متى تشرق علينا شمس باكر ياشبيه الريم
متى تفتح زرارك وارتوي من طلع تفاحك
متى تغلق علينا باب سورك وب حماك انقيم
متى تاخذني بحضنك وتحكي لي عن افراحك
شكيتك لسماء مدري شكيتك من هوس للغيم
ابي وجه السحابه ينقشع وآخايل اصباحك
خلقت انسان عادي ما يبي من حضرتك تعظيم
يكفيني تداوي لي جروحي واضمد اجراحك
انا ميت عليك وخاطري ما يقبل التحطيم
عسى ما صابني من سهمك الذباح يجتاحك
انا منهج حياتي سبتك يحتاج له تنظيم
تعبت اقاوم احلامي وغير صورة اشباحك
لو ان الوقت يعلم ما لحقني من جروح وضيم
كساني فرحة ايامك وفي دوامتي طاحك
هوا نفسي صعيب وحالتي تحتاج لتنجيم
لعلي اعزم البرق الذي من غيمتي لاحك
شعوري لو يلاعب هاجسي ساعه وفيك يخيم
عرفت اني تحملت الثقيله لجل تنزاحك
تعال اكسر مسافات الطريق وفي حبيبك هيم
ترى غصن الموده ما ثناه الا تصداحك
تأملت اليال المعتمه كيف انجلى التعتيم
وسامرتك وانا في نشوتي وانهلت في راحك
اسابق ساعتي واسلمك يد الوفاء تسليم
اساير خاطرك وامشي على قنديل مصباحك
تحملت الجفاء وارغمت خفاقي على التسليم
كأن القلب قفله ما يطابق غير مفتاحك