كيف تصبح البنت دلوعه خلال 7 أيام
عليتس باتباع الخطوات التااليه بحذافيرهاا>>> متعوووب على حذافيرها حست انها مدرسه تشرح الدرس
1- لا تلمين شعرتس ابداااا بل دعيه يتناثر (ابوتس ياللغه وحركيه يمين ويسار بدلال)) .
2- اذا كنتي وسط مجموعه بنات او عزيمه تكلمي بصوت منخفض جداً يعني أخفضيه لاقصى حد وتكلمي ببطء شديد ورقه ونعومه ومططي الكلام كثر ماتقدرين 00((مو تجلسين تصارخين وأنتي تسولفين)) .
3- اجلسي على طرف الكرسي وحطي رجل على رجل 00
(( ياااااروحي على الدلع )) .
4- اذا احد قال كلمه شعبيه عندتس حتى لوتعرفينها ابتسمي وقولي ايش؟ مافهمت (( علشاان تسوين نفستس كشخه ومااايحتاااج )) .
5- اذا احد قال شي يضحك اضحكي بنعومه هالشكل هههههههه
مو وأنتي تضحكين كذا هههههههااههاااهااااي ((لأنه مو جالسين بقهوه00)) .
6- سلبي عيونتس وحركي رموشتس كثير وحااولي كثير تطالعين السقف00 (( ياعيني على الحركاات )) .
7- لاتفتحين فمتس كأنتس عند طبيب أسنان وانتي تاكلين وخاصه العلك والاحسن انتس ماتاكلين علك00
((ههههههه اما هذي مستحيل بنت ماتعلك علك )) .
8- اذا جات حاجه تطير حشررره مثلاً او تزحف بعد حشره
بس متعرضه لمحاوله اغتيال 00 (( اصررررخي واركضي ولا يردتس الا فراش المدرسه )) .
9- في المدرسه لاتقعدين تراكضين بين الأسياب وتلاحقين البناات تسحبين شعر هذي وتدغدغين هذي امشي بهدوء وعند المقصف لاتزاحمين اذا زحمه اوقفي بعيد لحد مااتخف الزحمه بعدها اشتري واكيد ماراح تلاقين سندويتشات بتخلص .<<< اتحدى اطبقها
10- من نااحيه اللبس البسي كلشي عليه صور دببه وقطط وارانب واشكال والوان00 واهم شي روحي محل اكسسوارات واشتري كل الكلبسات والشباصات الصغيرة وصفيهاا على شعرتس يومياً00000 ((حشااً مو شعر دفتر رسم صاار))
11- لازم على طول تشترين دباديب وعطورات وقلوب وصور اطفال وحركااات وكثري من الأشياء الغريبه000
12- طبعاً لازم تقولين انتس ماتطبخين ولاترتبين حتى غرفه نومتس ((ايه مسويه بنوته ودلووعه وماتسووي شي ابد كل اللي تسويينه ميري تعاالي ميري شووفي)) طبقوها وشوفوا النتايج0
تحياتي ميشوو <<< تبي تخرب البنات قبل المدرسه
مواقع النشر