الموت قريــــــــــب اكتر مما نتصور.......
السلام عليكم ورحمة الله وبركاته
اسمحولي راح اتكلم بالعامية
عايزة اكلمكم النهاردة عن حاجة كلنا غافلين عنها _هي الموت
كلنا عايشين ولاهيانا الدنيا وعندنا تقصير كبير في اعمالنا اللي هتزيد ميزان حسناتنا
انا عارفة ان كلنا عارفين الموت قريب بس الشيطان بيلهينا ويزين لنا الدنيا الفانية
يا من بدنياه اشتغل وغره طول الأمل
الموت يأتي بغتة والقبر صندوق العمل
اللي خلاني اقول كده حاجة حصلت النهاردة صدمتني وفي نفس الوقت فوقتني
سواق الباص اللي وصل ابني المدرسة الصبح كان قبل الظهر ميت
لا اله الا الله ربنا يرحمه ويغفرله ويرزق اهله الصبر والسلوان
قعدت مع نفسي وانا في حالة بكاء
اكتشفت ان انا مقصرة كتير مع ربنا ولازم حالي مع الله يكون افضل حال
وان احنا لازم نكون مستعدين للموت في اي لحظة بالعمل الصالح
وقبل مانعمل اي شئ لازم الاول نشوف ده يرضي ربنا ولا لأ
معليش كلامي مش مرتب من اللي انا فيه
دي بعض الكلمات لعلها تنفعنا,,,,,,,
قال عون بن عبدالله رحمه الله: ( كم من مستقبل يوماً لا يستكمله ! ومنتظر غداً لا يبلغه، لو تنظرون إلى الأجل ومسيره، لأبغضتم الأمل وغروره ).
قال بعض الحكماء: ( احذر طول الأمل فإنه سبب هلاك الأمم! ).
قال الفضيل بن عياض رحمه الله: ( إن من الشقاء طول الأمل ! وإن من النعيم قصر الأمل ).
وقال محمد بن واسع رحمه الله: ( أربعة من الشقاء: طول الأمل، وقسوة القلب، وجمود العين، والبخل ).
ويقول ابن قيم الجوزية: "يجب على من لا يدري متى يبغته الموت أن يكون مستعداً، ولا يغتر بالشباب، فإن أقل من يموت الأشياخ وأكثر من يموت الشباب"
إنها رحلة من الدار الفانية إلى الدار الباقية رحلة لا رجعة فيها فقد تبدأ الرحلة هذه الليلة وقد تكون غدا أو بعد غد فسبحان من يعلم وحده متى تبدأ وبأي أرض تكون
قال تعالى
(وَمَا تَدْرِي نَفْسٌ مَّاذَا تَكْسِبُ غَداً وَمَا تَدْرِي نَفْسٌ بِأَيِّ أَرْضٍ تَمُوتُ إِنَّ اللَّهَ عَلِيمٌ خَبِيرٌ )
اللهم اني اسألك ان تختم لنا بـ لا اله الا الله وان محمد رسول الله
يارب ارحمنا برحمتك واعف عنا واغفر لنا يارب العالمين
رد مع اقتباس
مواقع النشر