قابلتها بالصدفه مشاركتي(1) في مسابقة حكايتي مع متغيرات الحياة



صفحة 1 من 7 1234 ... الأخيرةالأخيرة
النتائج 1 إلى 4 من 28
Like Tree48Likes

الموضوع: قابلتها بالصدفه مشاركتي(1) في مسابقة حكايتي مع متغيرات الحياة

  1. #1
    محررة بيت حواء الصورة الرمزية ام حبيليص
    تاريخ التسجيل
    Aug 2008
    الدولة
    قلبي مولع بالرياض
    المشاركات
    2,646
    معدل تقييم المستوى
    51

    حصري قابلتها بالصدفه مشاركتي(1) في مسابقة حكايتي مع متغيرات الحياة

    السلام عليكم ورحمة الله وبركاته



    كيفكم ياحبيباتي


    ( ماكنك بكرتي شوي في المسابقة)


    ماعلينا


    ندخل في الموضوع

    في يوم من الايام صابتني اعراض غريبة

    رحت للمستشفى وعلى طول على قسم التنويم وانا فاقدة الوعي

    بعد ماصحيت وشفت نفسي في المستشفى ودريت اني مصابة بمرض الـ ..........

    لو اعبر من اليوم لين اموت كيف كانت صدمتي ماعطيت

    الموقف حقه بكييييييييييييييييت لين حسيت ان كبدي تفطرت من البكي

    شافتني وحده كانت مرافقة مع امها وجت عندي وقالت انتي ليش تبكين؟؟

    انا وكأن شي في داخلي وانفجر

    قلت كل شي في نفسي وكنها من اقاربي او تعرفني من سنين

    حتى اسماء خواتي واخوي قلتها مدري ليش سويت كذا

    قالت ممكن اخذ رقم اهلك عطيتها بدون حتى ما اسألها عن السبب

    مرت الايام وانا بين مصدق ومكذب اقسم بالله وكأني في حلم والحمد لله على كل حال

    مع الوقت صارت البنت تتقرب مني ودايم تسولف وتضحك معي حتى اذا بغت تاكل

    تجيب اكلها عندي ولا تنام الا اذا شافتني نايمه تجي تطل علي ثم تروح تنام

    مره شافت شعري بدون ربطه قالت لأختها جيبي ربطات معك وعطتني منها

    طلبت منها اني ارسل من جوالها وعطتني على طول والبنات يقولون ممكن جوالك

    تقول مافيه رصيد ( لان البنات مصخوها معها... طيب انتي ياحبلوصة

    مامصختيها ؟ لأ يالبى قلبي) ههههه

    قلت حلو عطرك ماشاء الله قالت والله مايرجع لي

    كل مره الاحظ عليها اذا دق جوالها او بغت تكلم تروح عني بعيد عشان مااسمعها

    جتني وحدة من المنومات وقالت فلانة ماحبيتها تتكلم كثير بالجوال بعيد عنا

    ماادري وش قصتها و البنت تلبس ضيق وقصير وبنطلون وكت وعباية ع الكتف

    و لثمة تقريبا حكمنا عليها من لبسها بس مادخلت المكالمات في ذمتي

    صح اني استغربت طريقتها في الجوال بس قلت خصوصيات وش دخلني

    مره قالت لي عندي كتاب حلو مره اسمه لاتحزن بروح اجيبه لك والله ياعالم

    ماتوقعت ان هالانسانة يكون اسم الكتاب قد مر عليها

    ومرة تقول ان يوم مرضت امي صليت اخر الليل ودعيت الله انه يشفيها

    ماتوقعت بعد انها تصلي اخر الليل سبحان الله كل يوم اكتشف فيها شي جديد

    لو بس تشوفون كيف كانت تعامل امها مابقى اسم دلع في الدنيا ماتقوله لها

    و كل شوي تحضن امها وتبوس فيها تسولف معنا وتدخل في السوالف بس عينها

    وقلبها مع امها مايمديها تتحرك ولا تحرك شفايفها الا تقوم وتقطع السالفة

    وكل شي عشان تروح لأمها عايشة حياتها تضحك وتسولف وتكشخ وكريمات

    وعطورات ماكأن امها تعبانه


    ولا عمري شفتها تبكي ....

