أعطوني رأيكم

[شذى الرووح]

بسم الله الرحمن الرحيم


السلام عليكم ورحمة الله وبركاته

أعطوني رأيكم بأمانه

أنا متزوجه ولي 16 سنه عايشة في ستر والحمد لله

لدي خمسة اولاد وبنت أسأل الله أن يحفظهم

جلسنا على شرب القهوه عصريه 00 فقال أبيك في موضوع

قلت تفضل 00 قال أنت عمري ولايمكن الغنى عنك 00 وأنت الحياه

وأنت 00 وأنت 00 وأنت

قلت خير وش صار

قال طلبتك 00 أبغــــــى أتزوج

صدمه في داخلي وشعور أحسست بان العالم خيم بالظلام عليه

قلت ليش قال والله ماهو قصور لكن كذه مزاج

قلت طيب كيفك أنا ماعندي مانع

وسبق وأن طلب قبل كذه ورفضت عشان كذه المره هذي مشيت معاه

قال أخطبيلي بنت حلال

قلت ياأبو عيالي تراني زوجتك ماني أمك وإلا أختك

قال تكفين دوري لي ع وحده

قلت مستحيل والعبرات تتقاطر في قلبي بسهامه القاتله

قال إذا شفتها تجين وتشوفين إنكان ناسبتنا وإلا دورنا غيرها

ياناس أنا أنكبيت على وجهي في خدمته وخدمة أهله تنازلت عن أشياء كثيره

هادئه ساكته ماأطلب ولا أكلفه بشي ويجازيني بزوجه

لي ثلاث أيام وانا في حيره

إن قلت لاتتزوج

الرجال إن حط شي في باله والله ليجيبه بالغصب

وإن قلت روح أكون جنيت على نفسي

الحين 00 وش الحل 00 قايمه بواجباتي لكن صراحه يقول

أبغى أجدد يقولون الزوجه الثاتيه فيها وفيها 00 طيب وش أنا قاعده أسوي

مافرقت 00

طبعا روحه معاه مستحيل والله ماني راضيه أبد لكن إذا ربي أراد وش عاد أقول


أختكم شذى الروح

[salma74]

الله يكون في عونك..أنا رأي حاولي تطلبي مساعدة أولادك يعني خليهم يدخلو في الموضوع و يفهم أبوهم إنهم ما يقبلو بدا الشي..ما أدري إذا يجيب نتيجه معه أو لاء لكن ما ترضي أبدا حاولي تخليه يغير رأيه بأي طريقه شوفي إنت إيش ينفع معه...دلع زعل أولاده .. والله معاكي حبيبتي

[طالبة الحياة]

موضوع جدا محير ..بس كمان الواحده تفكر وتقارن ..يعني في رجال ما تفكر تلمح حتى لزوجاتها فبما بالك بهذا الي جايكي بكل طيب خاطر وشايف خاطرك

كمان الحمدلله بيفكر بالحلال ..والله نص الرجال قاعدين يلعبو من ورانا وما بيسألو فينا..على الاقل زوجك سأل وعن حقو كمان..
والله يا حبيبتي حاسه بصعوبة الموقف الله لا يحط مسلمه فيه
بس استخيري وحاولي تقنعيه انها نزوة منو ويمكن احد محكيه ..اكيد يعني ف اشتهى يجرب
بس وعيه انها تجربه حتفضل معاه العمر كله ماهي يوم ولا شهر وتنتهي ..يعني مسؤوليه!!


الله يهون عليكي ان شاء الله ويختارلكم الطيب

[بيت طين]

يا أختي الغاليه أنا مع كلام الأخت طالبة الحياة يعني كفايه

انه طلب منك واستسمحك في كثير أزواج ما يدرون زوجاتهم إلا وهم مخلصين الموضوع

وخير منه إنه طلب رأيك في الزوجه الثانيه لعدة أسباب

1- أن تتأكدي منها إنها على خلق ودين فهذي حتى لو فكر زوجك يظلمك في يوم

من الأيام رايحه توقف له وتمنعه لأنها تخاف الله

2- إنك تشوفيها إمكن ما ترتاحين لها وأمكن يجعل الله حبها في قلبك من أول

ما تشوفيها وكثير زوجات يعتبرون الزوجه الثانيه أخت لهم وعا يشين سعيدين في حياتهم

وزي ما قلتي إذا الرجال حط شيء في باله فصعب يتراجع عنه وكمان أكثر من مرة يطلب

أخاف لو رفضتي يسويها غصب عنك أو يكذب عليك ويتزوج بدون علمك

وهو ما طلب شيء حرام ومو معنى إنه بيتزوج إنك تكونين مقصره معاه

لكن فيه كثير من الأزواج يتمنى يجرب الزوجتين وخاصة إذا كان مقتدر مالياً

واخيرأ استخيري الله ولا تندمي على خدمتك لزوجك لأنها طاعة لله

وثقي بالله فلن يحرمك أجر طاعة زوجك وإعفاف إخت لك

واعجبتني رجاحة عقلك فبارك الله لك في زوجك وكتب لك الخير