الي عندها غساله صحون اويرلبول تدخل ضروري

[@طيف الطيوف@]

ناويه اشتري غساله صحون اويرلبول الامركيه
كيف جودتها ؟
ونضفتها ؟
وش استخدم لها مسحيق تنظيف والملمع والملح ؟ ومن اين اخذها انا في جده هل القيها في بنده ؟
ارجو المساعده اختكم غشيمه في هل الامور

[لؤلؤة2005]

اهلين اختي طيف
شوفي اختي الويرلبول ممتازة ما شاء الله
وبالنسبة للمسحوق هتلاقيه في بنده هو والملح والملمع
وموجود في كارفور والراية
وشوفي هذا الموضوع بتستفيدي منه ان شاء الله
فيه صور المسحوق والملح والملمع
http://forum.hawahome.com/t94277.html
واي سؤال انا بالخدمة
موفقة ان شاء الله

[@طيف الطيوف@]

تسلمي لؤلؤة2005
طيب عادي احط فيها ترمس الشاي والقهوة الي لونها ذهبي او فضي او برنزي
وكسات الشاي الي فيها ذهبي ما تشيل الالوان؟
وهل عادي احط فيها كلوركس

[ياجنونها]

اهلين دلبو


احنا عندنا الغساله ماركتها ممتازه عندنا اكتر من 9 سنوات ماشاء الله تبارك الله تمام

بالنسبه للمسحق والملح والملمع تلاقيه بإي مكان حتى شوفتها بسوبرماركت نسمه بجده


بالنسبة للترامس لا والمدهب اضن لا وبعض انواع القدور كمان ماتدخل لونها يقلب احنا حطينا كاسات ايكيا قلب لونها يبغالها الملمع وكيف تعرفي ادا الشي يدخل الغساله او لا دايما تيجي على الصحون والكاسات والترامس معلومات ادا الصحن يدخل المايكرويف او غسالة الصحون

وبالنسبة للكلوركس كمان لا

ادا على النضافة مايحتاج غسيلها روعة والله الصحون تطلع تلمع ونضيفة

( يادلبو دا اللي أعرفوا انا ( ولا تضحكي ) ماما نايمه دحين وماشاءالله تعرف اكتر مني كان نفسي اساعدك اكتر حتى اضن الخلطات حقت براون تحطها بالغساله لو تبغى ارسلك الأشياء بالتفصيل لمن تصحى الماما )

وصدقيني ماراح تندمي لمن تشترينها حتتغزلي بيها طول الوقت وخاصتنا لوعندك ضيوف او بشهر رمضان , ولوعندك شغاله ترفع الضغط بالغسيل بس عيبها بتصرف مويه