السلام عليكم ورحمة الله وبركاته
اخواتي بنات حواء احب تشاركوني فرحتي بحملي
امس حللت منزلي واعتقد اني حامل دحين ....
انا اقول اعتقد لاني ما ادري مو مصدقة وكمان مو عارفه يعني النتيجه الي شفتها معانتو صح حامل ولا لا (بكريه)
انا اقولكم وانتو احكمو
طلعلي لون موف مو غامق ولا فاتح وسط يعني ..اللون غطى كل النافذة لمدة 15 ثانيه يمكن وبدا يتلاشى بعدها يعني ما كمل دقيقه بس الي طمني انو على طوووووووول من اول ما وصلو قطرات البول الله يكرمكم على طول بدا يتلون ما استنى ثانيه يمكن
واللنافذه التانيه طلع فيها خط غامق الين الان ما اختفى....ايش رايكم
كمان الي مخليني مستغربه اني مو شايفه اي علامة حمل بس صدري يوجعني شويه بسسسسسسسسس
انا الاسبوع الي يجي ابغى اروح احلل دم اذا ما جات الدوره
بس عندي سؤال عن الجماع
يعني عادي هذا الاسبوع يسير ولا مثلا ممنوع نهائي الشهر هذا كلو والله مو عارفه ..يعني اول اسبوع دحين الي يجي امنع ولا كيف ؟
وكمان اسأل الدكتوره عن حبوب الفوليك ولا اخدها من الان قبل ما اروحلها حتى؟
واي نصيحه تعرفوها مهمه لا تبخلو علي بلييييز
انا مغتربه في كندا وما ابغى اقول لاحد اني حامل من اهلي او صاحباتي الين يتاكد الحمل يعني يمكن شهر شهرين بعدين اقولهم
عشان كدا قلت اسألكم وما اقدر اسأل ماما عشان ما تخرب المفاجأة
اوبس كمان افتكرت سؤال
انا جسمي من النوع الي مليان شعر من لمن كنت طفله والين دحين
المهم لمن اتزوجت بدات انظف جسمي كلو بماكينة براون حتى بطني لانو مرررره ما اقدر اغمض عيني عنو كتير ويفشل ..السؤال استمر ولا في خطر امرر الماكيه على بطني ؟؟؟
سوري طولت عليكم
انتظر ردودكم
مواقع النشر