بسم الله الرحمن الرحيم
السلام عليكم ورحمه الله وبركاته
يابناااات ونساء حواء
انا مطلقه عري 23
تقدم لي واحد عمره 38 بوظيفه حلوه ومعه مره وله منه ولدين وبنت وسبب زواجه تقول امه يبي وحده حلوه ومتعلمه
وش رايكن اوافق ولا لا
بصراحه انا متردده والسبب انه كبير وبكون الثانيه وماودي
ولكن اهلي يقولون لي انتي مطلقه واحمدي ربك ان جاك واحد مو شايب
وقبل تقدم لي جارنا تخيلوا بنته صديقتي واحد مطلق
المهم انا اخاف اوافق واندم لان ماني متخيله اكون الثانيه ونضرت صديقاتي وقريباتي لي اني بكون مره ثانيه
وثانيا اخاف ارفض وما يخطبن احد او يجيني واحد اشين منه معه مره ويكون كبير بالسن واعنس
علما باني مطلقه وبصراحه كل اقربائي بناتهم تزوجن ومابقي الا انا انصحوني قولولي وش اسوي اوافق ولا ارفض حطي نفسك بموقفي انتي مطلقه ونضرت الناس لك وش بتكون
مع ان ودي اتزوج واحد اعزب لكن الشكوى لله ماتقدم لي الا متزوجين
يااارب اكتب لي الخير اينما وجد ياااارب
ملاحظه قبل مده جوا ناس يخطبون وقالوا نبي البنت مو المطلقه قصدهم اختي اللي اصغر مني جرحوووني ليش مالي ذنب لكن هذي نضره الناس لنا يالمطلقات الا من رحم الله
بليييز هل عمره كبير او رجل لم يصل لمرحله شايب يعني عمره حلو علما باني صغيره شابه امانه ا
استغفر الله واتوب اليه
مواقع النشر