جهاز الدونات البلاستيكي مين تعرفه

[اوامر]

بسم الله الرحمن الرحيم اخواتي بنات بيت حواء مين تعرف جهاز الدونات بلاستكي تقريبا شريته حاولت اضبط الدونات فيه ماعرفت بصراحة حاولت انزل صورته بس مااعرف انزل الصور بطلعة روح تعلمت اكتب في المنتدى حبيت اللي تعرف طريقة العجينة تذكرها ولها مني جزيل الشكر

[طفلة]

هلا اختي
اذا تقصديين الجهاز الكهربائي حق الدونات


هذي الوصفه منقووله
وصفة الدونت بالمكينة

المقادير :

كوبين طحين
بيضتين
كوب سكر
شوية فانيليا
ملعقة اكل بكين بودر
نصف كوب زيت
نصف كوب حليب طازج
ربع كوب حليب ابوقوس
زعفران و هيل مطحون شوي
ربع كوب ماء الورد


قبل البدئ يتم تسخين الجهاز 7 دقايق كامله

اخلطي جميع المقادير ( يرجى الالتزام التام به و اي تغيير او استبدال في المقادير يخررررب الوصفه بالكامل

رجاااااااااء لا تستبدلون الماي ورد بالماي العادي اببببببببببدا
والانتباه الى انه يكون الجهاز ساخن جدا وقت الاستخدام و تترسون القوالب بالكامل بالخلطة )
بعد ماسخن الجهاز
افتحيه و صبي مقدار ملعقة اكل كامل في كل خانه

الجهاز مايحتاي تزيتينه ومايلصق ابدا

سكري الغطاء مال الجهاز و بعد 3 دقايق افتحيه و بيكون جاهز

شيلي الدونات بهدوء ,, لا تشلينه بالملاعق او الادوات الحاده عن تتقشر الطبقة السوداء و يخترب
اغرزي اعواد الاسنان في الدونات و شيليها برفق

احيانا يظهر زوايد في اطراف الدونات
استخدموا مقص نظيف و يديد و قصوا الزوائد

او تقدرييين تسوويين اي خلييط كيك بس لازم يكون شويه ثقييل
انا اسوي طريقة منال العالم لكيكة جوز الهند بماكينة الدونات
اتمنى قدرت اساعدك
مع محبتي
طفلة

[اوامر]

مشكورة اختي الغالية لكن موهذا الجهاز اللي قصد هوجهاز من البلاستيك على ماعتقد على شكل كوب تنحط فيه العجين وفيه ضاغط وفتحة من اسفل على شكل الدونات تقلى في زيت جربت عجينة الكيك تشربت با لزيت بشكل كبير وعلى العموم مشكورة اختي الغالية طفلة

[اوامر]

معقولة مااحد قدشافه اويعرفه تقريبا سعره مايتجاوز 15ريال وفي من نفس النوعيه جهاز للقيمات بس الفتحة اللي بالاسفل تختلف اللي تنزل منها العجينة وعلى العموم مشكورة اختي طفلة مرة اخرى جربت عجينتك وشربت زيت وماخرجت بشكل سليم ممكن شربت الزيت لوجود البيض والزيت يعني اقدر اجرب بدون بيض وزيت