الله يخليكم علموني وين الصح استحلفكم بالعشر الاواخر تجاوبوني
النتائج 1 إلى 3 من 3

الموضوع: الله يخليكم علموني وين الصح استحلفكم بالعشر الاواخر تجاوبوني

  1. #1
    عضوة جديدة
    تاريخ التسجيل
    Aug 2013
    المشاركات
    1
    معدل تقييم المستوى
    0

    dfgdfg الله يخليكم علموني وين الصح استحلفكم بالعشر الاواخر تجاوبوني

    السلام عليكم ورحمة الله مبارك عليكم الشهر خواتي وان شالله تكونون بألف خير وصحه يارب انا هاذي اول مشاركه لي واسفه ان المشاركه هاذي انها تكون مشكلتي كان ودي اشارك معاكم بشي احسن من جذي
    انا بدخل بالموضوع على طول
    انا متزوجه وعندي اخت مطلقه بأول زواجنا كلم زوجي واحد من قرايبه وقال انه بيخطب اختي وبالفعل صارت الشوفه الشرعيه عندي بالشقه برغم اني ما اعرف حق هالسوالف لأني كنت توني عروس الا ان امي واختي كانو مصرين ان الشوفه تكون في شقتي المهم بعد ما تمت الشوفه الريال رد لزوجي خبر انه ما تكلم معاها لانه يبي يكلمها عن وضعه لانه مطلق وعنده عيال قلنا لأمي واختي كلامه اللي قاله ما رضو وقالو لا اهو شافها والحين لازم يجي يملج عليها فبيت ابوها زوجي حاول بالريال وايد ما رضى يقول انا لازم اقعد معاها بوجود امها وافهمها عن وضعي وعقبها اغلق تلفونه ولا حس ولا خبر وامي واختي كل يوم يدقون ها شصار متى يجي يملج ترا احنا كلمنا ابوج ولازم الحين يجي يملج قلنا لهم انا وزوجي ان الريال اغلق تلفونه ولا نقدر نلاقيه عصبو وخلو ابوي يزف ريلي ويطرده من بيتنا وانا بعد انطردت لاني على قولة امي واختي ان انا وزوجي قطاعين نصيب قعدو 3 شهور ما يكلموني ولا يدرون عني خصوصا وانا كنت عروس عقب ال3 شهور دقيت على ابوي وكلمته وفهمته ان مالي ذنب وان الريال هذا كلامه وعقبها ماشفناه تفهم ابوي الموضوع وطلعو امي واختي مفهمين ابوي غلط ورديت ادش بيت اهلي وزوجي بعد يدش بيتنا ومرت 4 سنوات على الموضوع وطول هال4 سنوات كنت ادري ان امي واختي حاقدين علي بس يجاملوني وكلما احاول افهمهم ان مالي ذنب انصدم ان امي عندها ايمان بأن انا السبب بنحشة الريال المهم رجعت امي تطلب مني اني اشوف زوج حق اختي وكنت اقوللها يمه والله انا صرت اخاف منكم لا دخليني بهالسوالف اخاف مايصير نصيب واسوون فيني نفس ما سويتو بأول زواجي وكانت امي تضحك وتقوللي لا والله العظيم انتي مالج شغل خلاص بس المهم شوفيلها ريل لأنها تعبتني وكل يوم امي تتصل علي تشكيلي من مشاكل اختي معاها ومع ابوي المهم عقب ما طاف على سالفة الريال 4 سنوات وشوي رد دق على زوجي وسلم عليه وقال له بصراحه انا تحسن وضعي وليلحين خاطري بالبنت وابيها زوجي قال له لا تنجل فيني نفس قبل ترا انت سببتلي مشاكل مع اهل زوجتي الريال قال له لا وحلف له انه هالمره يبي زواج صج وما بذنه ماي انا وزوجي صدقناه وقلنا يارب يصير النصيب وزوجي قال انا ابي اسعي عشان اختج لاني احسبها مثل خواتي وقلت حق امي واختي ان الريال رجع ويبي يتزوج وهالمره جاد رحبو ويننوني كل يوم ها متى وها متى وهني بدت مشكلتي الحقيقيه اللي الحين راح اقولها لكم عنها طبعا الريال من قال ابي اتزوجها واهو كل يوم مخلي زوجي سايق عنده ويتسلف منه فلوس لانه يقول مطلق وكل معاشه يروح نفقه حق عياله وحتى المهر زوجي قال انا بعطيه المهم انا قلت حق اختي ان وضعه كلش تعبان وما عنده شي واهو قايل ان عنده اسهم راح تطلع بعد جم