الزوجه الثانيه ونظرة العالم لها!!!!

[تعبت وتكدرت]

اخواتي ابدا لكم سالفتي وكيف صرت زوجة ثانيه
الارمله والمطلقه من لهم ؟؟ هل تحرم من الحياة مع زوج حياة كريمه
وش ذنبها في ظروف الله سبحانه قدرها لها
المهم ماطول الكلام عليكم واقولكم قصتي فانا ارمله وام لاطفال حرموا من والدهم من نعومة اظفارهم بعد خمس سنوات من الترمل واحساس الوحده تقدم لي رجل انا اقتنعت فيه وتم الزواج
واصبحت زوجة ثانيه غير مرغوب فيها ويعلم الله اني احنن قلبه وماعمري حسسته بمسؤلية عيالي وبيتي كنت اشيل كل شي انا لوحدي المهم يكون هو ستر علي وعلى قولتهم ظل راجل ولا ظل حيطه
الهم هالرجال ماعلم زوجنه وكل اهله عارفين عن زواجنا الا حرمته لانه يقدر مشاعرها على حد قوله وماتزوج عليها الا لانه ينقصه اهتمام منها خصوصا انها دوم عند اهلها المهم انا تدبست بهالزيجه ومع اني
صابره وراضيه بالقليل من اهتمامه وماني مقصره معاه في شي وكل اللي ابيه حياة شريفه ورجال يحميني المهم وبعد ثلاث سنوات من قلة القيمه من زوجي وعدم اعطائي حقوقي واللا مسئوليه جاني يوم وسكر على نفسه الغرفه وعلى النت ساعات ماني عارفه شسالفته المهم بعدها طلع وانا اجي للنت وافتح المحادثات الا وش اشوف غير قلة الحيا والا وهو يكلم عدة نساء من مختلف الجنسيات ويواعد هذي ويضحك مع الثانيه ويشوف صورهم ويكلمهم كام وغيره من الشي اللي يغضب رب العالمين
المهم انا اصلن عنده مالي اعتبار وعلى قولته انا اصلن متحسن عليك وضامك واحمدي ربك ماخذك ومعك عيال وكلام كثير يجرح المهم مدري شسوي وكيف اواجهه وكيف بيكون موقفه مني كثير اشياء في بالي ومضيقة صدري دعواتكم لي بالفرج وان الله يهديه ويعرف قيمتي ويعرف انه كافل ايتام وهالشي مهو سهل عند ربي اسفه طولت عليكم لكن من شي في داخل نفسي ربي يعين وشكرالكم
اختكم تعبت وتكدرت

[نهامرعى]

اعذريني يا اختي فأنا لا احب الزوجه التانيه مهما كانت الظروف كان بأمكانك تصبري علي موت زوجك ولكي الاجر في الاخرة انت الان في موقف لا تحسدي عليه انت اذيتي زوجه علي حد قولك لا تعلم بزواجك من زوجها يعني زوجه مخدوعه وزجك اذا غدر بزوجته الاولي فكيف تأمني غدره

[$هدوء الليل$]

الله يعينك ويصبرك ويهدي زوجك ويخلي لك اولادك والله ياختي انا ما اشوف في زواجك اي شيء من حقك تتزوجي بغض النظر عن ظروفك وهذا حلال وشرع ما احد يعترض عليه فالمشكلة ليست في الزواج ولكن المشكلة في اختيار الزوج ..

الزوجة الثانية انسانة مثلي مثلها من حقها تتزوج سواء كانت بنت او ارملة او مطلقة ليه نحملها مسئولية هذا الزواج ونلقي الوم عليها فالرجل هو من اختار هذا الطريق وقرر هذا الزواج وهو من اختارها وليست هي من اختاره ..
هذا رأيي مع اني زوجة اولى وما اتمنى انه يشاركني في حياتي زوجة ثانية بس كلمة حق ولازم اقولها
الله يوفق الجميع !!!!!!

[افوق الوصف]

أختي أبسألك البيت اللي أنتي ساكنه فيه لك والا لزوجك ؟
يعني هو اللي ينفق على عيالك يوم يقولك أحمدي ربك أني متزوجك ؟!!
لازم تفكرين بوضعك انتي وعيالك بعدين ..
ع العموم أنتي أعرف بزوجك أستشيري أصحاب الخبره واستخيري
ولا يهمك اللي يهاجمونك هذا حق من حقوقك أنتي انثى وبحاجه لزوج
وسالفة انه ماخبر زوجته عن زواجك منه أنتي مالك ذنب هو اللي مفروض قايله

والله يوفقك ويكتب لك اللي فيه الخير