حاولت بس ماقدرت انصحوني

[شروق القمر]

بسم الله االرحمن الرحيم


الحمد لله والصلاة والسلام على اشرف الخلق محمد بن عبد الله امابعد...


اخواتي انتم عارفين ان العطلة الصيفيه جت وجاء وقت المناسبات والافراح الله يديمها علينا بس هناك


شي متعبني وانا ناويه اتوب عنه وهو لبس العاري في الاعراس...


يعني المجتمع اللي انا عايشه فيه فرض علينا ذا الشي وانا نفسي مااتعرى لاني احس اني مسويه

ذنب

بس حاولت وماقدرت ارجوكم ساعدوني....وكذلك ودي انسى شي اسمه بنطال تعبت من تانيب الضمير

والله ودي البس لبس محتشم مره ويكون عندي ثقه في ذا البس ومايهمني اي نظرة احتقار...امانه

شجوني لان اخواتي لما افتح معهم الموضوع يقولون عني موسوسه وان مافيه ذا لبس شي عند الحريم

بس انا احس انه ضمن الكاسيات العاريات والعياذ بالله .......... انا فتحت قلبي لكم ساعدوني

[أم رهــف]

شروق والله صادقة ..... حتى أنا لما كنت عند أهلي كنت ماألبس بنطلون

لأني حسيت إني كأني مو لابسة شي .. وألحين الحمدلله ماأتخيل نفسي

ألبس بنطلون أو بلايز كت قدام ابوي واخواني لأني أحس إني لو لبستها

كأني مو لابسة شي ..... والله العظيم إني لما ألبس تنانير ضيقة أحس مفتشلة

من عمري ماأقدر حتى أمشي قدامهم فيها .........

بس المشكلة إني أحيانا ألبس بلايز ضيقة وأحس بالخجل لاشافوني وأنا لابستها

لكن المصيبة لبسنا قدام البنات والحريم ..... ياااااااااااااااهي مصايب .. الله بس

يستر علينا ... الوحدة ماصارت تخجل من إنها تلبس بناطيل وبلايز مفتوحة قدامهم

وكأنهم يجوز لهم يشوفونها بذا اللبس .......

وفساتين الأفراح أنا أشوف ياشروق إن الوشاح يفي بالغرض وإذا كان السديري يبين اللي تحته

خذي معاه بدي ......

والبنطلون تدرين كيف تركته ؟؟
لما حسيت إني أتشبه بالأولاد لا لبسته ...... طبعا هذا وأنا عمري 15 سنة
أما ألحين أنا ألبسه قدام زوجي بس
وإذا بتلبسين بناطيل في البيت قدام ابوك واخوانك واخواتك البسي عليه بلايز
طويلة توصل لنص الفخذ أو للركبة أحسن ....
والله يهدينا وياك آآآآآآآمين يارب

[شروق القمر]

مشكوررررررررة اختي ام رهف اسعدني تفاعلك معي والله يوفقنا الى كل مايحب ويرضى

[اناسي]

حبيبتي يسعدن ويشرفني أشترك بموضوعك ..

كونك حسيتي بهالشي فهذي بادرة خير .. ودليل ان الله اراد بك خير .. ودليل ان ضميرك لازال حي ينبض بالحياء ..

والله يا شروق حبيبتي .. أن كثير من البنات اللي جمالهن مايضاهى الان مسحورات ومعيونات .. والسبب هاللبس

القصير والعاري ..

الله سبحانه وتعالى يكون غضبان عليكي في ذيك الساعة من الليل وهو نازل في السماء الدنيا نزولا يليق بجلاله ..

ذيك اللحظة يقول هل من داع فاستجيب له .. هل من مستغفر فأغفر له .. وربنا كريم جواد يستحي ان يردك خائبة

صفرة اليدين اذا دعيتيه بإخلاص ان يخلصك من هالعادة السيئة ..

وأما نظرة الناس .. فأنا أقول لك : اللي تدور رضا الناس بسخط الله ربنا بيسخط عليهها ويخلي كل الناس تسخط

عليها .. واللي تدور رضا الله بسخط الناس ربنا بيرضى عليها ويخلي كل الناس راضين عنها ..

شروق حبيبتي ياقمر .. والله انك درة وجوهرة .. حرااام تعرضي هالجوهرة للزوال والامراض والاسقام ..

الحسد موجود والعين موجود وهو حق .. فانتبهي .. اذا كنتي جميلة وحلوة فحافظي على هالجمال لزوجك فقط .. أو

انتظري الين تتزوجي واتزيني لزوجك فقط ..

أما الأعراس والحفلات والتعري عليها والله ما تجيب لك الا الهم ... كم من البنات يتعرضوا للفتنة اذا كنتي جميلة .

ويمكن لاسمح الله تجيكي عين تقعدي عمرك الباقي في مصحات نفسية .. فيه بنات نعرفهم صاروا زي المجانين وصاروا يكلموا انفسهم ..

أخوي يقرأ على الناس .. ويحكيني قصص تشيب الرأس ... فأنتبهي .. ياقمر .. تحيتي لك وعقبال مانشوفك داعية ..