محتاجة خبرتكم... افيدوني

[الاخرة همنا]

السلام عليكم ورحمة الله وبركاته

كيفكم يا حلوات

انا جاية من قسم الحمل والولادة على هنا جاء وقت الاستفادة من معلوماتكم

يا حلوات باقي لي كم يوم واخلص النفاس وجاء وقت التجديد
وحبيت اخذ رايكم واسأل كم سؤال:

هل ينفع اسوي حمام بخار وانا نافس هل له تأثيرسلبي على الخياطة او الرحم ؟؟
وهل ياترى عادي اسوي حمام بخار والدم لسى ما وقف ؟؟
ابغى اسماء كريمات مرطبة وريحتها حلوة وعطور هاديه
وياليت تفيدوني باسم اسواق حلوة في جدة اسعارها مناسبة
وابغى فكرة هدية حلوة لأبو الشباب؟؟؟


افيدوني بخبرتكم اسعد الله حياتكم جزيتم الجنة

[في داخلي قلب طف]

الحمام لاتصلحينه الااّذا سالتي دكتورتك اما عن الهديه اشري علبه روعه وجمعي فيها الاغراض تناسبه مثل عطر بجامه قميص وزي كذا

[**كلي جروح**]

هلا فيج الغاليه

حمدلله على سلامتج ’’’’’’’ ومبروك ما ياج


حمام البخار مو زين اذا لسه ينزل منك دم لان الماء الدافيه او البخار الحار راح يزيد نزول الدم ويسبب نزيف لانه يسوي توسيع لااوعيه الدمويه’’

ممكن اذ خلصتي من النفاس وطهرتي ورجعتي تصلين اتسوينها

وافضل لو تجربين الحمام المغربي من اول مرة تشوفين النتيجه’’

غيري لون شعرك او تسريحته المهم تسوين تغيير ’’

بالنسبه حق الكريمات عندك ذابودي شوب او نكتار شغلهم حلووووو و عطورهم هاديه’’

بالنسبه للمحلات ما عندي خلفيه عنه ان شاء الله بنات جده يفيدونك لكن نزلي موضوع تطلبين فيه الشي الي انتي تبينه بقسم البشره راح يجوبونك البنات وهناك بتلاقين وصفااااااااااات وااااايد حلوووه

ام الهداياه والله اشوف انه هو اللي المفروض يكون اهداك بعد الولاده هديه مو انتي

انتي كفايه جبتي له الخلفه ’’

لكن اذ تحبين جربي تاخذيله شي مو موجود عنده يعني ناقصه عطور خذيله او اي شي ثاني

[الاخرة همنا]

جزاكم الله خير

وتسلموا يا اخوات