حبيت أكتب هلموضوع بعد قرائة غالبية المواضيع وإعلمي أختي العزيزه أني مع المرأه لأنها كما قال الحبيب عليه السلام قوارير وهن أسيرات
ولكن ضميري ما يسمحلي مش كل الرجال سيئين ومش كل السيئين سيئين يعني منهم الصالح ومنهم إلي بحكم ظروفه خلته يسيئ لحبيبة عمره ومين منا إلي ما مر بلحظه تجاهل فيها مشاعر غيره ومين إلي فينا إلي ما أساء لغيره ولو بغمزه وإلا نظره وإلا فكره
أنا بنادي كل حواء بدك حياه صافيه ما فيها غيوم لازم الأرض تكون مستقره تتعرفي على زوجك مزبوط بدون إنحياز وتكون هناك ثقه متبادله وموضوعيه بالحوار
كل شي ممكن ينحل ويتوضح بالحوار الهادف من غير تجريح وصدقيني إذا إنتي بتحبي زوجك عن جد هوه راح يشعر فيكي ويعاملك زي ما بتعامليه أنا زوجي عملي جداً حتى المزح عنده إله وقت كان إكتير قاسي حتى أول ما إتزوجت كنت أروح وآجي لحالي بس كنت مقتنعه تماماً بإنه راح يصير أحسن عاملته بالحب وكان الرد حلو حتى إمه قالتلي إنه تغير كتير بالمعامله .
خلاصة كلامي لا تظلمي آدم قبل ما إنك تستنفذي فيه كل طاقاتك إعتبريه إستثمار ونميه والنتيجه تكوني حافظتي على مملكتك وشكراً
مواقع النشر