لسـلام عليـكم ورحمـة الله وبركاتـة ..
قصة حب بين فار وفارة ..
ايه حتى الفيران تحب ليش لا ..
فار حب له فاره اسمها سها وراح يتقدم لها شرطو عليه اهل الفاره شرط انه يكون شجاع وله صيت بالغابة 0
سها : هذا شرط ابوي ولا يمكن يتراجع عنه .. تصرف يا جعيد تصررف انا لايمكن اعيش من دونك ..
جعيد : ما عليك يا سها ويكون بعلمك نا اذا ما تدرين عني يسموني جعيد من قوتي وصلابتي مهجد الأسد بكبره فما بالك الباقين ؟؟؟ وهذا معنى جعيد يا سها ..
سها: ايه هين نشوف .. سو اي شي تمررن اشترك بنادي الغوريلات لرفع الأثقال سو اي شي .. صدقني انا احبك ولا يمكن اتنازل عنك ..
عقبها راح جعيد للمقهى وفيه الشله هناك اللي هم ( الأسد والنمر والفيل والذيب والقرد واللي يجيب الطلبات هو الضبعه ) المهم دخل عليهم سلم واحد واحد وجلس .. نشووف الحديث اللي دار بينهم
( ولا تدققون على كل شي )
الأسد : حيالله جعيد . هاه وش سويت بالوظيفه اللي ارسلتلك لها ؟
جعيد : اي وظيفه ؟؟ اييييه قصدك زبال . لا ياشيخ ماااش أحس اني فوق هالمستوى شف لي غيرها تكفى .
النمر : الله يالدنيا فار ويتشرط بعد .
جعيد : نمروون احترم نفسك لا تخليني اتهور واقوم اطب في بطنك .
النمر : الله الله الله وش تقول ما سمعت ؟
الذيب : يا جماعه تركدو وشفيكم خلونا حبايب .
المهم شوي ولا الفيل توه داخل . والفيل ولد نعمه اهله تجار . ابوه يشتغل تكسي يوصل اودام في هالغابه .
الفيل : الله بالخير يالشيون .
الأسد هلا بطير شلوى هلا باللي يباشر علينا . هلا بولد الشيوخ .
الضبعه : اهلين عمي فيلون . هاه اجيب الطلبات .
الفيل : ايه جب ولا ينقص شي حتى جعيد جبله جبن سايل خله يمزمز عليه .
الضبعه : انشالله عمي .
الفيل : هاه ابوقذيله ( يقصد الأسد ) وش صار على الرجال خلاص ولا للحين .
الأسد : ايه ابشرك طلعناه .
الفيل وكم عطيتوهم ؟
الأسد ابد حسب الأتفاق .
جعيد : اقول يا جماعه انا عندي طلب ومستحي منكم .
الفيل : جعيد قم انقلع هناك .
جعيد : افا وشفيك علي يالفيل ؟؟
الفيل : اذا شفتنا نتكلم انت تاكل تراب وتسكت تفهم ؟
جعيد : طيب طيب لا تنفخ ..
الفيل : بعدين لا تقطع السالفه مره ثانيه تفهمممم ولا شلووون ؟؟ والمثل يقول اقطع الكهرب ولا تقطع المويه عساك سالم .
الضبعه : وهذا الجراك والمعسل لأحلى فيلووون بالغابه .. طبعاً بدون لي ( الهوز ) ..
فيلون : تسلم تسلم .
النمر : الا فيلون ما قلتلي ، من وين مفصل هالخيمه اللي عليك ؟؟
كلهم الا الفيل: ههههاهاهاهاهاههاهاهاهاهاهاهاهاهاهاهاااههاهاهاهاهها
ها الله ياخذ بليسك يا نمرون حلووووووه .
الفيل : تنكت انت وهالقميص اللي عليك من يوم عرفتك وانت لابسه . شف ترى اللي عليك واللي على حمار الوحش واحد بس يفرق اللون .
الأسد : هاهاهاهاهاهاهاهاههاهاها .
الذيب : ايه بس هذاك شبابي وهذا اتحادي .
الفيل : انت الفقه بس .
الذيب : انشالله طال عمرك .
الفيل : الا ما قلت لي ياجعيد عندك شي تبي تقوله وشو ؟؟
جعيد : لا خلاص النفس طااابت ما بي منكم شي .
الفيل : افا والله عيب عليك حنا اخوان صح انك بزقه وزلابه لكن قل وش عندك ؟؟
جعيد : وش يعني بزقه ؟؟
الفيل : اسلم . انت وش يعرفك بعلوم العتاولة . قل بس وش عندك ؟؟؟
الأسد : يابن الحلال ما عنده ما عند جدتي .
