قصتي مع أستاذ الانجليزي
بسم الله الرحمن الرحيم
السلام عليكم ورحمة الله....
موضوعي اليوم حصلي فالسنة الدراسية هاذي ...وهاي السنة كانت من اسوأ ايام حياتي ...
اطرت معلمة الانجليزي انها تسافر عشان ظرف حصللها ولو اني ما كنت احبها وايد بس كانت احسن من المدرس الي يانا فنصف العام الدراسي.......اول ما دخل كانت عليه ابتسامة خبيثة ومسمي عمره ملاك....وبس عشان عيونه كانت خضر كل البنات(المراهقات) الي فصفنا انعجبوا فيه...المهم انا عديت الموضوع وقلت يله يمكن يكون احسن عن معلمتنا ....مرت الايام وكل سنة كان يزداد سوء وبس عشان انا وكمن بنت فصفنا كنا محترمات وما نسويله سالفة ماكان يخلينا نشارك...نحن اجاهلنا الموضوع ولكن الي زاد الموضوع انه نقصنا ثلاثين درجة فالشهادة غير درجة الامتحان(لان نحن عدنا فالامارات ثلاثين درجة حق النشاط؟؟؟.....ويوم قلنا حقه ليش نقصتنا قال انتوا ما تشاركون وكأنه ما يعرف ان هو الي ما يطلعنا اصلا .....المهم كل يوم كانت حركاته تقززني اكثر واكثر فكان يتعمد ان يتقرب من البنات ويسمي عمره يضحك...النات ما كانوا يشتكون بس الي غاظني انه كان يسوي هالحركات حقنا ....وكان دايما يتعمد يخليني ايلس علىكرسيه وهاذا غير مسموح فيه اصلا فالمدرسة ...والحجة الي كان يقولها ان انا لازم ابتعد عن اربيعتي عشان ما اتكلم ...والله الشاهد ان اي حركة كنت اسويها كان يخليني ايلس على كرسيه.
المهم بعد شهر المسألة بدأت تزداد سوءا ....والاكثر انه كان ينقصنا وشرحه كان غير مفهوم.......ويوم من الايام كنت سايرة الحمام ويوم رجعت شفت اربيعتي ووحدة ثانية يالسين يصيحون فحصتة والمديرة كانت موجودة ويوم سالتهم شو السبب: البنت قالت انه كان يصارخ عليها اما اربيعتي قالت انه حركاته كانت تقهر ...وكان يقول حق البنات غبيات وغيره من الكلام....ويوم دافع عن نفسه حسيت انه يمثل ففلم من كثر ما يجذب تم يقول اونه هو ما يحبون حصة الانجليزي وهو ما يدري انه لو كان هاذا السبب جان اعترضت على كل الحصص.....عقب جي وهو الجزء المشوق من القصة انه تمينا انسوي مظاهرات ونيب لوح ونكتب عليها حكم مثل(من لا يستحي فلا تخطره فبالك).....الصف كله كان واقف ويانا بس ما في وحدة كانت تتجرأ وتقوله ان انت ما تستحي!! ....وبرغم ان نحن سوينا كل هاذي الاشياء الا ان ما في حد قدر يصدقنا ففي مدرستنا الحق دايما كان ويا الاستاذ ...حتى يوم خبرنا اهالينا ما صدقونا.
المهم فالنهاية ابا اقول حق كل بنت ان لو استوالها مثل هالموقف لازم تثبت حتى لو ما في حد صدقها او وقف وياها لان ..تذكري اختي ان الله دايما مع المظلومين ... اتمنى من الجميع المشاركة واعطائي رأيهم فالموضوع.
رد مع اقتباس
مواقع النشر