    يتبع
    اللهمّ آن في نفسي [ أمنيه ] , يتمنآهآ قلبيُ
    آمنيتيُ تنبضُ في قلبُ هو ملككّ !
    ولا يعلمها الا انت وحدك
    فلآ تحرمنيُ من فرحة تحقيقهإ‘ / فإنكّ الوحيدّ منْ يقولّ :
    كنْ فيكونُ .. ! يارب

    من مواضيع ام حبيليص :


  2. #2
    محررة بيت حواء الصورة الرمزية ام حبيليص
    تاريخ التسجيل
    Aug 2008
    الدولة
    قلبي مولع بالرياض
    المشاركات
    2,646
    معدل تقييم المستوى
    51
    بس مرة قالت تصدقين ان في حياتي ماطلعت لي حبوب في وجهي الا يوم مرضت

    امي كاتمه في نفسها عشان ماتبين لأمها شي عجيبه هالانسانه ماشاء الله تبارك الرحمن

    ( يمكن لو انا مكانها بسم الله على امي الله يخليها لي بجلس في زاوية

    وابكي الليل والنهار وبدال ما اوسع صدرها انكد عليها وازيدها مرض )



    تصدقون بالله يابنات ان امها طلعت من المستشفى قبلي على ان مرضها

    يشبه الى حد ما مرضي وجتها جلطة من الصدمة

    بس تحسنت امها ماشاء الله بشكل مو طبيعي وهذا من الله ثم معاملة بنتها لها..

    بعد فتره طلعت من المستشفى وكنت اتكلم انا واختي عن هالبنت قالت اختي تراها كل

    يوم تدق علينا او ندق عليها وتقول بنتكم الحمد لله اليوم احسن وتراها اكلت زين ونامت وووو

    يالله يوم قالت لي اختي ماتوقعت انها كل هالفترة كانت تكلم اهلي

    على طووول ارسلت لها قلت والله ياانك سويتي فيني جميل ماانساه طول عمري

    لولا الله ثم انتي كان امي صار فيها شي (( لانهم كانوا مانعين عني الزيارة لاشفتها ولا

    شافتي))

    قالت ابد ماسويت شي


    شوفوا بس كيف التواضع


    كلمت الثانية قلت بالله ماتظلمين فلانه تراها كانت تكلم اهلي

    سبحان الله لا اعرفها ولا تعرفني جمعتني بها الصدفه وكانت احلى صدفه

    في حياتي ...........


    حبلصة


    * اللي يشوف مصيبة غيره تهون عنده مصيبته والله ياإني شفت العجب في المستشفى

    وحمدت الله على اللي انا فيه صح انصدمت مااكذب بس بعد اللي شفته هانت مصيبتي

    يابنات لاتخلون للشيطان مدخل مهما كانت مصيبتكم

    * مايجوز نحكم على الواحد من شكله ونظلمه البنت طلعت جوهرة من داخل

    والله اللي كنت عادتها صديقتي ماسوت اللي هي سوته كلمتني كم مره بس حتى زيارة

    ماكلفت على عمرها تجي ولا درت اني في المستشفى الا يوم كلمتها ولا فقدتني

    اصلا

    * البنت هذه مانسيتها من دعواتي ولا راح انسى اللي سوته معي حلو الواحد يترك له

    اثر طيب يذكرونه الناس ويدعون له يمكن هو نفسه ينسى اللي سواه

    وسبحان من سخرها لي تركت كل المنومات وجت عندي

    * تعلمت منها اشياء ماتعلمتها في حياتي كلها يعني اذا الواحد متضايق مايخلي

    هالشي يبين عليه يصبر عشان خاطر الناس اللي يحبهم ويحبونه صح ان الصبر مر بس

    نهايته احلى من العسل

    الشكوى لازم ماتكون الا لله مو لخلقه ماراح يكشف الضر الا الله ركعتين اخر

    الليل تصنع المعجزات بس نذكر الله في الرخاء مو بس في الشده

    * عبروا عن مشاعركم للي تحبونهم انا ماضميت امي الا يوم زارتني اول زيارة

    ليش كذا عندنا جفاف وتصحر عاطفي ولا البيئة مأثرة علينا

    تصدقون غرت من البنت يوم تضم امها ( طيب ياحبلوصة فيه احد ماسكك هههههه)

    ((اللي خلاني ادري انها كانت تطل علي وانا نايمة تقول كنت اجي لين غرفتك

    واشوفك نايمة ومسوية كذا.. عاد انا عندي حركة حبلوصية اذا جيت انام ))

