البارت التآسع "9"
&&&&&&&&&&&&&&&&&&&&&&&&&&&&&&&&
منتهى : ايه طيب بجيك مع السواق اخوي بالشركه مع اخوك :Pp
وسكرو السمآعه ......
راحت منتهى غرفتها تاخذ عبايتها وتقوم رغد : رغد..
رغد :............
منتهى : رغد رغد قومي يلا نروح نفطر ........
رغد:...............
منتهى بصراخ : رغــــــــــــــــــــــــــــــــــــــــد !!
رغد قامت مفجوعه : هاااااااااااه وجع ان شالله ترى مابعت أذني
منتهى : احسن اصلا كنت بقولك تعالي معي نفطر في بيت عمي ناصر و هذا جزاي بعد , ولا اصلا انتي ماتستاهلين
كملي كملي نوم ي السودانيه ..
رغد : بس بتروحين تفطرين , يعني ماراح تروحين سوق ولا شيء
منتهى : الله يفشلك , في سوق الصبح ؟ خليني اروح اجهز احسن من مقابل وجهك
رغد : روحي روحي سلميلي على اسيل واختها
منتهى : طيب , وراحت
&&&&&&&&&&&&&&&&&&&&&&
العيال بالشركه ....
فارس : وش فيك ساكت مو من عاادتك
محمد : كنهم يحترون دورهم عند الحلآق
فيصل : انا منب ساكت بس انتم الي تحبون البربره الزايده .. ماقول الا الله يعين زوجاتكم عليكم
مشاري : مساكين كلو تهزيئه محترمه
محمد : ماكنا تهزئنا
فارس : ملاحظ
محمد : الشرهه مو عليكم .. الشرهه عاللي يعطيكم وجه والي يقعد يسولف معكم
فارس : انتم مو كفو لا حشيمه ولا كرامه واصلا القعده معكم تنمل وتطفش الواحد منكم
فيصل ومشاري ميتين ضحك : اقعدو اقعدو نستهبل نمزح معكم ..
&&&&&&&&&&&&&&&&&&&&&&&&&&&&
وصلت منتهى لبيت عمها ناصر ....
سلمت على ام محمد وعلى رسيل ودخلت
قابلتهم اسيل : وانا اقول ورى البيت منور
منتهى : مشكوره حبيبتي يجي منك اكثر
اسيل : ليه وش سويت هذا جزاي اجاملك
رسيل : ياغبيه هذي يقولونها لما احد يسبك ولا شيء
منتهى : اهاااا شكرا عالمعلومه والله اسفه اسفه ماكنت ادري
اسيل : والله اشتقنالك واشتقنا لغبائك
منتهى عصبت : انتم وش فيكم علي , القاها منكم ولا من صديقاتي الي بالمدرسه .. الحين انا قبل ماسافر وش سويتلكم كني ذابحه اهلكم علشان تسبوني .. هذا جزاي الي جايه بيتكم , هذا اولها وتاليها اكيد بتطردوني
اسيل تضحك : ههههه لالا والله امزح معك كلتيني بقشوري
رسيل : خير منتهى وين اختك رغد ليش ماجت
منتهى : السودانيه نايمه ماشتاقتلكم عيب عليكم وحده ماتبيكم ماعندكم كرامه انتم
رسيل واسيل : خلونا نطلع نفطر برا نروح لكوفي ونشتري لنا ملابس من سلام مول
منتهى : كان رغد تفجر فينا لاني قلتلها مراح نروح نشتري شي .. بس يالله تستاهل محد قالها ماتجي
جهزو اسيل ورسيل وراحو مع السواق حق عمهم خالد وراحو افطرو وراحو سلام مول ...
أسيل : اقول شوفي هذا يهبل يخقق يطيح العقل
منتهى : الله يفشلك اسمها يطير العقل مو يطيح العقل صدق غبيه
الولد ماصدق خبر وغمز لرسيل
رسيل : ووووع مع شينه قوات عينه ويغمز بعد من زينه
اسيل انقهرت لانه غمز لرسيل ومانتبه لأسيل الي خاقه عليه : اصلا عادي هذاك احلى منه
منتهى : يالوصخات جايين المول عشان تشترون ولا عشان تتميلحون عند خلق الله , وبعدين مامعنا محرم عشان
تسوون هالحركات .. صدق ماتنعطون وجه .. انا بروح اشتري من هذاك المحل الي بتجي حياها الله مب جايه بالطقاق يطق براسها ..
