اعــــــذرونا آحنا بنات السعودية اوغير السعودية ,,اشوف المشاحنات كثرت والردود والكل يدافع ويكتب واحيانا في الأخير توصل لسب وشتم وآحنا مسلمين رسولنا الكريم ماعلمنا السب والشتم والشحناء ,,
انا مااخفيكم كنت ارد بكل غضب بس الحمدلله ماعمري سبيت احد ,,والسبب في ردود البنات وعدم اتفاق البنات على الأحداث اللي تصير في بلادكم ,,
اولا ,,الأعلام في اللي مؤيد وعنده ادلة وفي االلي معارض وفي ادلة
ثانيا ,,تقريبا هنا في المنتدى اكثر بنات اليمن ضد رئيسهم وعندهم ادلة تخلينا نكرهه بس نلاقي في المنتديات الثانية تجمعات لليمنيات واقفين مع رئيسهم
كمان هنا السوريات واقفين مع رئيسهم وفي منتديات ثانية واقفين ضده واكثرهم عايشين بسوريا ويتكلمون عن مصايب تصير لهم مع ان هنا سوريات عايشين بسوريا ويقولوا مافي شي ..
طيب مع هذا مو يخلي العقل يروح فيها ههههههه من جد يعني خلاص مانقدر نقول وين الحق ووين الباطل !!!
ولاتقولوا لانتدخل في شؤنكم أجل وين غيرة المسلم على المسلم ؟
لوكان الأمر عن تعليم عن المرأة عن اي شي داخلي ويخص فئة محددة وقتها صدق مافي احد له حق انه يتدخل ..
بس هذا فيها دم ودم المسلم له قيمه عند كل المسلمين ,,اليهود والنصارى فرحانين بهذا اللي يحصل في بلاد المسلمين ..
المهم انا قصدي من الموضوع تعذروني وتعذروا بقية البنات وخلوا قلوبنا تتصافى ,,ووحدوا الدعاء (اللهم ارنا الحق حقا وارنا الباطل باطل ) والله يعجل بنصرة الحق ..
وعلشان قلوبنا تتصافى وش رايكم نبطل من تنزيل مواضيع فيها سياسة واللي في قلبها شي تكتمه في قلبها وتدعي الله هو وحده قادر على كل شي ..
ارجوكم اللي بتدخل تناقش وتقول الحق معي ومع هذيك بلاش انا ماراح ارد على احد ياليت بس اللي تدخل تصفي قلبها وتطلب السماح مااحد يدري متى يومه ؟
واكيد قلوبكم كلكم كبيرة ومافيها اي شي ..اسعدكم الله جميعا في الدارين ..
مواقع النشر