه :

    ألف ألف مبروك زواجك .. ونتمنى لك التوفيق في حياتك الجديدة

    أخوياك بالاستراحة ( أموله )

    والرجال يوريها زوجته .. شوفي قسم بالله انهم اخوياي .. هم اللي مسوين المقلب .. وبالأخير اقتنعت البنت !!!



    يعني خربوا عليه أول ليلة في حياتهم .. بسبب هالتصرف !!!!!



    ***



    الموقف الثالث : بخاري



    هذا واحد قرر يتزوج ،، ومشت أموره تمام .. وقالوا له أخوياه .. ترى لازم حنا نسوي لك شي في يوم عرسك .. وترى حنا اللي راح نجيب لك العشاء اذا رحت مع زوجتك للفندق .. بنتكفل فيه وبنجيب لكم شي مرررتب

    الرجال قال أبد ياشباب ماتقصرون ويكفي شعوركم .. ومن هالكلام

    واحد من الشباب قال للباقين .. تكفون خلوا العشاء علي انا لحالي ،، الرجال هذا من أعز الناس عندي .. وودي يوم عرسه أجيب له أنا عشاه .. وخلونا حنا مرة ثانية نجيب له شي يصير مننا كلنا .. قالوا دام كذا أجل خلاص

    تزوج اخونا في الله وراح مع زوجته على أساس إن خويه هو اللي بيجيب له العشاء ويوصله للفندق بنفسه

    بعد ماجلسوا فترة بالفندق .. رنّ الجرس وفتح العريس الباب وأثره خويه

    والمصيبة إنه جايب له العشاء كيسة رز بخاري وبصل وجرجير

    ويمدها له وهو ميت ضحك

    وش موقف الزوج ؟؟؟؟؟؟؟؟؟؟ أترك لكم التعليق



    ***



    الموقف الرابع : النور



    هذا واحد تزوج وراح مع زوجته لبيتهم الجديد والمعاريس جالسين ومستحين .. وصحن فواكه .. وعصيرات وكل واحد يسترق النظرات .. وطاقتهم أم الركب وحالتهم صعبة !! شوي الا يطفى النور

    يااااوك وش السالفة .. طلع الزوج وفتح الطبلون حق الكهرب واشتغل النور

    رجع مرة ثانية .. وطفى النور .. وراح مرة ثانية وشغله

    ومرة ثالثه ورابعه وخامسه !!! وجلس على هالحالة من 12 بالليل لين أذن الفجر خخخخخخ .. والسبب ؟؟ أخوياه يبون يسوون فيه مقلب .. يعني يالله خربوا أم أم الليلة عشان ضحك واستهباااال



    ***



    الموقف الخامس : مقلب عكسي



    هذا واحد قرر يتزوج .. وقرر أنه هو اللي يسوي بأخوياه مقلب ،، يعني يتغدا بهم قبل يتعشون فيه

    قال لأخوياه انه نوى يتزوج وكذا .. وجلس يستعد للزواج ،، ومن ضمن الاستعدادات .. طباعة كروت الدعوة

    طبع كروت دعوة للأقارب والأهل بمكان القصر وموعد الزواج وكل شي .. وطبع كروت زواج خاصة لأخوياه .. وكتب فيها موعد الزواج يختلف عن موعد زواجه الفعلي بيوم ... وكتب فيها ان الزواج بيكون في البيت

    الشباب اخذوا البطاقات .. وشكلهم كانوا ناوين يسوون فيه مقلب يوم زواجه

    طبعا الرجال تزوج وعدت ليلته الأولى من أروع مايكون .. لا مقالب ولا هم يحزنون

    يوم صار من بكره .. اللي هو موعد الزواج الوهمي لاخوياه خخخخخخخخخخخ لبسوا الشباب واللي راح الحلاق يكشخ .. وراحوا لبيت المعرس !! وش السالفة .. غريبة وين المعازيم ؟؟ مافيه الا سيارتين او ثلاث عند الباب

    دخلوا .. ويسلمون على اخوان المعرس .. ويجلسون شوي بالمجلس .. ماش مافيه احد .. مب جو عرس !!