ودخلت منتهى محل أكسسوارات ... شرت منه سلسال عليه حرف M ..'
جت رسيل واسيل عند منتهى
اسيل : بنات وش رايكم نطلع عبير من المدرسه الدافوره رايحه ويدها مكسوره .. ماكنها مكسوره
منتهى : اي والله حشى قطوه ام سبعه ارواح
رسيل : اصلا تلقونها تتدلع .. بس عادي خلونا نروح ننحشها
وطلعو من المول وراحو لمدرسة بس ماعرفو وشي لانهم مايدرون وش اسمها
حافظين الطريق وبس
راحو مشو مشو مشو وسمعو خطوات وراهم
منتهى : بنات ماتحسون بخطوات ورانا
رسيل : الا والله .. يمكن شيء او يتهيئ لنا
اسيل : بنات مادري قسم بالله احس بخطوات وراي
منتهى : ماراح التفت اخاف جني
الثلاثه لفو على ورى بشويش وشافو 3 شباب يلاحقونهم
الأول : ياويلي ويلاه بالله سعد شوف العيون تذبح " يقصد أسيل "
الثاني : لالالالا هذي احلى تطيح الطير من السما " يقصد منتهى "
الثالث : اه ياقلبي خلاص ماتحمل شوف هذيي تخبل تجلط " يقصد رسيل "
البنات اخترعو ماعرفو وش يسوون فاقررو ينحاشون ودخلو اقرب مدرسه عشان يفتكون من الي هم فيه
بس البلوى الي اكبر منها هذي مو اي مدرسه ... مدرسة عيال
منتهى : بسم الله الرحمن الرحيم .. احنا وين دخلنا مدرسة عياااال !!
تجمعو العيال عليهم
رسيل بلعت ريقها : يمه الحين وش بنسوي
اسيل : بنات بأبكي بعد شوي خايفه خايفه والله
رسيل : كله منك يامنتهى كله من مغامراتك الي مدري وش تبي
منتهى : مو وقته هالكلام والله وش نسوي الحين
العيال ينطلون عليهم مغازل وسب وكل شيء
رسيل : لقيت فكره نروح ندفهم واحد واحد ونروح نطب من فوق الجدار
منتهى : والله انك عايشه بخيال .. أقول دبرينا وش نسوي الحين بموت لو صارشيء
اسيل : موتي انتي الي جبتيلنا هالمصيبه
منتهى : اقول عاد لاتحطونها فيني .. انتم الي دخلتو وانا دخلت معكم وش اسوي يعني
منتهى بصوت عالي : قسم بالله إذا ما بعدتو عنا وانقلع كل واحد مكانه لآنادي الشرطه عليكم
واحد من العيال : اه على صوتك اناديلك الشرطه يمسكوني لعيوونك
منتهى : ضف وججججههك
اسيل : بالله هذا كلام تقولينه يعني اكيد ماراح يخاافون
رسيل : والحل ؟؟؟؟؟؟؟؟؟
&&&&&&&&&&&&&&&&&&&&&&&&&&&&&&&
يالله وصلو الساعه 4 العصر وماحد يعرف اي شي عن الي صارلهم وطلعو بصعوبه
......
رغد : منتهى وووجع وش مأخرك للساعه 4 العصر
منتهى : اسكتي تكفين بموت من الهلاك
رغد : ليه وش صاير .. ليكون رايحه سوق وتقضيتي اشوف معاك كيسه
منتهى : بليز رغد اجلي الموضوع تعباانه وراسي مصدع وكل شيء
رغد خافت على اختها : طيب بس لما تصحين تقولين لي وش صار مع اسيل ورسيل
&&&&&&&&&&&&&&&&&&&&&&&&&&&&&&&&&&&&&&&
في بيت ابو محمد .......