جعيد : بصراحه انا بتزوج .
كل ابوهم : هاهاهاهاهاهاهاهههههههههههههاااااااااااهههاهاهاهاها
هاهاهاهه. هههههههههههههههههههههههههههههه.
الفيل : وش قلت ما سمعت ممكن تعيد يالحبيب ؟؟ ههههههههههههههههههههه
جعيد : بتزوج قلت شي يضحك انا ؟؟؟ ( قالها وهو زعلان ) ..
الأسد : لا ابد ما قلت شي غلط عداك العيب . بس منهي تعيسة قصدي سعيدة الحظ اللي بترضى فيك لا يكون بس تشبه الغزاله نفله ؟؟
النمر : لا يمكنها ام هلالال . كهكهكهكهههههههههههههههه
جعيد : تركد انت وياه اقول يا خلوني اكمل سالفتي ولا خلوني اسكت .
الذيب : لا افا والله ماعاش من يزعل جعيد كمل كمل كلنا اذان صاغيه .
الفيل : لا يكون ناقصك شي بس ؟؟ جبن ولا خبز يابس ولا شي ترانا جاهزين .
كلهم : هاهاههاهاههههههههههههااااااااااهههههههاييي حلووووووووووه ..
جعيد : اي والله حلوه من حلاها ماقدر اناظر فيها اكثر من خمس ثواني .
النمر : ايه اكيد لا وخمس ثواني واااجد بعد اكيد لا شافتك تدخل بيتها وتنام من الخوف اللي يجيها .
جعيد : انت ورى ما تاكل دود وتسكت .
الفيل : ايه تكفى يا جعيد شب على هالنمروون ..
جعيد : المهم يا جماعه انا يوم رحت اخطب شرطو علي شرط واحد بس .
النمر : اكيد يبونك تصير رجال . ههههههههههههااااااااااااااهههههههي
الفيل : انت ورى ما تنكتم يالنمر وتخليه يكمل سالفته . ايه اسلم ياجعيد كمل .ارطن . اهرج . اقرق . قل شي لا تسكت ما عليك منه . وش شرطو عليك ؟؟
جعيد : يبوني اصير شديد وفار شجاع وصيتي ياصل اخر الغابه .
النمر : اجل انس .
الذيب : لا جن . هههههههاااااااااااهههههههي 0
المهم وهم يسولفون ويرمسون دخل عليهم القرد الملقب بـ ( بو عجب ) وكان معروف عندهم بخفة دمه .
بو عجب : هاي يا حيوان انت وياه .
الفيل : يخوي لا عاد تقول هالكلمه كم مره قلتلك ؟؟ انت ما تفهم ولا شلوووون .
بو عجب : انت وهذا وهذا وانا حيوانات غصب على اللي ما يرضى . ولا شرايك يا بوقصه – يقصد الأسد - ؟؟
الأسد : ايه بس عاد ترى بعضهم ما يرضى تقوله حيوان .
بو عجب : هلا بصديقي وخويي جعيد شلونك يالوصخ المروح ؟؟
جعيد : لحووول انا بعرس وهذا لا احترام ولا تقدير ولا شي .
بو عجب : اقول الشرهه علي اللي اسولف معك انت واذنك هاللي كنها بطانيه معلقة على حبل غسيل ..
جعيد : يا جماعه انا بمشي تبون شي ؟؟؟
الأسد : لا ماتمشي لين تكمل سالفتك اقعد .
جعيد : يابن الحلال محد يمي اتكلم ليش ؟؟؟
الفيل : افا بس اقعد ياشيخ اقعد بس تو الناس يلا وكلنا اذان صاغيه .
بو عجب : قصدك بطانيات صاغيه . هههههاااااااااااااي وووواعجبي .
الأسد : ايه وتقول اجل انهم شارطين عليك انك تصير شديد وقوي ولك صيت . اسلم كمل .
جعيد : ايه انا بمر بكره انا وعمي ابو الفاره المقهى هنا ولازم تكونون حاضرين .
الأسد : وليش لازم نكون حاضرين حنا وش دخلنا بالسالفه كلها ؟؟
جعيد : ايه انتم لازم تساعدوني بالسالفه .
الفيل : شلووووون يالزين .
جعيد : تطنز انت وجهك منيت علينا بهالجبن السايل اشووف .
الفيل : لا يخوي وشفيك انت اعوذبلله ما تنتحارش ولا ينمزح معك .
