حماتي ملاك
والله والله والله حماتي ملاك
عايزة اتكلم مع اخواتي اللي قربوا يتزوجوا واللي متزوجين طبعا ،،،،،
بجد هقولك نصائح ياريت تستفيدي منها وتفيدي غيرك:-
* حماتك هي اللي جابتلك جوزك يعني بدونها ما كنتي هتكوني زوجة ولا ام طبعا . بمعني انك المفروض انك تعيشي حافظالها الجميل ده عمرك كلة يعني تعامليها بما يرضي الله .
* حماتك هي امك واقرب من امك بعد زواجك . بمعني ان لو لا قدر الله حصلت مشكلة مع زوجك ودخلتي امك المشكلة هتكبر لكن لو دخلتي حماتك عمرها ما هتكبر علشان دي امه يعني ستر وغطا عليه .
* ممكن الواحدة مننا تزعل شوية من امها ولكن في النهاية مهما عملتي دي امك عمرك ما هتزعلي منها ( اعتبريها امك وشوفي اية اللي خلاها تزعلك ،،، عاتبيها ولكن في حدود المسموح وبكل ادب ) .
* فكري كدة لو في يوم زعلتي امك هتعرفي تنامي هتعرفي تاكلي استحالة ولاحتي هتقدري تعيشي لحظه وامك زعلانة منك يبقي ليه تسيبي حماتك زعلانة ( هما الاثنين واحد الأم = الحماه ) .
* يعني مفيش مشاكل لما جوزك يوديكي كتير عندها .
* يعني مفيش مشاكل لما تكلميها كل يوم تطمئني عليها .
* يعني مفيش مشاكل لما تكون تعبانة لا قدر الله تقوليلها سلامتك بحسن نيه علشان هي تحس انك فعلا بتتمنلها الشفا .
* يعني مفيش مشاكل لما تقوليلها اجي اساعدك في البيت .
* يعني مفيش مشاكل لما تعامليها زي امك .
* واخيرا وليس باخر . . . لما زوجك يشوف معاملتك لأمه كويسة صدقيني حياتك كلها هتتغير للاحسن وكله في النهاية هيعود عليكي وعلي بيتك وعلي زوجك . . .
والسلام عليكم ورحمة الله وبركاتة
رد مع اقتباس
مواقع النشر