شهر واختي وافقت على كلشي ودخل بيتنا وقعد مع ابوي وشاف اختي وشرحلها وضعه واهي وافقت وعقب ما تقدم حق ابوي صار كل يوم يتسلف من زوجي فلوس وزوجي طبعا سايق حقه لانه بايع سياييره لحد ما قال لزوجي ودي مرتك لانها وخلني انام عندك بالشقه لحد ما اتزوج وابيك ادور لي شقه انا رفضت اني اطلع من بيتي وكلمت اختي نصدمت ان اختي راضيه ان الريال ينام فشقتي وتقول لي يمعوده خليه ينام وانتي تعالي عندنا عشان يتم الزواج لازم تسهلين الامور انا وافقت ورحت بيت اهلي عشانها واهو قعد بشقتي وابوي طبعا ما قالوله عن هالشي لانه ماراح يرضى وطبعا طول فتره الخطبه وقعدته عندي فالشقه واهو يتهرب وقبل لا يقعد عندي بالشقه هم انحاش وصك تلفونه وقعدنا انا وزوجي بيسارتنا بالشارع ننطره والله العظيم من الظهر لي الليل عشان بس نصيده ونقنعه ايي يكمل الخطبه لان امي وابوي واختي هم لما تهرب دقو علينا وزفونا انا وزوجي وقالو لنا لازم اتيبونه لو من تحت الارض فعشان جذي زوجي وافق انه يقعد بالشقه عشان نقدر نمسكه ونخليه يملج وبالفعل بالغصب خليناه يروح يسوي فحص قبل الزواج ودورنا له شقه وتبرعت انا اني ااثثها لهم وادفع لهم اجار شهرين مقدم وكنت ناطره يملجون عشان ابلش بالاثاث ودفع الاجار ووعقب ما طلعت نتيجة الفحص الطبي ثاني يوم صارت الملجه الريال قال لزوجي انا اييب الملاج وياب الملاج وابوي ياب بوفيه واختي تمكيجت بصالون الملاج كانت شروطه غريبه اول شي طلب شهادة راتب للزوج وثاني شي طلب ورقة طلاق اختي ولما شاف الورقه قال انها مو مصدقه من المحكمه والريال رفض انه يحط مؤخر قال ما احط الا الفين واختي طالبه 5 الاف مؤخر وبجذي تفركشت الملجه وما صارت وقام الملاج وطلع والريال طلع وياه وزوجي راح يوصلهم طاف اسبوع محد تكلم عني او عن زوجي لاني كنت ماسكه قلبي لايحطون السبب فينا عقب اسبوع زوجي تمرض وكنت حيل تعبانه وياه فصار يوم الجمعه اللي هي زوارتي الاسبوعيه رحت لبيت اهلي شفت ويوههم ثجيله علي وما يعطوني ويه حطو الغدا تغديت واول ما قلت الحمدلله اختي هبت فيني شوي وتخنقني وتقول لي انتي السبب انتي وزوجج وقامت تغلط علي وعلى زوجي بكلام مو زين ووصخ وامي صفت وياها انا هني حسيت انشليت امي ولا جنها امي اللي لحد قبل بيوم كانت تسولف معاي وتقول لي انه نصيب وان الله ما قسم لها هالشي الحين انقلبت 10000 درجه اقوللها يمه شفيج ليش قلبتي علي انا شنو ذنبي تقول لي اي انتي السبب بخراب ملكة اختج وفشلتي ابوج قدام زوجج اختي قامت وطردتني من البيت انا طلعت وانا ميته بجي دقيت على امي اول يوم رمضان كنت ابي ابارك لها الشهر قلت ميخالف امي مهما سوت فيني هذا رمضان لازم اواصلها اول ما دقيت عليها نصدمت فيها تقول لي انتي مو بنتي وانا متبريه منج وبعد لا ادقين علينا انتي سببتلينا مشاكل وكافي ما يانا ومنج ومن ريلج من مشاكل ابعدو عننا لا نعرفكم وتعرفونا وقامت تسبني وصكت السماعه بوجهي دقيت ادق ما تشيله دقيت على ابوي هم ردت امي قلتلها ابي اكلم ابوي سمعت ابوي يقوللها قولليلها مابيها تدق ولا ابي اكلمها كان تقول لي امي ما ابيج ادقين وانسي رقمنا وانسي ان عندج اهل وسدته ومن اول يوم رمضان لي الحين وانا صرت مينوونه لا اكلي اكل ولا نومي نوم ابي اعرف خواتي الله يخليكم منو الصح ومنو الغلط ومنو الظالم ومنو المظلوم الله يخليكم قولولي انا مخي وقف من التفكير ابي اعرف تكفووووون ريحوني