الأسد : تركد يالفيل طال عمرك . ايه اسلم يا جعيد وش المطلوب مننا ؟؟
جعيد : ابيكم اذا مريت بكره تصيرون موجودين وانا بسوي نفسي عند عمي اني شديد معكم وانتم سايروني وتحملوني شوي وامشو معي بالسالفه الين يصدق وياخذ فكره اني شديد واذا راح اللي تبونه فيني سووه ، هاه شراااايكم ؟؟
النمر : بس ؟؟
جعيد : بسس تكفون لا تردوني قولو تممم .
كلهممم : تممم . تممم .
جعيد : الله يتمكم انشالله .
المهم بكره المغرب مر عمه وطلعو هو وياه للمقهى ولقى الشله يحترونه ...
جعيد : هاي شله .
عم جعيد : مسيتو بالخير .
الفيل : هلا هلا بتاج راسي وبقلبي وبعيني ماعاش منهو يكدر خاطرك ساعه .
الأسد : هلا بعمنا كلنا وتاج روسنا .
النمر : هلا بمن له جسمي يرتعش لذكر اسمه .
الضبعه : هلا بمهجد القهوه ياهلابه هلا بالراعي .
الذيب : هلا بفار سرحان ياهلابه .. هلا بمرعب ديار الغوابي .
جعيد : استريحو استريحو .
عم جعيد : اجل منت هين يا جعيد وانا احسب انك رخمه .
المهم عدت ذيك الليله على ما يبغى جعيد بس عيبه انه طولها شوي مع الفيل وقام يهزء فيه الين ضحك العالم كلها عليه .
بعد مار جعو البيت ووصل عمه لبيتهم ، بعد ما طلع قابله الفيل وكان موووولع من الفار جعيد .
الفيل : انا تقول عني مخرب ميزانية ابوووي ؟؟؟؟
الفيل : انا تقول عني اني ان رجووولي مشرووع اناره شارع فاشله ؟؟؟
الفيل : انا تقول عني اني اذا نمت النمل يوصلون عند عيوني بأسقاط مظلي ؟؟
الفيل : انا تقول عن جد ي انه كان سواق بغابة هنووود وبدون راتب ؟؟؟
الفيل : انا تقول عن امي انها كانت رقاصه في سيرك ؟؟؟
الفيل: انا تقول عن قبيلتي قبيلة الفيلي انها تخاف من الفيران ؟؟؟؟
الفيل : انا تقول عني اني ما شفت رجلي اللي ورى من عشر سنين ؟؟
الفيل : انا تقول عني اذا بغيت اطير الشراب ( قضاء الحاجه ) ارفع كرشتيييي ؟؟؟
الفيل : انا تقول عني اني ان شنبي طالع برموشي ؟؟؟
الفيل : انا تقول عني اصلح سكيوريتي في سوق ام هلال ؟؟؟
الفيل : لكن هين اعتبر هاليوم اخر يوم من عمرك ...
جعيد : يا فيلو يا فيفول انا وياك اتفقنا على ان اللي بيصير مزح مو صدق وانت وافقت على هالكلام شفييك يخوي وانا الحين قدامك سو فيني اللي تبي ...
الفيل : انا اللي قاهرني انك ما ستلمت الا انا بس تعلق علي والباقين ما قلت عليهم شي ...
جعيد : اذا ما تحملتني انت من يتحملني ياااا بعد دباديبي وهذا راسك احبه .
الفيل : افففف اخس عليك يا شيطان . تصدق عاد كنت ناوي قتلتلك الليله ،، كنت ناوي ارفسك رفسة حصان في بطن قطوة لكن مادري وش جاني الحين ..
جعيد : رحوم ماشالله عليك وقلبك طيب .. مد خرطومك خلني ارقى احب راسك .
الفيل : تطنز بعد هاه ؟؟؟
جعيد : لا والله اني صادق .
الفيل : يلا ارق عساهم يرقونك في حووش قطاووه في عز الليل ..
المهم يوم وصل جعيد لراس الفيل يبي يبوووسه ، طلع عم جعيد من البيت وشاف جعيد فوق راس الفيل .
جعيد توووهق .
عم جعيد : افاااا وين راحت القوه والشهامة ؟؟ وين اللي شفناه اليووم ؟؟؟
جعيد : عاد لازم يصرفها الفار قال : ها تتوب ولا اكسر رقبتك الحين ( يقصد الفيل ) ...
في أمان الله ..
رد مع اقتباس
المشاركة الأصلية كتبت بواسطة اميرة...
مواقع النشر