* 2 ملعقة أكل BB ( بيكنج بودر )
* ملعقة أكل فانيلا
* 3 ملاعق أكل كاكاو بودرهـ
* تمر مهروس
* لوز أو فستق مجروش << حسب الرغبه
* دقيق بودرة كميه غير محددهـ
* 2 ملعقة أكل سمن << أن توفر وجودهـ مش ضروري
* 2 ملعقة أكل نشاء ذرة << نسيت أصورهـ بالمقادير ورجعت أصورهـ لعيونكم ^ــ^
الطريقــــــــــــــــه //
نأخذ كمية من التمر ونحط عليه الكاكاو واللوز المجروش
ونعجنه بقليل زيت حتى ما يلصق بيدنا
وهذا شكله بعد العجن
نحضر زبديه ونحط فيها البيض ونخفقه تمام
بعد مانخفقه عدل نحط عليه السكر المطحون ونقلبهم مع بعض
ثم نضيف الزيت ونقلبهم تمام
ثم نضيف البيكنج بودر والفانيلا ونخلطهم ثم الحليب ونخلط ثم النشاء ونخلط
بعد ما نقلبهم تمام نبدأ نضيف الدقيق بالتدريج كل مرة 3 ملاعق ونخلط بالملعقه
لين تبدأ تقسى معنا العجينه شوي ومانقدر نخلطها بالملعقه ؛ نشيل الملعقه ونبدأ نستخدم أطراف الأصابع في العجن
ونستمر بإضافة الدقيق حتى تتكون عندنا عجينة متماسكه ولينه في نفس الوقت وما تلصق باليد
نجيب صينيه وندهنها بزيت نكثر شوي الزيت ونأخذ نصف العجينه
ونفردها باليد راح يبدأ الزيت اللي بأسفل الصينيه يظهر ع سطح العجينه وهذا اللي نبيه
نحاول نمرر الزيت ع كامل العجينة عشان يسهل علينا وضع التمر
الحين نضع التمر وفي طريقتين لوضعه
إما أن نأخذ ع جزء جزء لين نغطي الصينيه بالكامل
وأما أن نحطه بين قطعتين نايلون؛
وإذا مافي حطي سفرة << الحاجه أم الإختراع ^ــ^
وإفرديه بالنشابه وحطيه ع طبقة العجينه الأولى
نأخذ الباقي من العجينه ونعمله بنفس طريقة التمر
إما الترقيع مثل ما اسميه ^ــ^ أو استخدام النايلون
نكون مسخنين الفرن ونحطه ع درجة حرارة متوسطه أول من تحت ثم من فوق << وما تأخذ وقت كثيير
وهذا شكلها النهااائي
زوووووووووووووم
وهنا شكلها بعد التقطيع وتكون هشه جداً ولذيييييذهـ
ملاحظه /
* ممكن رش الوجه بقليل من الحبه السوداء أو السمسم << اختياري
* ممكن عمل كميه منها وحفظها بعلبه بلاستيك
تقبلوا خالص تحياتي
ولكم مني ألف صحـــــــــــه وهنـــــــــــــاء
ودمتم بحفظ الكريم
التمـــريـه ( دنيا المقرمشات )
رد مع اقتباس
المشاركة الأصلية كتبت بواسطة yamy
مواقع النشر