    ويروح واحد يسأل اخو العريس .. وين فلان ؟؟

    قال .. سافر

    قالوا وش اللي سافر ؟؟ عسى ماشر بس ؟؟ وزواجه اليوم ؟؟؟؟

    قال .. زواجه امس ... وسافر اليوم الصبح هو وزوجته



    وتراه قايل لأهلي انكم بتجون عقب عرسي بيوم .. وترانا مسوين لكم عشاء وشغل مرتب .. والله يحييكم



    بصراحة اعجبني خخخخخخخخخخخخخخخ

  2. #2
    كوكب الشبكة الصورة الرمزية تشى
    تاريخ التسجيل
    Jun 2007
    المشاركات
    1,029
    معدل تقييم المستوى
    14
    ههههههههه والله مواقف تضحك بس مش فى وقتها خالص
    العروسين اساسا متوترين يعنى مش ناقصين مقالب خالص
    لماذا لا تقوى امانى الاحياء على احياء الموتى؟؟؟لقد كانت بنفسى من الرغبه فى اعادته للحياة ما استطيع به ان احيى جيلا من الموتى فلما لم يبعث حيا؟؟؟

    من مواضيع تشى :


  3. #3
    عضوة قمة الصورة الرمزية مـ ج ـاديف الأمل
    تاريخ التسجيل
    Apr 2009
    المشاركات
    254
    معدل تقييم المستوى
    12
    مواقف تعور البطن

    وتروع القلب


    يالطيف وش هالشباب

    مو وقته
    رب اغفر لأمي وارحمها واربط على قلوبنا لفراقها ..

    يقول ابن باز رحمة الله تعالى .
    إذا تعرت المرأة بلباسها دليل (غضب الله ) عليها ودليل ذلك أن آدم علية السلام وحواء عندما غضب الله عليهما عراهما وأبدى سوءاتهما .
    وكلما زاد غضب الله عليها زادت بالتعري... واللباس المحتشم الساتر دليل رضا الله عليها ..

    كما قال عز وجل (يابني آدم لايفتننكم الشيطان كما أخرج أبويكم من الجنة ينزع عنهما لباسهما ليريهما سوءتهما )

    من مواضيع مـ ج ـاديف الأمل :


  4. #4
    عضوة جديدة الصورة الرمزية احلـى قمر
    تاريخ التسجيل
    May 2009
    المشاركات
    32
    معدل تقييم المستوى
    11
    يا ثقل دم الشباااااااااب مو وقته
    اساسا ذاك اليوم محد رايق كلهم متوترين وجالسين على اعصابهم يا حرام
    بس يعطيك العافيه على المواقف

    من مواضيع احلـى قمر :


صفحة 1 من 4 1234 الأخيرةالأخيرة

المواضيع المتشابهه

  1. مشاركات: 6
    آخر مشاركة: 28-10-2019, 01:26 AM
  2. شبح ليلة الدخله
    بواسطة Miss.Reem في المنتدى الحياة الزوجية
    مشاركات: 1
    آخر مشاركة: 10-07-2018, 02:03 AM
  3. ليلة الدخله
    بواسطة هتاف واو في المنتدى ركن المواضيع المكررة
    مشاركات: 9
    آخر مشاركة: 16-12-2009, 05:12 AM
  4. مواقف ليله الدخله
    بواسطة dalo3at-almama في المنتدى الحياة الزوجية
    مشاركات: 4
    آخر مشاركة: 17-06-2009, 01:27 AM
  5. ~...مواقف مضحكه للبنات في ليله الدخله والخطبه ...~
    بواسطة HaMoOoSa في المنتدى استراحة
    مشاركات: 14
    آخر مشاركة: 23-01-2006, 04:02 AM

الكلمات الدلالية لهذا الموضوع

مواقع النشر

مواقع النشر

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

أهم المواضيع

المطبخ

من مواقعنا

صفحاتنا الاجتماعية

المنتديات

ازياء | العناية بالبشرة | رجيم | فساتين زفاف 2017 | سوق نسائي | طريقة عمل البيتزا | غرف نوم 2017 | ازياء محجبات | العناية بالشعر | انقاص الوزن | فساتين سهرة | اجهزة منزلية | غرف نوم اطفال | صور ورد | ازياء اطفال | شتاء | زيادة الوزن | جمالك | كروشيه | رسائل حب 2017 | صور مساء الخير | رسائل مساء الخير | لانجري | تمارين | وظائف نسائية | اكسسوارات | جمعة مباركة | مكياج | تسريحات | عروس | تفسير الاحلام | مطبخ | رسائل صباح الخير | صور صباح الخير | اسماء بنات | اسماء اولاد | اتيكيت | اشغال يدوية | الحياة الزوجية | العناية بالطفل | الحمل والولادة | ديكورات | صور حب | طريقة عمل القرصان | طريقة عمل الكريب | طريقة عمل المندي |