محمد : البنات نايمين للحين ماصحو وش عندهم
ام محمد : خلهم براحتهم وش فيك عليهم تراهم ماسوولك شيء
محمد : البنات مافيهم امان ولا يُعتمد عليهم "وتذكّر السالفه الي صارت من 3 سنين :
كان محمد مسافر هو ويا فارس للندن عشان يكمل دراسته ... وكان محمد يحب بنت بريطانيه مسلمه بس تتحجب كان يحبها بالمررره ومتعلق فيها وكان يضحي بكل شيء عشانها وكان فارس يدري عنه
وكان حبهم صادق حييل وعلى اساس انه بيتزوجها على مايخلص دراسته ويرجعون السعوديه لما مره شافها مع واحد تخونه معه ومرره انصدم واخذ عن البنات انهم مايتأمنون على شيء لدرجة انه قلب على خواته بشكل مو طبيعي
حتى حبيبته البريطانيه رجعت السعوديه واخذت الجنسيه السعوديه وصارت تدرّس هناك بس مايدري اي مدرسه "
ام محمد : محمد محمد
محمد : هاا يمه سمي
ام محمد : وينك الله يهديك لي ساعه احاكيك
محمد : ساعه .. لالا معاك معاك !
ام محمد : كنت اقولك روح صحي خواتك لان الحين المغرب تأخرو فالنوم
محمد : ان شالله
وراح يصحيهم .. : اسيل , رسيل يلا قومو ,
البنات :.....................
وصارخ : رسيـــــــــــــــــــــل , أسيــــــــــــــــــــــــــل خلصوني
وصحو مخترعين .. وقامو وغسلو وجيههم
وقعدو يسولفون عن هذاك الولد الي طلعهم من المدرسه وكان طيوب وحبوب
اسيل : تصدقين خقيت عليه مرا يجنن .. معاي رقمه بس ماراح اتصل عليه
رسيل : قصري صوتك .. لو درى محمد خلى جثتك هنا وراسك بالأرض
اسيل : هو خلقه عصبي تبينه يدري وش يسوي فيني ولا بعد شكاك .. ماقول الا الله يعين زوجته عليه
رسيل : الا ماعرفتي اسمه ؟
اسيل : لا .. اخاف اسأله يقول وشذي ماتستحي ويفهم غلط
رسيل : طيب توقعين منتهى توهقت ولا بتقول لرغد ؟؟
اسيل : لالالا اصلا رغد كتومه وتحفظ اسرار الناس كيف حنا وبنات عمها لالا ماتوقع
قطع عليهم رنة جوال اسيل
المتصل > نجوود
نجود : الوو هلا والله
اسيل : اهلين
نجود : ماسمعتو بخبر الأجازه الاسبوع الي بيجي
اسيل : احلفي !! كذابه
نجود : والله ...
اسيل : صدق .. اجل انا ورسيل بنخطط وين نطلع
نجود : انا ونوف خططنا وخلصنا قلنا بنسافر دبي وبناخذ شاليه نقعد فيه الأسبوع كله .. وقلنا للأهل .. وقلنا لأبوك وانتم للحين مادريتو
اسيل عصبت : اسكتي بس وكل هذا وحنا اخر من يعلم , تشوفين
نجود : وش دراني احسب علموكم
اسيل : المهم متى بتحجزون
نجود : حجزنا وخلصنا .. بنروح نسافر دبي وبناخذ شاليه يوم الجمعه يعني عندكم يوم تاخذون ملابسكم لانه راح يكون فخم
اسيل : ماشاء الله ووانتي وشدراك انه فخم
نجود باستهبال : مسكينه .. اصلا انا ونوف بنفسنا شفناه باللاب .. حررره محد قالكم غيبو هذا عقاب للكسلانين
اسيل وصلت معاها : يلا مع السلامه بس
نجود : هههههههه باي
وسكرت ...