    * ماتنسوني من دعواتكم ياحلوات في غضون هذه الايام اذا ربي كتب راح اخذ جرعة

    زيادة والله يكتب لي فيها الشفاء والاجر

    و حبلوصة قدها ان شاء الله

    وسلامتكم
    اللهمّ آن في نفسي [ أمنيه ] , يتمنآهآ قلبيُ
    آمنيتيُ تنبضُ في قلبُ هو ملككّ !
    ولا يعلمها الا انت وحدك
    فلآ تحرمنيُ من فرحة تحقيقهإ‘ / فإنكّ الوحيدّ منْ يقولّ :
    كنْ فيكونُ .. ! يارب

    من مواضيع ام حبيليص :


  3. #3
    محررة بيت حواء الصورة الرمزية ام حبيليص
    تاريخ التسجيل
    Aug 2008
    الدولة
    قلبي مولع بالرياض
    المشاركات
    2,646
    معدل تقييم المستوى
    51
    طبعا الاحداث ماصارت بين يوم وليله بس كتبتها باختصار وسوينا cutعلى بعض الاشياء ماتصلح لكم اذا كبرتوا علمتكم هههه
    اللهمّ آن في نفسي [ أمنيه ] , يتمنآهآ قلبيُ
    آمنيتيُ تنبضُ في قلبُ هو ملككّ !
    ولا يعلمها الا انت وحدك
    فلآ تحرمنيُ من فرحة تحقيقهإ‘ / فإنكّ الوحيدّ منْ يقولّ :
    كنْ فيكونُ .. ! يارب

    من مواضيع ام حبيليص :


  4. #4
    مشرفة ركن حول العالم وركن التحفيظ الصورة الرمزية بمبينا بيلا
    تاريخ التسجيل
    May 2010
    الدولة
    في قلب الحبايب
    المشاركات
    11,173
    معدل تقييم المستوى
    48

    Awards Showcase

    آنسه حبلوصه
    اول شي الحمد لله على السلامه
    صح كلاامك محد يحكم على الناس بالمظهر وبس
    لانو دى اكبر غلط
    شفتي دي البنت مرت مره في حياتك وعملت شي بسيط لك
    بس مستحيل تنسيها
    تركت في قلبك بصمه جميله

صفحة 1 من 7 1234 ... الأخيرةالأخيرة

المواضيع المتشابهه

  1. (سن الياس)تعاملت معه مشاركتى فى مسابقة حكاياتك مع متغيرات حياتك
    بواسطة قمرالليل الجميل في المنتدى الأسرة
    مشاركات: 65
    آخر مشاركة: 11-04-2018, 08:23 PM
  2. علمتني الحياة ان اوكل امري الى ربي.... مسابقة حكاياتك مع متغيرات حياتك
    بواسطة وردة الصحراوية في المنتدى الحياة الزوجية
    مشاركات: 11
    آخر مشاركة: 30-05-2013, 03:26 AM
  3. مشاركات: 10
    آخر مشاركة: 29-05-2013, 04:50 PM
  4. مشاركات: 18
    آخر مشاركة: 26-05-2013, 06:20 AM
  5. حكايتي مع النمل مشاركة الاول في حكايتي مع متغيرات حياتك
    بواسطة شذي اليمن في المنتدى اسرار البنات
    مشاركات: 23
    آخر مشاركة: 18-05-2013, 09:11 PM

الكلمات الدلالية لهذا الموضوع

مواقع النشر

مواقع النشر

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

أهم المواضيع

المطبخ

من مواقعنا

صفحاتنا الاجتماعية

المنتديات

ازياء | العناية بالبشرة | رجيم | فساتين زفاف 2017 | سوق نسائي | طريقة عمل البيتزا | غرف نوم 2017 | ازياء محجبات | العناية بالشعر | انقاص الوزن | فساتين سهرة | اجهزة منزلية | غرف نوم اطفال | صور ورد | ازياء اطفال | شتاء | زيادة الوزن | جمالك | كروشيه | رسائل حب 2017 | صور مساء الخير | رسائل مساء الخير | لانجري | تمارين | وظائف نسائية | اكسسوارات | جمعة مباركة | مكياج | تسريحات | عروس | تفسير الاحلام | مطبخ | رسائل صباح الخير | صور صباح الخير | اسماء بنات | اسماء اولاد | اتيكيت | اشغال يدوية | الحياة الزوجية | العناية بالطفل | الحمل والولادة | ديكورات | صور حب | طريقة عمل القرصان | طريقة عمل الكريب | طريقة عمل المندي |