هنا مجلس الحريم السنعات القرمات .. >> معا يدا بيد ..

[الناره2010]

انا ابغي دعواتكم اني اكون منظمه وانام بدري لان جدولى ونظامى مخربط ورايح فيها ضيوف وزوار وطلعات انام ساعتين بعض الاحيان في الليل من هدة الحيل واجلس الى الساعه 9صباح واحيان انام بعد الفجر واحيان الساعه7او8او9الصباح ادعولي المهم الي راح فيها عيالى تحياتي للجميع

[سارونه81]

السلام عليكم ورحمة الله وبركاته .... في البدايه الشكر موصول لصاحبة الموضوع وحبيت أشارككم يومياتي في بيتي... يومي يبدأ بين الساعه 8:30 إلى 9:30 صباحا زوجي ما يحب يفطر اوقات الدوام ويططلع من البيت بدري شوي فما أجهز الفطور بدري بس طبعن ملابسه جاهزة من قبل أصحى مع العيال الله يحفظهم وأول شي أبدلهم وطوالي عاالمطبخ أجهز الشاي وأرجع أرتب غرف النوم وألم الملابس للغسيل أرجع وشوية تمارين رياضيه بس ما أطول هاه يعني ربع ساعه تقريبا أجهز السندويتشات ونفطر أغسل الصحون ونتحمم وشوي بين التلفزيون والكمبيوتر إلى الساعه 1 تقريبا بعدين أصلي الظهر وأبدأ أنظف إما الحمامات الله يكرمكم أو أكوي أو تنظيف غرف النوم ما ندخلهن إلا وقت النوم كل يومنا في الصاله ونظام شقتي مفتوح مع المطبخ يعني موزعه نفسي أنظفهن 3 مرات بالأسبوع أما الصاله يوميا والمطبخ طبعن والحمامات الله يكرمكم مرتين بالأسبوع مع ينظيف بسيط وسريع الأيام الثانيه (طولت عليكم سامحوني ) الساعه 3:30 تقريبا أجهز الغدا وأسوي شي حلو وأجهز نفسي لعودة زوجي الله يحفظه يرجع من الدوام الساعه 6 تقريبا وأحاول قد ما أقدر أفضي نفسي بعد ما نتغدى بعدين شوية فواكه بعد المغرب أو كوب شاي مع شي حلو وبس بعدين أغير للعيال وانومهم بعد صلاة العشا يعني عالساعه عشرة ونص الكل نايم والحمد لله ها شو رايكم سنعه؟

[ليوني عيوني]

ماشاء الله سارونة انتي مثلي تناموا بدري.....

تصدقي كل عيلتنا ينتقدونا على نظامنا يقولوا الناس

اجازة وطلعات وانتوا زي الدجاج تناموا بدري......ههههه

بس ما يدروا انه سبحان الله تحصل بركة عجيبة في الوقت

بسبب هذا النظام...وعلى فكرة هذا نظامنا حتى برمضان ننام بعد التراويح

...

[بحر مكنون]

سارونه حلوووو مررررررره نظامك ..

مشكووووووووره لمروورك