)( أخواتي .. أفكر أعطيه فرصة أخيرة ، إيش رايكم ؟

[جوهرة الغد]

اش اخبارك يالغاليه انا من رايي اذا كلمك زوجك وقال ارجعي قولي له ماارجع الا بشروط ويكون في رجال ذقه يشهدوا على شروطك اذا وافق عليها * وربي يحلها لك اذا اعجبك اقتراحي قولي لي وشوفي اشهي شروطك اختك في الله ام غيداء

الله يسعدك أختي
ما كلمني لأني مارد على اتصالاته ورسايله نهائيا

وفعلا أفكر أرجع بشروط صااارمة

بس مشكلتي خاااايفة مرة

الله يسهل لي ما فيه الخير

[هتاف المجد]

الله يوفقك حبيبتي .. وييسر لك الخير ..

إذا تفكري ترجعين له .. لازم تكون شروطك واااضحة .. وصارمة ..

ويشهد عليها أهلك واهله ..

وتبينين له إنك رجعتي عشان تعطيه فرصة أخيرة .. إما يتعدل .. أو تنفصلوا ..

ولا تدفعون له ريااال واحد .. عشان يتحمل المسؤولية ..

ويستأجر لك شقة .. وتعيشوا مستقلين بحياتكم ..


من غير أموره الثانية .. زي محافظته على الصلاة ( وهذا أهم شيء ) وتعديل كل سلوكياته الخاطئة ..


وأنتي لو رجعتي .. أعتبري نفسك عروس جديدة ..

لا تذكرينه بأخطاءه السابقة ابداً ..

وحاولي تغيري فيه بطريق غير مباشر ..

إذا انصلح حاله ,, فبها ونعمت ..

وإذا انتكس .. فلك الخيار وقتها ..


بس أهم شيء يستقل مادياً ... ولا تصرفي ريال واحد .. كل شيء عليه ..

مهما صار .. خليه يعتمد على نفسه في مصاريف البيت ...


وحاولي إنك ماتحملي في هالفترة .. إلين تشوفي وضعه ..


ولا تنسي الدعاااء والاستغفاااار ...


ربي ييسر لك كل خير ......





مع خالص حبي ..........................

[{~جوود~}]

السلام عليكم ورحمة الله وبركاته ...

شوفي يا أختي الغالية الشروط الصارمة هي أمر مفروغ منها ..

حتى تضعين حد ... ولكن قبل هذا كله أذكر انك ذكرتي أنه راعي سفريات

ومدمن مواقع اباحية .. فهذه ضعي تحتها خطوط حمراء لأن الدنيا أصبحت مخيفة جدا ..

يعني اسالي الله ان كان في رجوعك خير لك في دينك ودنياك وعاقبة أمرك أن يكتب رجوعك له

ولكن ان كان في رجوعك شر لك في دينك ودنياك وعاقبة أمرك فاسأليه أن يصرفه عنك

وأن يصرفك عنه .. وأن يقدر لك الخير حيث كان ثم يرضيك فيه ويبارك لك فيه ..

..

وانا ما أقصده ان تتاكدي من خلوه من الأمراض لأن مثل الامراض هذه لا تظهر في وقت مبكر ..

فعلى أية حال ادعي بهذا الدعاء

(( ياحي ياقيوم برحمتك استغيث اصلح لي شاني كله ولا تكلني إلى نفسي طرفة عين ))

فوضي امرك لله ..

ثم إذا رجعتي له عوديه على أنه هو المسئول عن المصاريف المادية ..

من وإلى ولست مكلفة بأن تستأجري شقه أو تشتري سياره وغيره ..

وعوديه انك ما تدفعي ولا ريال .. لأن الرجال إذا شاف التنازلات من زوجته يبدأ يتمادى

أكثر وأكثر وخصوصا في الأمور المادية ...


أسأل الله لك الخيره حيث كانت ..

[روعة بذوقي]

استخيري واذا ارتحتي وتيسر لك طلاقك منة او انك ترجعين لة بس اهم شي يكون قربك اللى الله والدعاء والاستغفار والذكر هو اللي يبي يسعدك مع زوجك وانتي اكيد تبي تغيرين من حياتك اليومية ووضعك واسلوبك معة ..