  2. #2
    عضوة نشيطة
    تاريخ التسجيل
    May 2011
    المشاركات
    52
    معدل تقييم المستوى
    9
    لاحول ولاقوة الا بالله
    مادري ايش أقولك الا الله يعينك من جداً امر اهلك غريب
    نصيحتي خذي احد عاقل من قرايب كم ويمون على امك وأبوك وخلية يجلس معهم ويصلح بينكم
    وانتي الجئ لربك وأدعية بأنة يفرج عنك

  3. #3
    عضوة نشيطة الصورة الرمزية الورتاني family
    تاريخ التسجيل
    Aug 2013
    المشاركات
    74
    معدل تقييم المستوى
    8
    مزاج : 7

    .fg

    اختي في الله حسب ما رويت فان عائلتك هي المخطئة في حقك فاستعيني بالله واصبري وحاولي وصلهم لكي لا تقطعي الرحم فالله يبتلينا ليرى ما نفعل وهل نصبر على بلاه ام لا فمشاكلنا مهما كانت صعبة ماننسى انها امتحان من الله .فلو كانت صديقة هي من فعلت هذا عليك قطعها الى الابد ولا يبقى سوى بينكم السلام ولكن هذه امك وذاك ابوك والله سبحانه وتعالى وصى بهما لذلك عليك مسامحتهما وتصفية قلبك عليهما ومحاولة اصلاح ما هدم بينكم ولاكن نصيحة مني اليك ان رجعت العلاقة بينك وبين عائلتك اياك والتدخل في اي شيء يخص عائلتك مرة اخرى حتى و ان شعرت بان الامور رجعت كما كانت وليكن لك هذا الدرس فما عليك الا ان لا تكرريه
    واصلا في موضوع الارتباط بين اثنين من الاحسن ان لا تكوني سببا في ربط اثنين فحتى لو فرضنا ان اختك وهذا الرجل قد تم زواجهما على خير فقد تحدث بينهما فيما بعد مشاكل وانفصال وسيكون اللوم عليك ايضا ففى هذا الشان لن تسلمي من احد.

المواضيع المتشابهه

  1. الله يخليكم علموني كيف افطم ولدي
    بواسطة غرام الشوق 2011 في المنتدى حواء وطفلها
    مشاركات: 11
    آخر مشاركة: 29-04-2012, 01:44 AM
  2. سؤال مهم.الله يخليكم يا غاليات تجاوبوني...
    بواسطة " شام" في المنتدى الصحة والريجيم
    مشاركات: 6
    آخر مشاركة: 19-05-2008, 09:30 PM
  3. علموني الله يخليكم عاجل
    بواسطة dove2005 في المنتدى الفلاش , سويتش
    مشاركات: 2
    آخر مشاركة: 11-05-2005, 05:10 AM

الكلمات الدلالية لهذا الموضوع

مواقع النشر

مواقع النشر

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

أهم المواضيع

المطبخ

من مواقعنا

صفحاتنا الاجتماعية

المنتديات

ازياء | العناية بالبشرة | رجيم | فساتين زفاف 2017 | سوق نسائي | طريقة عمل البيتزا | غرف نوم 2017 | ازياء محجبات | العناية بالشعر | انقاص الوزن | فساتين سهرة | اجهزة منزلية | غرف نوم اطفال | صور ورد | ازياء اطفال | شتاء | زيادة الوزن | جمالك | كروشيه | رسائل حب 2017 | صور مساء الخير | رسائل مساء الخير | لانجري | تمارين | وظائف نسائية | اكسسوارات | جمعة مباركة | مكياج | تسريحات | عروس | تفسير الاحلام | مطبخ | رسائل صباح الخير | صور صباح الخير | اسماء بنات | اسماء اولاد | اتيكيت | اشغال يدوية | الحياة الزوجية | العناية بالطفل | الحمل والولادة | ديكورات | صور حب | طريقة عمل القرصان | طريقة عمل الكريب | طريقة عمل المندي |