معلقني وأنا بعدي في بيت أهلي [الله يسعدكم شوروا علي]
السلام عليكم ورحمة الله وبركاته
أنا ولاء اللي سألتكم قبل أتزوج مريض السكر أو لأ
استخرت ووافقت وملكنا في آخر يوم في رمضان وكان كل شي تمام
مع إني أكتشفت فيه اشياء كثييير مو حلوة مثل البخل والسطحيه والتفاهه وعدم النضج
لكن قلت يابنت خلاص هذا مصيرك وتعايشي معاه ويكفي إنه طيب يقدرك ويخاف الله وبار بوالديه
جلسنا الين الحج ماشيه احوالنا يعني لو فيه شي نتناقش عليه وهو يوصل فكرته وأنا بعد ونحلها بها الطريقه
لحد يوم جا يقول ليش ما تقللين مهرك الي هو 80 ألف
قلتله والله اذا زاد فلوس برجعها معي
مع ان لو واحده مكاني قلبت عليه الدنيا
وفهمته بشويش إن الزمن غلي والأسعار نار
وقلتله إذا أخواتك الثنتين قبل 6 سنين مهرهم 83 ألف والزمن ماكانت أسعاره مثل الحين تبيني أنقص وأنا محتاجتهم
قال فيه ناس يقولون لو جيتنا نعطيك بعشرين
جرحني
ومع كذا قلتله شوف يا ابن الحلال الحكاية مو فلوس
كل واحد يعطي على قد قدرته
الوالد ماغصبك
جيت وشفتني نظرة شرعيه ورحت
وبعدين رجعت وقال لك المهر كم ورحت
ورجعت وقلت موافق
وبعدين جلسنا فترة وجيت ملكت
لو إن المهر كبير عليك كان قلت من البدايه
ولعلمك الوالد ترى بيزيد عليه وما بياخذه لنفسه ولا بيصلح فيه بيتنا
كله ملابس واغراض لزوجتك يعني لك
المهم اختلق مشكلة من نقاش بيننا وقفل واتصلت اصالحه مارد
وبعد اسبوعين راح للوالد وقال له ابغى ننفصل لأن بنتك دايم تجرحني وتقول إنت مو رجال لان معاك السكر وتتكلم في أهلي
وأنا والله العظيم عمري ماجبت سيرة مرضه لا صراحه ولا تلميح وأهله مع اني عارفه عليهم أشياء الا اني وربي شاهد مافتحت فمي
ويوم جا يقول إنت سمعتي عن أهلي كذا وكذا
قلتله بالحرف الواحد أنا باخذك إنت ماباخذ اهلك واهلك هم اهلي وأهم شي عندي إن سمعتك إنت زينه ومارح احاسبك على اشياء انت ماسويتها وماعلي من أحد ..والله العظيم كذا قلتله
المهم راح كذب على أبويه كذبااات كثيرة انا ماسويتها بس كلها تافهه زي كذا هي تجرحني هي تقول إن جسمي مو حلو هي تقول إني بخيل كل ما أكلمها تبكيني وكذا
المهم الوالد قال له بكيفك ؟؟
وراح بيطلقني بس لما سمع ان لي نص المهر رجع كلم الوالد وقال له انه يبي العشرين اللي دفعهم
قال له الوالد هذا حق البنت وثمن لعبك والبنت مو متنازله
من بعدها طنش
يبيني أنا أطلب الطلاق عشان ياخذ العشرين ويتزوج فيها بنت أبو عشرين على قولته
قولولي وش أسوي
يا أتنازل عن حقي يا اجلس كذا معلقه
وانا توي صغيرة عقدني الله لايسامحه
وخلى الناس تتكلم عني والكل شمت فيني لأني وافقت عليه وماطاوعت اللي قالولي لاتاخذين مريض السكر
أبي اتطلق منه بس ما أبيه يطلع بدون خسارة وأنا اللي خسرت كل شي
اللي قاهرني كان بيطلق بس مارجعه الا الفلوس
وكان يكذب علي كلما يزورني يقول والله إني أحبك ولو صار فيك شي ما اتزوج بعدك وفي الأخير يتركني عشان فلوووس
ايش اسوي ساعدوني
كيف آخذ حقي منه ؟؟؟؟
الله يفرج هموم اللي تنصحني
رد مع اقتباس
مواقع النشر