كيفكم خواتي شو اخباركم
اشتقتلكم كثير كثير وانتوا
اليوم عملنا منزلة باذنجان وساعدني ابو العيال فيها طعمها كثير روووعة جربوها وادعولي
المقادير
باذنجان حوالي 4حبات متوسطة
لحمة راس عصفور يعني قطع صغيرة بدون عظم من لحمة الاضحية
رز حوالي 3اكواب
شعيرية حسب الرغبة
حمص حب مسلوق
ملح وفلفل
بهارات مشكلة
ومطيبات لسلق اللحمة مع 2مكعب مرق الدجاج
نبدأ بالطريقة ونقول بسم الله
نقطع الباذنجان قطع كبيرة شوي ولك حرية الاختيار بترك القشرة او لا انا هون خليتها لانه الباذنجان طازة وابو العيال بحبها بالقشرة لانه الها فوائد
ثم نقوم برش قليل من الملح ونقوم بقليها ثم وضعها بالمصفاة
نقوم بوضع زيت قلي او من نفس الزيت اللي قليتي فيه الباذنجان في طنجرة ونقوم بقلي اللحمة
بس تنشف ماء اللحمة نضع المطيبات وهي عبارة عن ورق غار عيدان قرفة كركم وكمون وبهارات مشكلة وفلفل اسود ومكعبين من مرق الدجاج وفلفل حار شوية صغيرة وتقلب
ثم نضع ماء مغلي حتى يتغطى اللحم ويترك حتى الاستواء
نضع بالخلاط بندورة انا هاي عندي مفرزة ورب البندورة وثوم وقليل من الماء
ويخلط ويوضع فوق اللحمة
عند غلي البندورة نضع قطع الباذنجان وحب الحمص ويوضع الملح حسب الرغبة بس لاتنسوا انه حطينا مكعبات مرق الدجاج
ويترك يغلي حتى يتسبك الطماطم وحبة الباذنجان بتحسيها نفشت يعني كبرت وثقلت
وتقدم
وتقدم مع ارز والشعيرية الارز ابو العيال اللي عمله
ماحطيت طريقة الرز لاني قدمته بوصفات قبل هل المرة
ارجوا ان تنال اعجابكم خواتي
لاتنسوني من دعواتكم الجميلة حبيباتي
مواقع النشر