اعملي المارشميلو (خدود البنات)في البيت
بسم الله الرحمن الرحيم
السلام عليكم ورحمة الله وبركاته اخواتي في الله كنت اليوم اتصفح النت و اعجبتني طريقة عمل المارشميلو و جدا سهلة,حاولت ان اضيف اليوتيوب و لكنه لم يعمل لكنني ساضع عنوان اليوتيوب لمن تريد ان تراه بالخطوات و ساشرح الخطوات بالكتابة الان.
المقادير:
1-ثلاثة اظرف من الجلاتين الحلال اللي ما له طعمه و لا لون لان هناك جيلاتين محلى و ملون+نص كاس ماء.
2-ثلثين كاس من شراب الذرة المحلى المركز متوفر بالاسواق.
3-2كاس سكر.
4-ربع كاس ماء.
5-الوان طعام.
6-1ملعقة صغيرة فانيلا.
7-كاس سكر بودرة مخلوط معه كاس نشا للرش بالاخر.
8-رشة ملح.
الطريقة:
1-نذوب 3 ظروف جيلاتين (او 3 ملاعق اكل ) في نص كاس ماء بارد و نخليه يرتاح 10 دقائق.
2-في طنجرة نضع ربع كاس ماء+2 كاس سكر+ثلثين كاس شراب الذرة على النار لحد ما تطلع فقاقيع مثل البركان و نخليها تغلي بس توصل لهذه المرحلة كمان دقيقة.
3-نصب الخليط المغلى بحذر شديد جدا لانها بتغلي ناااااااار و الافضل ان الاطفال في هذه الوصفه يكونوا بره المطبخ-نصبه على الجلاتين المرتاح و بالخفاقة الكهربائية نخقها 12 دقيقة لحد ما يصير الخليط تخين و نرش رشة خفيفه ملح .
4-نضع الفانيلا او اي نكهة بتحبيها و نخفق كمان 2دقيقة علشان يتخن.
5-هله عندك خيارين اما في صينية سلكون بس ترشيها زيت علشان ما تلصق او اذا ما عندك جيبي اي صينية و ضعي فيها ورق الشمع و ادهنيها زيت لان المارشميلو بكون كثير بلصق.
6-نصب نص الكمية و نرش كم نقطة من الوان الطعام اللون اللي بتحبيه و نحركه دوائر علشان يصير مموج او اصبغيه كاملا و نزلي باقي الكمية و حطي الوان و موجيه.
7- خليه يرتاح كم ساعة علشان الوجه ينشف.
8-اخلطي سكر بودرة مع النشا و غمسي المقص فيه بكل مرة تقطعي فيها و غمسي قطع المارشميلو فيها علشان الجوانب بتكون دبقة.
اقل ما فيها اذا ما بدك تعمليها يكون الواحد يعرف مكونات اللي بياكلها هو و اولاده[youtube]http://www.youtube.com/watch?How To Make Homemade Marshmallowsv=XXXXXXXXXXX[/youtube]
هذا عنوان اليوتيوب لمن تريد ان تراه بالخطوات لانه لا اعرف ليش ما يشتغل.
(how to make homemade marshmallows) ان شاء الله تعجبكم.
رد مع اقتباس
مواقع النشر