اسيل : شفتي الخاينين .. احنا اخر من يعلم في اجازه اسبوع وبنسافر دبي ولا بعد حجزو شاليه
رسيل تضحك : هههههههههههههههههه لو سمحتي كل واحد يتكلم عن نفسه .. اصلا تلعب عليك انا الي مخططه
كانت تتضحك علييك ههههههههههههههههههههههههههههههههههه
اسيل اخذت مخده ورمتها على رسيل : اه يالخاينين
رسيل : ههههههه
&&&&&&&&&&&&&&&&&&&&&&&
ومر اليوم بروتينه الدائم وجا يوم الخميس باللليل الساعه 11
فيصل : جهزي ملابسي
نجود : مانب فاضيتلك .. يالله نفسي
فيصل : انتي وش فاضيتله كل ماقولك شي مانب فاضيتلك .. الله يعين زوجك عليك لانه بينقرف من العيشه معك
نجود : ايه هين يحصله وحده مثلي الا انت الي زوجتك مدري وش تبي فيك بتهج من تشوف وجهك بس
فيصل تخيل انه مع رسيل وبصوت واطي : الله يجيب هالزوجه بخير
نجود سمعته : ومنهي ؟ بسرعه اعترف اعترف
فيصل ارتبك : وش فيك انت كذا حاشره عمرك خلاص كملي شغلك انا رايح "وقام يجهز اغراضه للسفر"
&&&&&&&&&&&&&&&&&&&&&&&&&
في بيت ابو مشاري "
نوف : يمه وين علبة الميك اب الي شريتها من يومين ماشفتيها
ام مشاري : لا ماشفتها اسألي الخدامه
نوف : طيب طيب وراحت سألتها ولقتها
رجعت مره ثانيه : يمه يمه ماشفتي لبسي الي شريته من الدمام
ام مشاري : بغرفتك انا شايفته الله لا يعمينا
رجعت مره ثانيه : يمه يمه مآ شــــــــــــــــــ ......
صرخت عليها امها : خلاص خلاص روحي انقلعي غرفتك دوري كل شيء تبينه انا مادري عن شي تراك ازعجتيني كل شوي جايتني وسائلتني انا وشدراني عن اغراضك خلاص روحي افف
نوف ساكته
مشاري كاتم الضحكه : احسن تستاهلين
وراحت غرفتها ودورت اغراضها زين ولقت كل شي تبيه بس هالعاده فيها ماتتعدل الا لما احد يصارخ عليها
&&&&&&&&&&&&&&&&&&&&
في بيت ابو وليد ...
عبير : جهزت اغراضي مبكر
وليد : امداك تجهزينها
عبير : قل مشالله
وليد : دامك جهزتيها قومي جهزي شنطتي
عبير : تمووون عمي قوم جهزها انت فاضيتلك والله
وليد : استهبل عليك اصلا مجهزها من زمان بس بشوف ردة فعلك اثرك طالعه على بنت عمك رغد وانا اقول على مين طالعه اثرك عليها
عبير : لقطنا بسكوتك
وليد يستهبل : بسكوتك ولا كاكاوك ههههههه
عبير : ه ه ه ه سامج
وليد بعباطه : سامج ولا زاحف هههههه
عبير : سخيييييييف خلاص اسكت
وليد : سخيف ولا ظريف ههههههه
عبير وصلت معاها : خلااااااااااااص ي ثقيل الدم انت خلاص اسسسسسسسسسسسسسكت راسي عورني منك
وليد : عصبت
عبير : وانت تخلي الواحد يستانسس , وين ريان بس هو الي يسمع كلامي
جا ريان : الذيب على طاريه
وليد : قصدك الفار على طاريه
ريان : لاتغلط انت ووجهك
ام وليد بصرااخ : خلاااااااااااص اسكتو احتريكم تخلصون ماخلصتو بس خلاص اسكتو ازعجتو ام ام امي
عبير : يمه بس وش دخل ام امك بالموضوع
وليد : ياغبيه قصدها ازعجتي خلايا المخ الي في راسها
&&&&&&&&&&&&&&&&&&&&&
يوم الجمعة صلو الجمعه وعلى طول توجهو للمطار وخلصو اجرائاته وركبو الطياره
~~
انتهى البارت يارب عوضتكم عن التأخير ..
أنتظر توقعاتكم 3>
أرجوك داويني : }
رد مع اقتباس
مواقع النشر