الكشرى المصرى على طريقه المحلات(مشركتى فى مسابقه طبق من بلادى)
السلام عليكم ورحمه الله وبركاته
هلا اخواتى واصحاب فى المنتدى عاملين ايه
ان شاء الله تكونوا كويسين
معلش انا اتاخرت عليكم المره دى بس جايبا
معايا النهارده طريقه انما ايه الكشرى المصرى
اللى مفيش احلى منه بس على طريقه المحلات
نفس الطعم بس صنع فى البيت وكمان انظف
وكمان مشارك فى مسابقه طبق من بلادى ويارب
اكسب ادعو لى
ودلوقتى ابدا
هاتى 2ونصف كوب عدس اسود بتاع الكشرى ونقى العدس من الحصا
واغسلى العدس كويس بالمويه وبعدين حطى العدس فى حله وحطى مويه
وسبى العدس لحد ما يستوى واضافه مويه كل ما تتشرب لحد ما يستوى
وبعد ما يستوى صفى العدس فى مصفاه واغسليه بالمويه وسبى العدس على جانب
ودلوقتى هنعمل الصلصه
حطى فى الحله نصف ملعقه كبيره ثوم مفروم ناعم وشويه زيت
لحد ما يبقى لونه دهبى زى كده
وحطى كفشك طماطم مضروبه فى الخلاط ومتصفايا فى المصفاه على الثوم
وحطى التوابل ودى اهم حاجه عشان هى اللى هتخلى الطعم زى بره
ملح وفلفل اسود وكمون بس كتير شويه وبهارات حاره برضو كتير شويه وشطه حسب الرغبه
شويه خل صغيره
وخلى الصلصه لحد ما تغلى على النار وتبقى تقليله شويه مش خفيفه اوى
وكده الصلصه خلصت خلص
هاتى بعد كده 3بصله كبيره وقطعى البصل الى شرائح وحطى شويه زيت مع البصل
وحطى الحله على نار عاليه شويه
وبعدين قلبى البصل لحد ما تكون لونه كده وشلى البصل ماعده شويه صغيره فى الحله خلهم
وبعدين حطى 5كوب ماء على البصل اللى اتحمر لحد ما تغلى المويه
وبعد كده حطى 3ونصف كوب ارز مصرى وبعدين العدس اللى اتسلق على جانب
اوعى تنسى بعد ما المويه تغلى
وبعد كده حطى التوابل برضو الخلطه السحريه
ملح وفلفل اسود وكمون كتير وبهارات كتير
وسبى الحله على نار عاليه مع التقلب المستمر لحد ما المويه تتشرب
وبعد كده غطى الحله وحطىها على نار حفيفه اووووووووووووووى
واذا احتاج مويه تانيه اضافى شويه مويه صغيره
لحد ما يستوى ودى الصوره
وبعد كده اغلى مويه على النار واسلقى كيس مكرونه صغيره مع التقلب على طول
وصفلى المكرونه واغسليها بالمويه وحطى المكرونه تانى فى الحله وحطى شويه
زيت وقلبى المكرونه كويس
وبعد كده هاتى طبق كبير
وحطى شويه عدس مع الارز
وبعدين مكرونه وبعدين شويه صلصه على الوجه وحطى شويه بصل محمر
وده الشكل النهائى للطبق
رد مع اقتباس
باقى طبقى الكشرى الخطير
وبالهنا والعافيه
واحب اشوف رائكم
وادعوا لى يارب اكسب
مواقع النشر